Marko Simone
Marko Simone (it. Marco Simone ; 7 yanvar 1969, Castellanza, İtaliya) — İtaliyalı keçmiş futbolçu. Əsasən hücumçu və yarımmüdafiəçi kimi çıxış edib. Hal hazırda məşqçi kimi fəaliyyət gödtərir.
Marko Simone | |
---|---|
Ümumi məlumatlar | |
Doğum tarixi | 7 yanvar 1969[1][2] (55 yaş) |
Vətəndaşlığı | |
Boyu | 170 sm |
Çəkisi | 68 kq |
Mövqeyi | cinah yarımmüdafiəçisi[d] |
Vikianbarda əlaqəli mediafayllar |
"Milan", "PSJ" və "Monako" klublarında oynaması ilə tanınır. Futbolçu İtaliya millisində 4 oyun keçirib.
İtaliya (1992, 1993, 1994 və 1996-cı illərdə "Milan"ın heyətində) və Fransa çempionu (2000-ci ildə "Monako"nun heyətində), Çempionlar Kubokunun (1990 və 1994), Avropa Superkubokunun (1989 və 1994), Qitələrarası Kubokun (1989) qalibi olub. Həmçinin Fransa Kuboku və Fransa Liqa Kubokunu (1998) qazanıb.
Bioqrafiya redaktə
Marko İtaliya A Seriyasında 11 yanvar 1987-ci ildə "Komo" klubunun heyətində debürt edib.[3] A seriyasında bir neçə oyundan sonra o, C1 seriyasında çıxış edən "Alzano" klubuna icarəyə verilib. Bu klubda Simone 1987/88 mövsümündə 15 qol vurub və mövsümün sonunda C1 seriyasının bombardiri olub. "Komo"da 3 mövsüm keçirdikdən sonra, futbolçu klub səviyyəsində əsas uğurlarını qazandığı İtaliya nəhəngi "Milan"a transfer olunur. "Milan"da ardıcıl 8 mövsüm forma geydikdən sonra Fransaya yollanan futbolçu, burada "PSJ", "Monako" klublarda forma geyinib.
Karyerasını başa vurduqdan sonra o, İtaliyanın "Leqnano" futbol klubunun direktoru təyin edilib. 2009-cu ildən o, həm də "AS Monako" üçün bazar məsləhətçisi vəzifəsini yerinə yetirir.[4] Sonradan Marko "Leqnano" klubundakı vəzifəsini tərk edərək, futbol skautuna və FİFA agentinə çevrilir.
12 sentyabr 2011-ci ildə Marko, Jan Petitlə birlikdə "Monako"ya baş məşqçi təyin edilir.
7 noyabr 2013-cü ildə Simone "Lozanna" klubunun məşqçisi təyin edilir. 12 may 2014-cü ildə idman layihəsi onun ambisiyalarını əks etdirmədiyi üçün "Lozanna" ilə əməkdaşlığı davam etdirməmək qərarına gəlir.
13 oktyabr 2014-cü ildə "Lozanna"nın baş məşqçisi olur.[5] Ancaq 2015-ci il martın 24-də ardıcıl 5 məğlubiyyətdən sonra o, vəzifəsindən azad edilib.
25 iyun 2015-ci ildə Fransanın ikinci divizionunda çıxış edən "Tur" komandasının məşqçisi təyin edilir.[6] Marko 14 may 2016-cı ildə,"Tur"da tutduğu vəzifədən istefa verir.[6]
Noyabrın 8-də "Laval" klubunun baş məşqçisi vəzifəsinə təyin edilir.
15 iyul 2017-ci ildə Tunisin yüksək divizionunda çıxış edən "Klub Afriken"in baş məşqçisi təyin edilir.[7]
Uğurları redaktə
Komanda redaktə
- "Milan"
- İtaliya çempionu (4): 1991/92, 1992/93, 1993/94, 1995/96
- İtaliya Superkubokunun qalibi (3): 1992, 1993, 1994
- UEFA Çempionlar Liqası (2): 1989/90, 1993/94
- UEFA Superkuboku (3): 1989, 1990, 1994
- Qitələrarası kubok (2): 1989, 1990
- "PSJ"
- Fransa Kuboku: 1997/98
- Fransa Liqa Kuboku: 1997/98
- Fransa Superkuboku: 1998
- "Monako"
- Fransa çempionu: 1999/00
- Fransa Liqa Kuboku: 2002/03
- Fransa Superkuboku: 2000
Fərdi redaktə
- C1 Seriyasının bombardiri: 1988/89
- Fransada ən yaxşı əcnəbi oyunçu (2): 1997/98, 1999/00
Statistika redaktə
Mövsüm | Klub | Liqa | Oyun | Qol |
---|---|---|---|---|
1986/87 | "Komo" (İtaliya) | Seriya A | 2 | 0 |
1987/88 | Vireskit (İtaliya) | C1 seriyası | 33 | 15 |
1988/89 | "Como" (İtaliya) | Seriya A | 34 | 6 |
1989/90 | "Milan, (İtaliya) | Seriya A | 21 | 1 |
1990/91 | "Milan, (İtaliya) | Seriya A | 14 | 4 |
1991/92 | "Milan, (İtaliya) | Seriya A | 15 | 7 |
1992/93 | "Milan, (İtaliya) | Seriya A | 13 | 5 |
1993/94 | "Milan, (İtaliya) | Seriya A | 25 | 3 |
1994/95 | "Milan, (İtaliya) | Seriya A | 30 | 17 |
1995/96 | "Milan, (İtaliya) | Seriya A | 27 | 8 |
1996/97 | "Milan, (İtaliya) | Seriya A | 23 | 4 |
1997/98 | PSJ (Fransa) | Liqa 1 | 28 | 13 |
1998/99 | PSJ (Fransa) | Liqa 1 | 31 | 9 |
1999/00 | Monako (Fransa) | Liqa 1 | 34 | 21 |
2000/01 | Monako (Fransa) | Liqa 1 | 30 | 7 |
2001/02 | Monako (Fransa) | Liqa 1 | 5 | 0 |
2002/03 | "Milan, (İtaliya) | Seriya A | 9 | 0 |
2002/03 | Monako (Fransa) | Liqa 1 | 5 | 0 |
2003/04 | "Nitsa" (Fransa) | Liqa 1 | 7 | 0 |
İstinadlar redaktə
- ↑ Marco Simone // Transfermarkt (çd.). 2000.
- ↑ MARCO SIMONE // Argentine Soccer Database (isp.).
- ↑ "Marco SIMONE". 2017-12-05 tarixində arxivləşdirilib. İstifadə tarixi: 2022-03-22.
- ↑ ""Marco Simone prêt à offrir ses services"". 2016-05-28 tarixində arxivləşdirilib. İstifadə tarixi: 2022-03-22.
- ↑ "UFFICIALE: Losanna, richiamato in panchina Marco Simone — TUTTOmercatoWEB.com". 2018-12-15 tarixində arxivləşdirilib. İstifadə tarixi: 2022-03-22.
- ↑ 1 2 "Marco Simone riparte dalla Francia: allenerà il Tours — Corriere dello Sport". 2017-12-01 tarixində arxivləşdirilib. İstifadə tarixi: 2022-03-22.
- ↑ "MARCO SIMONE ALLENATORE A TUNISI — Sportmediaset". 2018-09-22 tarixində arxivləşdirilib. İstifadə tarixi: 2022-03-22.