Nəcməddin Mürvətov

Nəcməddin Mürvətov (azərb. Nəcməddin Taci oğlu Mürvətov‎; d. 5 dekabr 1953-cü il, Dəvəçi rayonu, Yuxarı Ələz kəndi) — şair, müəllim, Azərbaycan Yazıçılar Birliyinin üzvü (2002). [1]

Nəcməddin Mürvətov
Nəcməddin Taci oğlu Mürvətov‎
Doğum tarixi 5 dekabr 1953(1953-12-05)
Doğum yeri
Vətəndaşlığı Azərbaycan Azərbaycan
Atası Taci Mürvətov
Milliyyəti azərbaycanlı
İxtisası riyaziyyat müəllimi
Təhsili ADPU
Tanınır şair, müəllim
Mükafatları "Xalq maarifi əlaçısı" (1985), "Tərəqqi" (2008)

HəyatıRedaktə

Mürvətov Nəcməddin Taci oğlu 5 dekabr 1953–cü ildə Dəvəçi rayonunun Yuxarı Ələz kəndində anadan olmuşdur. 1960-cı ildə Dəvəçi rayonu Yuxarı Ələz kənd ibtidai məktəbinin I sinfinə qəbul olunmuş, 1961-ci ildə ailəsinin Siyəzən şəhərinə köçməsi ilə əlaqədar, təhsilini Siyəzən şəhər 1 saylı orta məktəbində səkkizillik, 1970-ci ildə isə C.Cabbarlı adına orta məktəbi bitirmişdir. Nəcməddin Mürvətov ADPU-nun (keçmiş V.İ.Lenin adına Azərbaycan Dövlət Pedaqoji İnstitutunun) riyaziyyat fakültəsinə daxil olmuş və 1974-cü ildə oranı bitirmişdir.[1]

FəaliyyətiRedaktə

İctimai fəaliyyətiRedaktə

Nəcməddin Mürvətov ali məktəbdə oxuduğu illərdə qrup komsomol təşkilatının katibi, fakültə həmkarlar təşkilatının büro üzvi kimi ictimai vəzifələr daşımışdır.

Əmək fəaliyyətiRedaktə

Nəcməddin Mürvətov universiteti riyaziyyat müəllimi ixtisası üzrə bitirdikdən sonra 1974-1977–ci illərdə Dəvəçi rayonun Böyük Həmyə səkkizillik məktəbində müəllim, 1977-1978-ci illərdə isə direktor vəzifəsində çalışmışdır. O, 1978-2008-ci illərdə Böyük Həmyə kənd orta məktəbinə direktor vəzifəsini icra etmişdir. 2008-ci ildən etibarən Siyəzən şəhər C.Cabbarlı adına 1 saylı orta məktəbində direktor vəzifəsində çalışır.[1]

Ədəbi fəaliyyətiRedaktə

Nəcməddin Mürvətovun "Ehtiyac" və "Şuşa" adlı ilk mətbu şeirləri 1993-cü ildə "Çıraq" qəzetində dərc olnumuşdur.[1]

MükafatlarıRedaktə

1985-ci ildə Respublikanın "Xalq maarifi əlaçısı" adını almışdır. 2008-ci ildə "Tərəqqi" medalına layiq görülmüşdür. 2015-ci ildən Azərbaycanın Əməkdar müəllimidir.[1]

KitablarıRedaktə

  • “İlk sözüm” – 1997 – ci il, Bakı şəhəri, “Şərq – Qərb” nəşriyyatı
  • “Etiraf” – 2001- ci il , Bakı şəhəri , “Nafta – Press” nəşriyyatı
  • “Varım, dövlətim” – 2003 – cü il, Bakı şəhəri, “ Nafta – Press” nəşriyyatı
  • “Dünyamıza sözüm var” - 2005–ci il Bakı şəhəri, “Nafta-Press” nəşriyyatı
  • “Həqiqət axtarıram” - 2006-cı il Bakı şəhəri, “Şur” nəşriyyatı
  • “Yaxşılar azalmasın” – 2008-ci il Bakı şəhəri, “Şur” nəşriyyatı
  • “İnam zəfərə aparır” - 2009-cı il Bakı şəhəri,“Şur” nəşriyyatı
  • “Ömür adlı payım varmış” -2 011--cı il Bakı şəhəri,“Şur” nəşriyyatı
  • ”Ürəklərin sifarişi sözümdə” - 2012-ci il Bakı şəhəri, “Şur” nəşriyyatı
  • “Bircə söz de, şeir yazım” – 2014-cü il, Bakı şəhəri, “Araz”nəşriyyatı
  • "Nə verdim ki, dünyaya..." - 2014-cü il, Bakı şəhəri, “Şur” nəşriyyatı
  • "Səsim, ünüm, harayım..." - 2015-ci il, Bakı şəhəri, “Şur” nəşriyyatı

İstinadlarRedaktə

  1. 1 2 3 4 5 Teymur Əhmədov (2011). "Azərbaycan yazıçıları (XX-XXI yüzillikdə)". Bakı: "Nurlar" NPM. 1056. ISBN 978 9952 460 06 3.