Mirzə İbrahim ağa Təbrizi

Mirzə İbrahim ağa Təbrizi (tam adı: Mirzə İbrahim ağa Hacı Şeyxəli ağa oğlu Təbrizi, fars. میرزا ابراهیم تبریزی‎; Təbriz – 1908) — Məşrutə hərəkatının üzvü.

Mirzə İbrahim ağa Təbrizi
Mirzə İbrahim ağa Hacı Şeyxəli ağa oğlu Təbrizi
Mirzə İbrahim ağa (sağdan 4-cü) Təbrizdən Məclisə seçilmiş vəkillər ilə Bakıda, 1907-ci il
Şəxsi məlumatlar
Doğum yeri	Təbriz, Təbriz şəhristanı, Şərqi Azərbaycan ostanı, İran
Vəfat tarixi	1908
Fəaliyyəti	klirik[d], siyasətçi
Dini	şiəlik

Həyatı

Mirzə İbrahim ağa Təbriz şəhərində doğulmuşdu. Atası Hacı Şeyxəli ağa isə əslən Zəncanlıdır.

O, mükəmməl mədrəsə təhsili almışdı. Dini işlərlə məşğul olmuşdu. Təbrizin ziyalı şəxslərdən idi. Məşrutə hərəkatını dəstəkləyən müctəhid və mollaların cərgəsində, mücahidlərə xeyir-dua vermişdi.

Mirzə İbrahim ağa Təbrizi İranda ilk Milli məclis təşkil olunanda Təbrizdən öz namizədliyini vermişdi. Təbriz camaatı da bu hörmətli ruhanini vəkil seçmişdi.

Məclis topa tutularkən dostu və həmkarı Seyid Həsən Tağızadə ilə bərabər silahlı müdafiəçilər arasına qatılmışdı.

Mirzə İbrahim ağa Təbrizi şəhərdəki "Əncüməni-Qeyrət"in başçısı idi.

Mənbə

• Ənvər Çingizoğlu, Məşrutə ensiklopediyası, Bakı, 2011. 624 səh.