Nigar Həsənzadə (şair)
Nigar Həsənzadə (5 aprel 1975, Bakı) — şair, rus dili və ədəbiyyatı filoloqu, ictimai xadim, maarifçilik və xeyriyyəçilik fəaliyyəti ilə məşğul olan ictimai fəal. Uzun illər Azərbaycan diasporunun Böyük Britaniyadakı öncüllərindən olub. Azərbaycan Yazıçılar Birliyinin üzvü[1]. Yaqub Həsənzadənin nəvəsidir.
| Nigar Həsənzadə | |
|---|---|
| Doğum tarixi | 5 aprel 1975 (49 yaş) |
| Doğum yeri | |
| Fəaliyyəti | yazıçı, şair |
| Fəaliyyət illəri | 2000-ci ildən |
| Əsərlərinin dili | rusca |
| İlk əsəri | «Qanadlı üfüqlərdə» (2000) |
| Mükafatları |
 |
Həyatı
redaktəNigar Həsənzadə 5 aprel 1975-ci ildə Bakıda anadan olub. M. F. Axundov adına Slavyan Universitetinin filologiya fakültəsini bitirib. Gənc yaşlarından özünü ədəbi fəaliyyətə həsr edib[2]. 2000–2014-cü illərdə şairə Londonda (Böyük Britaniya) yaşayıb və işləyib. Nigar Həsənzadə Azərbaycan şairlərindəndir ki, İngiltərənin South Bank, Institute of Contemporary Art ICA, River Side studios, Poetry Café, Lauderdale house, St. James Chirch, Pushkin House kimi ən nüfuzlu poeziya meydanlarında 60-dan çox ədəbi gecələri keçirilib, onun şeirləri Böyük Britaniyanın Elein Feinştain, Riçard Makkeyn, Kristofer Arkell kimi aparıcı şairlərinin tərcümələrində mütəmadi olaraq ingilis mətbuatında (Index on Censorship, London Magazine, Modern Poetry in Translation, London Miscellany, London Poetry) işıq üzü görüb.
2005-ci ildə N. Həsənzadəyə ABŞ-də və İngiltərədə XX əsrin ən yaxşı qadın şairlərinin şeirləri toplanmış antologiyalarda imzalarla yanaşı dayanmaq qismət olub. N. Həsənzadənin şeirləri XX əsrin 70 ən yaxşı rus qadın şairlərinin yer aldığı "Russian Women Poets" antologiyasına daxil edilib (editor Pr. Valentina Polukhnina — ABŞ-nin"Carcanet" nəşriyyatı. "Russian Women Poets" antologiyası (redaktor — professor Valentina Poluxina) Böyük Britaniya, London, 2002-ci il ("Modern Poetry in Translation")[3].
Fəaliyyəti
redaktə29 aprel 2009-cu ildə, Britaniyanın Böyük Kitabxanası N. Həsənzadəni 2009-cu ildə Böyük Britaniya ərazisində yaşayan 10 ən yaxşı beynəlxalq şair siyahısına daxil edib və onun müəllifi olduğu mətnlər öz ifasında Britaniya kitabxanasının daimi audio arxivlərinə daxil edilib. Nigar Həsənzadə dəfələrlə dünyaca məşhur Medeline poetry festival, London Poetry Festival, Red Carnation festival, Galway festival, Edinburgh İnternational Festival, Milan Poetry Festival, Ratkovic Poetry Festival da daxil olmaqla Avropada keçirilən beynəlxalq ədəbi festivalların və konfransların iştirakçısı olub. ВВС1, ВВС radio, Azerbaijani BBC, BBC Russia kimi məşhur televiziya və radio kanallarında çoxsaykı müsahibələrin müəllifidir[4]. N. Həsənzadənin şeirləri dünyanın aparıcı şairlərinin tərcümələrində Böyük Britaniyanın, Almaniyanın, İtaliyanın, Türkiyənin, ABŞ-nin, Kanadanın, Avstraliyanın, Polşanın, Macarıstanın, Rusiyanın, İsrailin, Misirin, Monteneqronun, Kolumbiya, Argentina, Honduras, Meksika ədəbi mətbuat orqanlarında işıq üzü görüb.
İngiltərədə yaşadığı illər ərzində N. Həsənzadə Azərbaycan mədəniyyət və incəsənətini fəal şəkildə təbliğ edib, milli diasporamızın parlaq təmsilçillərindən biri olub. O, Azərbaycanı təkcə media orqanlarında deyil, həm də aparıcı ədəbi səhnələrdə ləyaqətlə təmsil edib. N. Həsənzadə dəfələrlə ölkənin müxtəlif ədəbi və yaradıcı layihələrində münsiflər heyətinin fəxri üzvü olub.
"Söz" layihəsi
redaktə2015-ci ildə vətənə qayıdıb, Azərbaycan Mədəniyyət Nazirliyinin dəstəyi ilə "Söz" ədəbi layihəsini yaradıb və ona rəhbərlik etməyə başlayıb (noyabr 2015 −2020)[5]. "Söz" layihəsi Azərbaycanda öz qarşısına qoyduğu məqsədləri bütünlükdə gerçəkləşdirə bilən ədəbi layihələrdəndir. N. Həsənzadənin əsasını qoyduğu "Söz" qısa müddət ərzində çoxlu sayda yeni gənc imzanı tapıb, yerli ədəbiyyata təqdim etdi, onlara dəstək oldu, indi bu imzalar təkcə vətəndə deyil, həm də beynəlxalq arenada öz yaradıcılıq yollarını uğurla davam etdirirlər[6].
