Mixail Popkov
Mixail Daniloviç Popkov (14 noyabr 1924 – 23 avqust 2023) — sovet hərbi xadimi, General-polkovnik (1979). 1943-cü ildən Ümumittifaq Kommunist (bolşevik) Partiyasının üzvü; Sovet İttifaqının Kommunist Partiyasının MK-nin üzvlüyünə namizəd (1981–1990). Naxçıvan MSSR-dən SSRİ Ali sovetinin Millətlər sovetinin 11-ci çağırışdan deputatı (1984–1989).[1][2]
| Mixail Popkov | |
|---|---|
| Mixail Daniloviç Popkov | |
 | |
| Şəxsi məlumatlar | |
| Doğum tarixi | 14 noyabr 1924 |
| Vəfat tarixi | 23 avqust 2023 (98 yaşında) |
| Vətəndaşlığı | |
| Təhsili |
|
| Hərbi fəaliyyəti | |
| Mənsubiyyəti | Sovet Sosialist Respublikaları İttifaqı |
| Xidmət illəri | 1942—1989 |
| Rütbəsi | general-polkovnik |
| Döyüşlər | |
| Təltifləri |
Doqquz ordenlə təltif olunub:  , Oktyabr inqilabı, iki dəfə “Qırmızı Döyüş Bayrağı”, iki dəfə Vətən Müharibəsi, 2 dəfə  , 35 medalla, o cümlədən də "Şücaətə görə" medalı" (1943) |
Həyatı redaktə
- 1924-cü il 11 noyabrda Kaluqa vilayətinin Yuxnovski rayonunun Astapova-Sloboda kəndində anadan olub. Milliyətcə rusdur.
- 1943-cü ildə Xarkov hərbi-siyasi məktəbini, 1950-ci ildə V. İ. Lenin adına hərbi-siyasi akademiyanı, 1966-cı ildə isə SSRİ Silahlı Qüvvələrinin Baş Qərargahının hərbi akademiyasını bitirib.
- 1942-ci ilin martından Qırmızı Ordu sıralarında Böyük Vətən Müharibəsinin iştirakçısı olur. 185-ci ehtiyat atıcı alayda hərbi xidmətə başlamış daha sonra ön cəbhədə 766-cı atıcı alayın, Qərb cəbhəsinin 217-ci atıcı diviziyasının 49-cu ordusunun tərkibində xidmətə cəlb olunub.
- 1942-ci ilin avqustundan Qretnya rayonunda alman qoşunlarının qarşısının alınmasında iştirak edir.
- 1942-ci ilin noyabrından Popkov həmin vaxt Daşkənddə yerləşən Xarkov hərbi-siyasi məktəbində təhsil almağa göndərilir.
- 1943-cü ilin aprelindən Qırmızı Orduda partiya-siyasi işlərinə cəlb olunur. Belqradda Çöl cəbhəsinin 28-ci qvardiya atıcı diviziyası tərkibində leytanant rütbəsi ilə döyüşür.
- 2-ci Belarus cəbhəsinin 33-cü ordusu tərkibində Belarusun azad edilməsində iştirak edib.
- 1980–1989-cu illərdə Quru qoşunlarının siyasi şöbəsinin rəisi — Hərbi Şuranın üzvü olub.
- 1989-cu ildən təqaüdə çıxıb.
- Silahlı Qüvvələrin ehtiyatda olan zabitləri Milli Assossasiya birliyinin redaksiya-nəşriyyat qrupuna rəhbərlik edir.
- "Zabit qardaşlığı" fondunun İdarə Heyətinin sədridir.[1][2]
Ailəsi redaktə
Atası — Daniil Filippoviç də Böyük Vətən Müharibəsinin iştirakçısı olub. 1941-ci ilin iyulun sonunda Yelneydə gedən döyüşdə ağır yara alır, 1943-cü ilin yazında isə Volxovski cəbhəsində Mqa stansiyasında gedən döyüşlərdə həlak olur.[1][2]
Mükafatları redaktə
Doqquz ordenlə təltif olunub: Lenin ordeni, Oktyabr inqilabı, iki dəfə "Qırmızı Döyüş Bayrağı", iki dəfə Vətən Müharibəsi, 2 dəfə Qırmızı Ulduz ordenləri, 35 medalla, o cümlədən də "Şücaətə görə" medalı" (1943) ilə təltif olunub. Kaluqa vilayətinin Yuxnov şəhərinin fəxri vətəndaşıdır.[1][2] 23 avqust 2023-cü ildə vəfat edib. Troyekurov qəbiristanlığı'nda dəfn olunub.