Með hækkandi sól

"Með hækkandi sól" (azərb. tələffüzü-Med haihkanti şouş‎), (azərb. Yüksələn günəşlə‎) — İslandiyalı folklor qrupu Sistış tərəfindən ifa edilən mahnı. Mahnı İslandiyanı İtaliyanın Turin şəhərində keçirilən sayca 66-cı Avroviziya Mahnı Müsabiqəsində təmsil etmişdir.

""Með hækkandi sól""
Sistış tərəfindən ifa olunmuş mahnı
Yayımlanıb	5 fevral 2022
Dil	İsland dili
Müddət	180 san.

Mahnı

Musiqi prodüseri Arnar Qudyonşon olan "Með hækkandi sól" mahnısı, əvvəllər "Tripolia" adı ilə də tanınan, Siqriduş, Elizabet və Elin Eyfuşdoftiş üçlüsü tərəfindən ifa edilmişdir. Xalq estrada janrlı həzin musiqi əsərinin sözləri və bəstəsi isə, Lovisa Elizabet Siqrunardoftiş tərəfindən ərsəyə gətirildi.

Buraxılış tarixi

Ərazi	Tarix	Müddət	Format	Etiket
Dünya üzrə	5 fevral 2022	3:00	Rəqəmsal yükləmə	The Orchard Enterprises

Beynəlxalq arenada

"Með hækkandi sól" mahnısı İslandiyanın milli seçim yarışması olan "Söngvakeppnin 2022"də, Sistış üçlüsünün ifası ilə qələbə qazanmışdır. Bu, mahnının beynəlxalq səhnələrdə səslənməsinə şərait yaratdı.

Avroviziya Mahnı Müsabiqəsi 2022

İslandiya təmsilçiləri sayca 66-cı Avroviziya Mahnı Müsabiqəsinin birinci yarı-final mərhələsində, toplam 103 xal toplayaraq, 10-cu sırada möhtəşəm finala vəsiqə qazanmışdır. Böyük finalda, Yunanıstandan sonra və Moldovadan əvvəl, 18-ci nömrə altında səhnədə yer alaraq, "Með hækkandi sól" mahnısını bir daha canlı ifa edən Sistış üçlüsü, yarışmanın yekun səsvermə nəticələrinə əsasən, 20 xal toplayaraq, beynəlxalq müsabiqəni 23-cü sırada tamamlamışdır.

Aşağıdakı cədvəldə, "Með hækkandi sól" mahnısına, ölkələr üzrə(Münsiflər heyəti və Telesəsvermə əsasında) təqdim edilən xallar sistemi(Böyük finalda) göstərilmişdir.

"Með hækkandi sól" mahnısına təqdim edilmiş xallar(Yalnız böyük finalda);

Xal	Telesəsvermə	Jüri
12 xal
10 xal
8 xal	Ukrayna
7 xal
6 xal		Portuqaliya
5 xal
4 xal
3 xal
2 xal	Danimarka	Litva
1 xal		Danimarka İrlandiya

Çartlarda

Çart (2022)	Zirvə nöqtəsi
İslandiya (Plötutíðindi)	1
Litva (AGATA)	38