Natiq Məmmədov (hərbçi)

Natiq Məmmədov (11 may 1975, Dağlı, Zaqatala rayonu – 4 oktyabr 1994, Gəncə) — Azərbaycanın Milli Qəhrəmanı, Qarabağ müharibəsi iştirakçısı.

Natiq Məmmədov
Natiq Bəşir oğlu Məmmədov
Şəxsi məlumatlar
Doğum tarixi	11 may 1975
Doğum yeri	Dağlı (Zaqatala)
Vəfat tarixi	4 oktyabr 1994 (19 yaşında)
Vəfat yeri	Gəncə, Azərbaycan
Vəfat səbəbi	şəhid olmuşdur.
Dəfn yeri	Əli Bayramlı, Zaqatala rayonu, Azərbaycan
Vətəndaşlığı	SSRİ→ Azərbaycan
Milliyyəti	saxur
Hərbi fəaliyyəti
Təltifləri

Həyatı

11 may 1975-ci ild Zaqatala rayonunun Dağlı kəndində anadan olmuşdur. 1990-cı ildə burada kənd orta məktəbinin rus dili bölməsinin səkkizinci sinfini bitirdikdən sonra, təhsilini Qax rayonundakı 3 saylı texniki-peşə məktəbində davam etdirmiş, mexanizator ixtisasına yiyələnmişdir. Bir müddət "Dağıstan" kolxozunda çalışmışdır. Natiq Məmmədov subay idi.

Döyüşlərdə iştirakı

Natiq Məmmədov 1993-cü ildə Milli Ordu sıralarına çağırılmış, bir müddət təlim keçdikdən sonra Füzuli, Ağdam, Tərtər istiqamətlərində döyüşlərdə iştirak etmişdir.

1994-cü il 4 oktyabr hadisələri zamanı qiyamçı dəstənin zərərsizləşdirilməsi zamanı Natiq Məmmədov şücaət göstərərək şəhid olmuşdur.

Zaqatala rayonunun Əli Bayramlı kəndində dəfn edilib.

Təltifləri

Azərbaycan Resublikası prezidentinin 5 oktyabr 1994-cü il tarixli 215 saylı fərmanı ilə Məmmədov Natiq Bəşir oğlu ölümündən sonra "Azərbaycanın Milli Qəhrəmanı" adına layiq görülmüşdür.

İrsi

• Zaqatala rayonuda yerləşən uşaq bağçası Natiq Məmmədovun adını daşıyır.
• 2024-cü il mayın 2-sində İctimai Televiziyanın "Heç kim unudulmur, heç nə yaddan çıxmır" verilişinin növbəti seriyası Natiq Məmmədova həsr edilmişdir.

Ədəbiyyat

• Vüqar Əsgərov. "Azərbaycanın Milli Qəhrəmanları" (Yenidən işlənmiş II nəşr). Bakı: "Dərələyəz-M", 2010, səh. 202.