Mirzə İsa Xəyali

Mirzə İsa Xəyali (1850, Cənubi Azərbaycan – 1917, Lənkəran, Lənkəran qəzası) — XIX əsr Azərbaycan şairi.

Mirzə İsa Xəyali
Doğum tarixi	1850
Doğum yeri	Cənubi Azərbaycan, İran
Vəfat tarixi	1917
Vəfat yeri	Lənkəran, Lənkəran qəzası, Bakı quberniyası
Fəaliyyəti	şair, yazıçı
Üzvlüyü	Fövcül-füsəha
Mirzə İsa Xəyali Vikimənbədə

Həyatı

Mirzə İsa Hacı Məhəmmədrəhim oğlu təxminən 1850-ci ildə Ərdəbildə doğulmuşdur. Təhsilini orada almış, 1891-ci ildə Lənkərana köçmüşdür. Bir məddət Lənkəranda müəllimlik etmişsə də əsas peşəsi ticarət olmuşdur. O, 1917-ci ildə Lənkəranda vəfat etmişdir,

Xəyali "Fövcül-füsəha " ədəbi məclisinin fəal üzvlərindən idi. Onun bədii irsindən bir neçə qəzəl və digər şeirləri qalmışdır.

Təzkirəsi

XIX əsr Azərbaycan ədəbiyyatının ilk mənbələrindən bəhs edərkən Mirzə İsa Xəyalinin (1850–1917) "Təzkireyi — Ziyai" əsəri haqqında danışmamaq mümkün deyil. Onun təzkirəsində Ərdəbil və Təbriz şairlərindən Molla Qulaməli Həsrət, Mirzə Əsəd Şəms Ərdəbili, Molla Məhəmməd Mücrim, Mirzə Abdulla Sağəri və başqalarının həyat və yaradıcılığı toplanıb. Burada Cənubi Azərbaycan şairləri ilə birlikdə, S. Ə. Şirvani, M. Ə. Növrəs, M. R. Fəna, F. Kəminə kimi Şimali Azərbaycanda yaşayan sənətkarların bədii irsinə də ayrıca diqqət yetirilib. Bunu da qeyd edək ki, Mirzə İsa Xəyalinin bu təzkirəsi çap olunmayıb. Ona görə də indiyə kimi tədqiqatdan kənarda qalıb.

Həmçinin bax

• Azərbaycan ədəbiyyatı