Nikka Yuko yapon bağı
Nikka Yuko yapon bağı (日加友好日本庭園, Nikka Yuko Nihon Teyen?) – Kanadanın Alberta əyalətinin Letbric şəhərində, Henderson gölünün kənarında yerləşən yapon bağı. Bağ 1971-ci ildə Vinsent Messi mükafatına layiq görülmüşdür.[1]
| Nikka Yuko yapon bağı | |
|---|---|
.jpg) | |
| Məlumatlar | |
| Parkın tipi | yapon bağı |
| Ölkə | |
| Yerləşməsi |
Letbric, Alberta, .svg){kind=small} Kanada |
| Yaradılıb | 1967 |
| Saytı | nikkayuko.com |
| Xəritədə yeri | |
 |
|
 Vikianbarda əlaqəli mediafayllar | |
Tarixi
redaktəBağ 1967-ci ildə Letbricdə yaşayan yapon icmasının töhfələrini və Kanada–Yaponiya dostluğunu qeyd etmək münasibətilə yaradılmışdır.[2] Bağın adı "ni" (yapon dilində "nihon" "Yaponiya" deməkdir), "ka" ("Kanada" sözünün qısaltması) və "yuko" (yapon dilində "dostluq" deməkdir) sözlərinin birləşməsindən yaranmışdır.[2]
Albertada yapon bağı ideyasının təşəbbüskarları kanadalı buddist keşişi Yutetsu Kavamura, onun həyat yoldaşı Yoneko və "Lethbridge Herald" qəzetinin naşiri Kleo Movers olmuşdur.[2] Şəhərin turizm təşkilatının meneceri Kurt Steyner ideyanı eşitdikdən sonra onu təbliğ etmək qərarına gəlmişdir.[2] Bağın dizayneri Osaka Universitetinin memarı Tadaşi Kubo olmuşdur.[2] Onun universitetdən həmkarı Masami Suqimoto da bağın tikintisində iştirak etmişdir.[2]
Xüsusiyyətlər
redaktə
Bağ həm Yaponiya, həm də Kanada mədəniyyətinin xüsusiyyətlərini daşıyır.[2] Cənubi Alberta təbiətinin mənzərəsini nümayiş etdirməklə yanaşı yapon fəlsəfəsinin elementlərini özündə birləşdirir.[2] Yapon bağında su vacib element olduğu üçün burada şəlalə, çay və gölməçə yaradılıb.[2]
Qayalar bağın görkəmli xüsusiyyətlərindən biridir.[2] Yaxınlıqdakı dağ keçidindən gətirilmiş qayalar şibyələrlə bəzədilmişdir.[2] Hər biri bir neçə ton olan qayalar kranla yerləşdirilib və yerləşməsi zamanı hər bucaq nəzərə alınıb.[2] Qayalar vasitəsilə yaradılmış və tısbağa formasında olan adacıq yapon uzunömürlülüyünü simvolizə edir.[2]
Bağın struktural komponentləri Kioto şəhərində hazırlanmışdır.[2] Çay evi, zəng gülləsi, azumaya, darvazalar və körpülər ağacdan tikilmişdir.[2] Zəng gülləsi üçün xüsusi olaraq hazırlanmış Dostluq zəngi Kiotoda hazırlanmışdır.[2] Kioto sənətkarları tərəfindən hazırlanmış daş fənərlər zəng gülləsinin qarşısında yerləşir və gölməçəyə tərəf baxır.[2] Fənərlərin yerləşdirilməsi zamanı yapon ənənəsindən istifadə olunub.[2] Bağdakı daş paqoda beş mərtəbəlidir: mərtəbələr torpaq, alov, su, külək və səmanı simvolizə edir.[2]
Tədbirlər
redaktəYapon bağı ziyarətçilərin üzünə açıqdır.[2] Burada Yaponiya, eləcə də, Kanadanın mədəniyyətinə həsr olunmuş tədbirlər keçirilir.[2] Burada yerli sənətkarların sərgiləri, tsukumi tədbirləri və çay mərasimləri baş tutur.[2]
İstinadlar
redaktə- ↑ Simmins, Geoffrey. "Japanese Gardens in Canada". The Canadian Encyclopedia (ingiliscə). 4 mart 2015. 2022-11-14 tarixində arxivləşdirilib. İstifadə tarixi: 14 noyabr 2022.
- ↑ 1 2 3 4 5 6 7 8 9 10 11 12 13 14 15 16 17 18 19 20 21 22 "History". Rəsmi sayt (ingiliscə). 14 noyabr 2022 tarixində arxivləşdirilib. İstifadə tarixi: 14 noyabr 2022.
Xarici keçidlər
redaktə- nikkayuko.com — Rəsmi saytı