Mehmed Babayev
Mehmed Silo Babayev (kürd. Mehmedê Silo Babayev; 20 oktyabr 1920[1], Dəvəli, İrəvan qəzası[1] – 30 dekabr 2011[1], Bakı, Azərbaycan[1]) — kürd əsilli SSRİ və Azərbaycan alimi, aqronomu, siyasi fəalı. "Yekbun" təşkilatında bir çox fəaliyyətlər həyata keçirmişdir.
| Mehmed Babayev | |
|---|---|
| Doğum tarixi | 20 oktyabr 1920[1] |
| Doğum yeri | |
| Vəfat tarixi | 30 dekabr 2011[1] (91 yaşında) |
| Vəfat yeri | |
| Təhsili |
|
| Fəaliyyəti | alim, aktivist |
| Partiyası | |
Həyatı redaktə
Mehmed Babayev 20 oktyabr 1920-ci ildə Ermənistan SSR-nin Dəvəli kəndində, kürd mənşəli bir kəndli ailəsində anadan olmuşdur. Onun iki qardaşı və üç bacısı vardı. 1928-ci ildə atası vəfat etmişdir. 1937-ci ildə qohumları ilə birgə Mərkəzi Asiyaya sürgün edilmişdir. 1948-ci ildə İrəvan Kənd Təsərrüfatı İnstitutunda təhsil almışdır. O, 1961-ci ilin əvvəlində digər kürd fəallarla birlikdə Kürdüstan qəzasının bərpası kimi "Kürd Muxtar Bölgəsi"nin qurulması məqsədilə Moskvaya getmişdir.[2] 1965-ci ildə doktorluq dissertasiyasını müdafiə edərək alim elmi adını almışdır. 1960-cı illərdə Ermənistanın Zəngibasar rayonunun Neçili kəndində sovxoz müdiri işləyib. O, Ermənistan Kommunist Partiyasının Zəngibasar rayon idarəsində çalışmışdır. 1969-cu ildə Bakıya köçmüşdür. 1974-cü ildə Azərbaycanın Xaçmaz rayonunda sovxoz müdiri olmuşdur. 1978-ci ildən sonra əkin trestinə sədr təyin edilmişdir. 1989-cu ildə təqaüdə çıxmışdır, siyasi fəaliyyətlə məşğul olmuşdur.[3]
Sovet İttifaqı Kommunist Partiyası Mərkəzi Komitəsinin qərarı ilə 25–26 sentyabr 1990-cı il tarixlərində "SSRİ kürdləri: Tarixi və müasir reallıqlar" mövzusunda beynəlxalq konfrans keçirilmişdir. Marksizm–Leninizm İnstitutunun kürdlərin yaşadıqları ölkələrdəki şöbələrinin də qatqıları ilə keçirilən konfransa Türkiyə, İran, İraq, Suriya, Almaniya və Fransadan kürd nümayəndələri qatılmışdır. Konfransda söz alan Mehmed Babayev muxtar bölgədə israrlı olduqlarını bildirmişdir.[4]
Mehmed Babayev 30 dekabr 2011-ci ildə Bakıda vəfat etmişdir.[5]
İstinadlar redaktə
- ↑ 1 2 3 4 5 6 7 8 https://web.archive.org/web/20200302150334/http://rojevakurdistan.org/guendem/4074-diyaspora-kuertlerinin-liderlerinden-mihemede-silo-yaama-veda-etti.
- ↑ Peyrat, Etienne Forestier. "1940'ladan 1980'lere Kürtlere Yönelik Sovyet Dış Politikası ve Sovyet Kürt Aktivizmi" (PDF). Kürt Tarihi (38). 2019: 53. ISSN 2147-2491. 14 Şubat 2020 tarixində arxivləşdirilib (PDF). İstifadə tarixi: 19 yanvar 2023.
- ↑ Bedirxan, Ezîzê Ziyo. Kızıl Kürdistan. Pêrî Yayınları. 2010. səh. 58. ISBN 9789759010560.
- ↑ Bedirxan, Ezîzê Ziyo. Kızıl Kürdistan. Pêrî Yayınları. 2010. səh. 65-66. ISBN 9789759010560.
- ↑ "Diyaspora liderlerinden Mihemedê Silo yaşama veda etti!". Rojevakurdistan.org. 2 Ocak 2012. 2 Mart 2020 tarixində orijinalından arxivləşdirilib. İstifadə tarixi: 19 yanvar 2023.