Morin Tiqrett
Morin Tiqrett (ing. Maureen Tigrett), birinci nikahdan Starki (ing. Starkey), doğularkən Meri Koks (ing. Mary Cox); 4 avqust 1946, Liverpul, Böyük Britaniya — 30 dekabr 1994, Vaşinqton, ABŞ) — "The Beatles" qrupunun barabançısı Rinqo Starın keçmiş həyat yoldaşı və onun üç uşağının anası.
| Morin Tiqrett | |
|---|---|
| ing. Maureen Tigrett | |
 | |
| Doğum tarixi | |
| Doğum yeri |
Liverpul, {{ {{{1}}} | alias = Böyük Britaniya | flag alias = Flag of the United Kingdom.svg | flag alias-1707 = Union flag 1606 (Kings Colors).svg | flag alias-1658 = Flag of the Commonwealth (1658-1660).svg | flag alias-1651 = Flag of The Commonwealth.svg | flag alias-1649 = Flag of the Commonwealth (1649-1651).svg | flag alias-1606 = Union flag 1606 (Kings Colors).svg | flag alias-HDQ = Naval Ensign of the United Kingdom.svg | flag alias-ticarət = Civil Ensign of the United Kingdom.svg | flag alias-HHQ = Air Force Ensign of the United Kingdom.svg | flag alias-diplomatik = Government Ensign of the United Kingdom.svg | flag alias-ordu = Flag of the British Army.svg | variant = | altlink = | miqyas = }} |
| Vəfat tarixi | (48 yaşında) |
| Vəfat yeri | Vaşinqton, ABŞ |
| Vəfat səbəbi | Leykemiya |
| Vətəndaşlığı |
{{ {{{1}}} | alias = Böyük Britaniya | flag alias = Flag of the United Kingdom.svg | flag alias-1707 = Union flag 1606 (Kings Colors).svg | flag alias-1658 = Flag of the Commonwealth (1658-1660).svg | flag alias-1651 = Flag of The Commonwealth.svg | flag alias-1649 = Flag of the Commonwealth (1649-1651).svg | flag alias-1606 = Union flag 1606 (Kings Colors).svg | flag alias-HDQ = Naval Ensign of the United Kingdom.svg | flag alias-ticarət = Civil Ensign of the United Kingdom.svg | flag alias-HHQ = Air Force Ensign of the United Kingdom.svg | flag alias-diplomatik = Government Ensign of the United Kingdom.svg | flag alias-ordu = Flag of the British Army.svg | variant = | altlink = | miqyas = }}, ABŞ |
| Həyat yoldaşları |
Rinqo Star (1965–1975) Ayzek Tiqrett (1989-1994) |
| Uşaqları |
Zak Starki Ceyson Starki Li Starki Avqusta Tiqrett |
| Atası | Cozef Koks |
| Anası | Florens Koks (Barrett) |
| Fəaliyyəti | Saç ustası, Manikürçü |
Erkən illəri
redaktəMerki Koks 4 avqust 1946-cı ildə, Liverpulda, (İngiltərə, Böyük Britaniya)[1] Cozef Koks və Florens Koksun (qız soyadı Barrett (ing. Barrett) ailəsində doğulub. Ailədə yeganə uşaq olub.[2] 14 yaşı olarkən kilsə-məktəbi tərk edərək öz adını Meridən Morinə dəyişib və özünün doğma şəhəri Liverpulda saç ustası və manikürçü kimi işləməyə başlayıb.[3][4].
Rinqo Star
redaktəKoks, 15 yaşında olarkən mütəmadi olaraq “Cavern Club”a getdiyini və ora daxil olmaq üçün "The Beatles" fanatları arasındakı rəqabəti və uzun müddətli növbələri xatırlayırdı: "Mən heç vaxt açılışa iki yaxud üç saat qalmış növbədə dayanmazdım, çünki bu məni qorxudurdu. Nə zaman ki qapılar açılırdı qızlar arasında dava düşürdü."
Bir dəfə Morin mərc etdiyi üçün Pol Makkartnini öpmüşdü, ancaq onun Rinqo Stardan xoşu gəlirdi. Meri ondan avtoqraf almışdı, ancaq Star hələ uzun müddət onu görmürdü. Daha sonra Star etiraf edib ki, onların ilk görüşünü xatırlamır, çünki digər pərəstişkarları da eyni şeyləri edirdilər. Meri Rinqonu hər zaman "Riçi" adlandırırdı, çünki onun əsl adı Riçard Starki idi.
"The Beatles"ın çıxışları zaman qrup üzvlərinin diqqətini cəlb etmək uğrunda pərəstişkarların arasında dava düşərdi. Bəzi pərəstişkarların Morinin Rinqo Star ilə görüşdüyünü bilməsindən sonra Morini təhlükələr gözləyirdi. 14 fevral 1963-cü ildə Morin maşında Starı gözlədiyi zaman pərəstişkar tərəfindən sifəti cırmaqlanmışdı. Morin bir dəfə demişdir: "Mən ehtiyatlı olmalıyam, çünki pərəstişkarlar məni rahatlıqıa öldürə bilərdilər." Sonralar o pərəstişkarlar tərəfindən davam edən təhdidlərə görə saç ustalılığı işini dayandırmalı oldu.
