Musa Musayev (parazitoloq)
Musayev Musa Əbdürəhman oğlu (27 dekabr 1921, Gəncə – 4 dekabr 2010 və ya 4 oktyabr 2010, Bakı) — baytarlıq elmləri doktoru, professor, Azərbaycan Milli Elmlər Akademiyasının Biologiya elmləri bölməsinin akademik-katibi, AMEA Zoologiya İnstitutunun direktoru.
| Musa Musayev | |
|---|---|
| Musa Əbdürəhman oğlu Musayev | |
| Doğum tarixi | |
| Doğum yeri | Gəncə |
| Vəfat tarixi | (88 yaşında) |
| Vəfat yeri | Bakı, Azərbaycan |
| Vətəndaşlığı | |
| Elm sahəsi | parazitologiya |
| Elmi dərəcəsi |
|
| Elmi adı | professor |
| İş yeri | AMEA Zoologiya İnstitutu |
| Təhsili | |
| Mükafatları |
  |
Həyatı Redaktə
Musa Musayev 27 dekabr 1921-ci ildə Gəncə şəhərində anadan olmuşdur. Azərbaycan Kənd Təsərrüfatı İnstitutunu bitirmişdi.[1]Şeyxülislam Axund Məhəmməd Fərəculla Pişnamazzadənin nəvəsidir.
Əsas elmi nailiyyətləri Redaktə
Xeyli parazit və sərbəst yaşayan ibtidailərin (Protozoa) morfoloji xüsusiyyətləri və sistematikası tədqiq edilmişdir, ekoloji parazitologiyanın bəzi məsələləri işlənilmişdir. Məməlilər və quşlardan 150-dən çox elm üçün yeni koksidi növü təsvir edilmişdir, onlardan 15-nin həyat tərzi açıqlanmışdır. Koksidilər heyvanların bağırsaq, qan və başqa toxumalarında parazitlik etdikdə hüceyrə və orqanizm səviyyəsində parazit-sahib münasibətlərinin biokimyəvi və s. mexanizmləri tədqiq edilmişdir. Azərbaycanda zooloji tədqiqatların çoxillik nəticələri çap olunmuş monoqrafiyalarda ümumiləşdirilmişdir.
Əsas elmi əsərlərin adları Redaktə
- SSRİ-də yaşayan gəmiricilərin koksidləri, 1965 (rus dilində).
- Ev quşları koksidiozlarında parazit-sahib münasibətlərinin biokimyəvi xüsusiyyətləri, 1977(rus dilində).
- Qunduzun parazitosenozu və xəstəlikləri, 1987 (rus dilində).
- Azərbaycan heyvanlar aləmi (I cild) Birhüceyrəlilər və çoxhüceyrəlilər (buğumayaqlılar və xordalılardan başqa), 1995 (rus dilində).
- Azərbaycanda kənd təsərrüfatı heyvanları arasında kriptosporidlərin yayılması, 1996 (rus dilində).
- Beynəlxalq və xarici ölkələrin elmi qurumlarında üzvlüyü: SSRİ Elmlər Akademiyası nəzdində Ümumittifaq Protozooloqlar Cəmiyyətinin vitse-prezidenti (1976–1991)
"Parazitologiya" jurnalının redaksiya heyətinin üzvü (1967-1988)
- Ukrayna Parazitoloqlar Cəmiyyətinin fəxri üzvü
Təltif və mükafatlar Redaktə
- Azərbaycan SSR Dövlət mükafatı laureatı - 1991;
- H.Əliyev adına "Ekologiya sahəsindəki nailiyyətlərə görə" medal və mükafat - 1996;
- AMEA-nın Fəxri Fərmanı - 2001;
- "Şöhrət" ordeni - 2001.
Mənbə Redaktə
- Musa Əbdürəhman oğlu Musayev Arxivləşdirilib 2009-04-13 at the Wayback Machine
- Əli Hüseynov, Məcnun Babayev. "Məşhur biologiya alimləri", Bakı, "Maarif", 2002. səh.101
İstinad Redaktə
- ↑ "Arxivlənmiş surət". 2010-12-09 tarixində arxivləşdirilib. İstifadə tarixi: 2010-12-04.