Mobin
“Mobin” İranın çoxməqsədli yerüstü idarəeməyə malik pilotsuz uçuş aparatıdır. Bu PUA ilk dəfə 27 avqust 2019-cu ildə Rusiyanın Jukovski beynəlxalq hava limanında keçirilən MAKS aviaşousunda nümayiş etdirilib.[1][2][3] Mobin düşmənin müdafiəsinə nüfuz edən raketləri ələ keçirmək üçün hazırlanıb.[4][3] 2018-ci ildə İranda silahlanmaya qəbul edilən “Mobin” ixrac üçün də nəzərdə tutulub.[3][4]
| Mobin | |
|---|---|
| Tipi | zərbə və kəşfiyyat PUA-sı |
| Hazırlayan | İran Aviasiya Sənayesi Təşkilatı |
| İstehsalçı | İran Aviasiya Sənayesi Təşkilatı |
| İstismara verilmə tarixi | 2018 |
Qabiliyyətləri
redaktə“Mobin” həm zərbə, həm də kəşfiyyat PUA-sı kimi fəaliyyət göstərə bilər və radarlara gürünməyən stels xüsusiyyətlərə malikdir. 3 m qanad uzunluğuna malik PUA-nın EPR-i 0,1 m²-dən azdır. Korpusun burun hissəsindəki xüsusi bölmədə 120 kq-lıq (260 funt) müxtəlif döyüş başlıqlarının quraşdırılması mümkündür. Raketin yük bölməsinin həcmi 116 litrdir. Qısa, orta və uzun məsafələr üçün yanacaq idarəetmə sistemi mövcuddur.[3][1][2][4]
450 kilometr (280 mil) döyüş radiusuna malik PUA-nın çəkisi 670 kiloqramdır (1480 funt). “Mobin” 9.1 metrdən (14 fut) 14000 metr (45.000 fut) yüksəkliklərdə 45 dəqiqə ərzində uça bilər. Pilotsuz vasitənin maksimum sürəti saatda 900 kilometrdir (560 mil).
PUA həm TERCOM, həm də DSMAC naviqasiya sistemlərindən istifadə edə bilir.[1][2][4][3] Pilotsuz vasitənin idarəetməsi, uçuş və enmə də daxil olmaqla tamamilə avtomatlaşdırılıb. DSMAC sistemləri terminal idarəetmə sistemi olaraq TERCOM ilə birləşdirilə bilir. TERCOM sisteminin ətalətli naviqasiya sistemləri (INS) ilə müqayisədə tuşlama dəqiqliyini xeyli artırdığı iddia edilir.[5]
Artan dəqiqlik TERCOM ilə təchiz olunan PUA-nın maneələrə yaxın və ümumiyyətlə daha aşağı hündürlüklərdə uçması da mümkündür. Kiçik EPR yerüstü radarların onu aşkar etməsini çətinləşdirir. “Mobin”də “Toloo-4” turboreaktiv mühərrikindən istifadə edilir. Mühərrik 3 pilləli kompressordan, dairəvi birbaşa yanma kamerasından və 1 pilləli turbindən ibarət olan təkoxlu turbojet mühərrikidir.
330 mm diametrə, 1130 mm uzunluğa və 55.9 kq kütləyə malik mühərrik dəqiqədə 28500 dövr sayında 345 nm fırlanma anı əldə edir. Onun hidro-pnevmatik davamlılığı 20 saat qiymətləndirilir.[4]
İstinadlar
redaktə- ↑ 1 2 3 "Iran Displays New Cruise Missile in Russian Airshow - Politics news". Tasnim News Agency (ingilis). 2022-01-22 tarixində arxivləşdirilib. İstifadə tarixi: 2019-08-27.
- ↑ 1 2 3 "VIDEO: Iran introduces 'Mobin' cruise missile at 2019 MAKS". Mehr News Agency (ingilis). 2019-08-27. 2021-10-25 tarixində arxivləşdirilib. İstifadə tarixi: 2019-08-27.
- ↑ 1 2 3 4 5 "MAKS 2019: Iran unveils Mobin 'cruise UAV' | Jane's 360". www.janes.com. 2019-12-05 tarixində arxivləşdirilib. İstifadə tarixi: 2019-08-30.
- ↑ 1 2 3 4 5 "Iran Displays Jet Powered Stealth Attack Drone at MAKS 2019". www.defenseworld.net. 2022-03-29 tarixində arxivləşdirilib. İstifadə tarixi: 2019-08-30.
- ↑ "Terrestrial Guidance Methods Arxivləşdirilib 2018-01-04 at the Wayback Machine", Section 16.5.3 of Fundamentals of Naval Weapons Systems