"Söz" layihəsi 2017-ci ildə Azərbaycanda Heydər Əliyev Fondunun və Mədəniyyət Nazirliyinin birgə təşkil etdiyi Nəsimi birinci və ikinci beynəlxalq ədəbi festivallarının kordinatorlarindan biri vəzifəsində çıxış edirdi[7], eyni zamanda gənc şairlər arasında Nəsimiyə həsr olunan poetik müsabiqələrin keçirilməsinə cavabdeh tərəf idi. Nigar Həsənzadə Heydər Əliyev Fondu, Avrasiya Xalqlar Assosiasiyası, və LİFFT təşkilatının tərəfindən Azərbaycanda keçirilən ilk beynəlxalq ədəbi festivalının "LİFFT 2019" beynəlxalq ədəbi festivalının təşəbbüskarlarından və kordinatorlarından biridir.
Beynəlxalq şərab festivalı. Təşkilatçı — Heydər Əliyev Fondu. Layihə 2019-cu ildə Şamaxıda (Azərbaycanda) keçirilən festival çərçivəsində poetik tematik axşamın keçirilməsinə cavabdeh tərəf idi. "Söz" layihəsi xeyriyyə və sosial yönümlü layihələrə dəstək verir və bu layihələrin həyata keçirilməsi ilə məşğul olur. Layihə Gözdən Əlillər Assosiasiyası, Əlillər Cəmiyyəti, Eşitmə Əngəlilər Cəmiyyəti ilə sıx əməkdaşlıq edir[8].
Pandemiyanın elan olunduğu ilk günlərdən layihə onlayn qaydada iki istiqamətdə fəaliyyət göstərir: gənc müəlliflərin iştirakıyla "Mən sənin üçün oxuyuram" və Gənclər və İdman Nazirliyinin Bakı şəhər idarəsi ilə birgə təşkil olunan "Uşaqlara nağıl deyək" layihəsi. Bu layihədə Azərbaycanın məşhur incəsənət xadimləri, eyni zamana əcnəbi qonaqlar iştirak edirdilər. Layihə baxış sayına görə Mədəniyyət və Turizm Nazirliyinin EvdəGalEvdəYarat müsabiqəsində birinci yeri qazanıb.[9].
Mükafatlar
redaktə- "Tərəqqi" medalı (16 oktyabr 2021-ci il) — Azərbaycan mədəniyyətinin inkişafında xidmətlərinə görə.[10]
- Mədəniyyət Nazirliyinin təsis etdiyi "Nizami Gəncəvinin 880 illiyi (1141-2021)" xatirə nişanı ilə təltif edilib.[11]
İstinadlar
redaktə- ↑ "Nigar Hasan-Zadeh reading" (ingilis). classic.europeana.eu. 2021-06-11 tarixində arxivləşdirilib. İstifadə tarixi: 11 iyun 2021.
- ↑ "Ramiz Rövşən və Nigar Həsənzadə Kolumbiyada dünyanın ən böyük poeziya festivalında çıxış edəcəklər" (az.). creative.az. 2021-06-11 tarixində arxivləşdirilib. İstifadə tarixi: 9 iyun 2021.
- ↑ ""Buta Festival of Azerbaijani Arts (London, November 2009 – March 2010)"" (ingilis). butafestival.com. 2016-10-24 tarixində arxivləşdirilib. İstifadə tarixi: 9 iyun 2021.
- ↑ "Nigar Hasan-Zadeh" (ingilis). exiledwriters.co.uk. 2021-10-18 tarixində arxivləşdirilib. İstifadə tarixi: 9 iyun 2021.
- ↑ "On Wings Over the Horizon: Selected Poems" (ingilis). books.google.az. 2016-10-21 tarixində arxivləşdirilib. İstifadə tarixi: 11 iyun 2021.
- ↑ "The best books on Azerbaijan recommended by Nigar Hasan-Zadeh" (ingilis). fivebooks.com. 2022-05-16 tarixində arxivləşdirilib. İstifadə tarixi: 9 iyun 2021.
- ↑ "Moskva oxucuları Azərbaycan şairəsi Nigar Həsənzadənin yeni əsəri ilə tanış olacaq" (az.). kultura.az. 2020-09-23 tarixində arxivləşdirilib. İstifadə tarixi: 9 iyun 2021.
- ↑ "Milli Virtual Kitabxana" (az.). kitabxana.net. 2016-10-22 tarixində arxivləşdirilib. İstifadə tarixi: 11 iyun 2021.
- ↑ "Bakıda "Söz" ədəbi layihəsinin təqdimatı keçirilib" (az.). salamnews.org. 2015-11-18 tarixində arxivləşdirilib. İstifadə tarixi: 11 iyun 2021.
- ↑ "Azərbaycan Respublikasının mədəniyyət xadimlərinin təltif edilməsi haqqında Azərbaycan Respublikası Prezidentinin Sərəncamı". 2022-10-01 tarixində arxivləşdirilib. İstifadə tarixi: 2022-10-18.
- ↑ ""Kaspi"nin əməkdaşına mükafat verilib" (az.). www.kaspi.az. 2021-12-28. 2022-07-08 tarixində arxivləşdirilib. İstifadə tarixi: 2022-07-08.
Xarici keçidlər
redaktə- Rose — YouTube platformasında
- Forgive me — YouTube platformasında
- Katarsis/White Birds — YouTube platformasında
- ŞAİRƏ NİGAR HƏSƏNZADƏNİN "KATARSİS"İ
- "Söz" layihəsinin növbəti tədbiri