1963-cü ilin sentyabrında Morin valideynlərinin icazəsi ilə Star, Makkartni və Ceyn Aşer ilə birlikdə Yunanıstana tətilə gedib. Bu qrupun Bitlomaniya başlayanadək keçirdiyi sonuncu sakit tətil idi.
3 iyun 1964-cü ildə, beynəlxalq turnenin başlaması ərəfəsində Star ağır xəstələnib. O yüksək temperatur və tonzillitlə xəstəxanaya çatdırılıb. Morin Rinqonun sağalmasına kömək etmək üçün hər gün xəstəxanaya gəlirdi, Rinqonun sağalmasından sonra isə onlar rəsmən cütlük oldular. 20 yanvar 1965-ci ildə Rinqo Morinə evlənmə təklifi etdi. Оnlar 11 fevral 1965-ci ildə evləndilər. O zamana qədər Morin artıq hamilə idi. Onun 18 yaşı var idi. Cütlüyün birinci övladı Zak Starki 13 sentyabr 1965-ci ildə kraliça Şarlottanın doğum evində dünyaya gəlib. Rinqo deyib ki, onun oğlu "bir qədər qəribədir," və əlavə edib: "mən Zakın barabançı olmasına imkan verməyəcəm." Rinqonun ikinci oğlu Ceyson Starki 18 avqust 1967-ci ildə, qızı Li Starki isə 11 noyabr 1970-ci ildə dünyaya gəlib. Starkilər Monteqyu Square, 34-də (Merilebon) yaşayırdılar. Qrupun meneceri Brayn Epsteyn təklif edib ki, qrupun üzvləri Eşerə, onun evinə yaxın ünvana köçsünlər, Lennon St George's Hill-də "Kenvud" adlı ev alıb, Corc Harrison isə Eşerlə qonşuluqda "Kinfauns" almışdır. 24 iyul 1965-ci ildə isə Starkilər South Road, St George's-da ev alıblar. 25 aprel 1969-cu ildə onlar aldıqları evi satıb və Elsteddə XVI əsrə aid malikanə alıblar.
Morin, Sintiya Lennon və Patti Harrison ilə dostluqdan zövq alırdı, onlar tez-tez birlikdə tətillərə gedir, mağazaları gəzirdilər. Rinqo Star söz verib ki, Morin üçün saç ustası biznesi yaradacaq, ancaq bu ideya həyata keçməyib, çünki Morin uşaqları böyütməklə məşğul olurdu.
Morin "The Continuing Story of Bungalow Bill" mahnısında bek vokal oxuyub və 1969-cu ildə Yoko Ono ilə birlikdə The Beatles dam konsertində iştirak edib. Pol Makkartninin "Get Back" mahnısını bitirdikdən sonra alqışlara görə "Çox sağol Mo" söylədiyini eşitmək olar. 1968-ci ildə Frenk Sinatra Morinin doğum günü şərəfinə özünün daha öncələr buraxılmış "The lady is a tramp" mahnısının xüsusi versiyasını yazdırmışdır. Starkilər Sinatranın 8 may 1970-ci il London konsertində iştirak ediblər.
1970-ci illərin əvvəlində Starkilərin münasibətlərində vəziyyət gərginləşmişdi, ancaq buna baxmayaraq Morin hələ də Rinqonun həyatının bir hissəsi olaraq qalırdı. 1970-ci ildə "The Beatles" qrupu dağıldı, elə Starkilərin münasibətləridə bu zaman bitdi. 17 iyul 1975-ci ildə onlar rəsmən ayrıldılar. Rinqo keçmiş həyat yoldaşına uşaqların üzərində qəyyumluğu və hər il lazımı ödənişlər üçün 70 000 funt sterlinq ödəməyə razılaşdı.
Ayrılıqdan sonrakı həyatı və ölümü
redaktə27 may 1989-cu ildə Morin Monakoda biznesmen Ayzek Tiqrettə (doğ. 1947) ərə getdi, Ayzek daha çox “Hard Rock Cafe”nin yaradıcısı kimi məşhur idi. Hələ nikaha girməmişdən öncə, 4 yanvar 1987-ci ildə Dallasda (Texas ştatı) onların qızı Avqusta Tiqrett dünyaya gəlmişdi.
Morin Tiqrett leykemiya ilə uzun sürən mübarizədən sonra, 30 dekabr 1994-cü ildə Sietlda (Vaşinqton) öz evində həyat yoldaşının və övladlarının əhatəsində vəfat edib.[5]. Onun 48 yaşı var idi. Ölümündən sonra Pol Makkartni onun xatirəsinə “Little Willow” mahnısını yazıb.
İstinadlar
redaktə- ↑ Harry, 2004. səh. 333
- ↑ "Drummer's Girl". 2015-06-22 tarixində orijinalından arxivləşdirilib. İstifadə tarixi: 2015-03-08.
- ↑ Harry, 2004. səh. 180
- ↑ "General Statements: 1964–67". Beatle Money. 2012-08-20 tarixində orijinalından arxivləşdirilib. İstifadə tarixi: 25 April 2011.
- ↑ "Drummer's Girl". People. 16 January 1995. 16 August 2012 tarixində arxivləşdirilib. İstifadə tarixi: 23 April 2011.
Ədəbiyyat
redaktə- The Ringo Starr Encyclopedia / Bill Harri, — Virgin Books, 2004. — ISBN 978-0753508435.
Xarici keçidlər
redaktə- Memorial Maureen Cox Starkey
- Mrs. Starr ilə müsahibə — YouTube platformasında