Mehmed Burhanəddin Əfəndi (II Əbdülhəmidin oğlu)
Bu məqalənin sonunda mənbə siyahısı var, ancaq mətndaxili mənbələr heç və ya kifayət qədər istifadə edilmədiyi üçün bəzi məlumatların mənbəsi bilinmir. Lütfən mənbələri uyğun şəkildə mətnin daxilində yerləşdirərək məqalənin təkmilləşdirilməsinə kömək edin. |
Mehmed Burhanəddin Əfəndi (19 dekabr 1885, Konstantinopol – 5 iyun 1949, Nyu-York, Nyu-York ştatı) — 34. Osmanlı sultanı II Əbdülhəmidin dördüncü oğlu, Osmanlı şahzadəsi.
| Mehmed Burhanəddin Əfəndi | |
|---|---|
| محمد برهان الدين أفندي | |
| Şəxsi məlumatlar | |
| Doğum tarixi | |
| Doğum yeri | Ulduz sarayı, İstanbul, Osmanlı imperiyası |
| Vəfat tarixi | (63 yaşında) |
| Vəfat yeri | |
| Atası | II Əbdülhəmid |
| Anası | Məzidə Qadınəfəndi |
| Həyat yoldaşları |
Hidayət xanım Aliyə Mələk Nazlıyar xanım Georgina Leonora Mosselmans Elsie Deming Lackson |
| Uşaqları |
Mehmed Fəxrəddin Əfəndi Ərtoğrul Osman Əfəndi |
HəyatıRedaktə
Atası Sultan Əbdülhəmidin səltənətində 19 dekabr 1885-ci ildə Ulduz sarayında dünyaya gəldi. 1891-ci ildə qardaşları Əbdülqadir Əfəndi və Nuri Əfəndi ilə birlikdə sünnət edildi. 29 iyul 1913-cü ildə Albaniya müstəqillik qazandıqdan sonra Albaniya taxtına namizəd seçilsə də, bu təklifi qəbul etmədi. 1921-ci ildə İraq generallarının dəvəti ilə İraq taxtına çıxmaq istəsə də, Birləşmiş krallığın müdaxiləsi ilə bu plan baş tutmadı. 5 iyun 1949-cu ildə Nyu-Yorkda vəfat etdi. Cənazəsi gəmiylə İstanbula gətirilsə də, limana daxil olmasına icazə verilmədi. Bu səbəblə cənazə Dəməşqə göndərildi və burada dəfn olundu.
AiləsiRedaktə
- Hidayət xanım — 1908-ci ildə evlənmişdir. Övladı olmamışdır.
- Aliyə Mələk Nazlıyar xanım (d. 13 oktyabr 1892, İstanbul — ö. 31 avqust 1976, Ankara) — 7 iyun 1909-cu ildə Nişantaşı köşkündə evlənsələr də, 1919-cu ildə ayrıldılar. 2 övladı oldu.
- Mehmed Fəxrəddin Əfəndi (d. 26 noyabr 1911, İstanbul — ö. 13 iyul 1968, Nyu-York) — 1933-cü ildə Parisdə əslən yunan olan Lili adlı bir xanımla evlənmişdir. Xanımı İkinci Dünya müharibəsi əsnasında Afinada baş verən bombardman zamanı həlak olmuşdur. Fəxrəddin Əfəndi bir daha evlənməmiş, övladı olmamışdır.
- Ərtoğrul Osman Əfəndi (d. 31 avqust 1912, İstanbul — ö. 26 sentyabr 2009, İstanbul)
- Georgina Leonora Mosselmans (d. 23 avqust 1900, Niderland — ö. 1969) — 29 aprel 1925-ci ildə Parisdə evlənsələr də, həmin il ayrıldılar.
- Elsie Deming Jackson (d. 6 sentyabr 1879, Nyu-York — ö. 12 may 1952, Nyu-York) — 3 iyul 1933-cü ildə evləndilər.