Mehtab Qadınəfəndi

Mehtab Qadınəfəndi (d. 1830 - ö. 20 iyul 1888) — 31. Osmanlı sultanı Əbdülməcidin onuncu xanımı.

Mehtab Qadınəfəndi
نتائج البحث
Şəxsi məlumatlar
Doğum tarixi	1830
Doğum yeri	Mahaçqala, Şimali Qafqaz
Vəfat tarixi	20 iyul 1888
Vəfat yeri	Yıldız Sarayı, Beşiktaş, İstanbul ili, Osmanlı imperiyası
Dəfn yeri	Yeni Məscid
Fəaliyyəti	əsilzadə
Atası	Hişam bəy
Anası	Məlikə xanım
Həyat yoldaşı	I Əbdülməcid
Uşaqları	Sabiha Sultan Əhməd Nurəddin Əfəndi
Ailəsi	Osmanlı xanədanı

Həyatı

Mehtab xanım 1830-cu ildə Mahaçqalada dünyaya gəlmişdir. Əsl adı Nuriyə, atası Hişam bəy, anası isə Məlikə xanım idi. Erkən yaşlarında ailəsiylə birlikdə Rusiya imperiyasını tərk edib İstanbula gəlmiş, Osmanlı sarayına təslim edilmişdir. Osmanlı sarayına alınan çeçen əsilli nadir qadınlardan biridir.

Sultan Əbdülməcidin hərəmxanasında xəzinədar olan Şevknihan xanım onun bibisi idi. Bu səbəblə sarayda mükəmməl təhsil almışdı. Nəhayət, 1845-ci ildə Sultan Əbdülməcidlə evləndirildi. Nigahdan 3 il sonra ilk övladı olan Sabiha Sultanı dünyaya gətirdi. Ardından Əhməd Nurəddin Əfəndi dünyaya gəldi. Oğlunun doğumundan sonra Beşinci Qadınəfəndi elan edilmişdir. Oğlu Əhməd Nurəddin Əfəndi 33 yaşında vərəmdən vəfat etmişdi.

Şimali Qafqazda davam edən Şeyx Şamil hərəkatının ən güclü dəstəkçilərindən biri idi. Hətta Şeyx Şamil 1870-ci ildə həcc ziyarəti səbəbilə çıxdığı səyahət əsnasında öncə İstanbula gələrək ailsiylə birlikdə Mehtab xanımı ziyarət etmişdir. Dul qaldıqdan sonra Fəriyə sarayında, 1880-ci ildən sonra isə Ulduz sarayında yaşamağa başladı və oğlunun ölümündən 4 il sonra 1888-ci ildə burada vəfat etdi. Cənazəsi Yəhya Əfəndi türbəsinə dəfn edildi.

Övladları

• Sabiha Sultan (d. 15 aprel 1848 - ö. 27 aprel 1849)
• Əhməd Nurəddin Əfəndi

Mənbə

• http://freepages.genealogy.rootsweb.com/~royalty/turkey/persons.htmlArxivləşdirilib 2014-02-09 at the Wayback Machine
• Christopher Buyers. "The Royal Ark – Royal and Ruling Houses of Africa, Asia, Oceania and the Americas"
• https://books.google.com/books?qGAtAQAAIAAJ