Nobuyo Oyama
Nobuyo Oyama (大山 のぶ代, Oyama Nobuyo?, 16 oktyabr 1933, Şibuya – 29 sentyabr 2024, Tokio) və ya doğum adı ilə Nobuyo Yamaşita (山下羨代, Yamaşita Nobuyo?) – Yaponiya aktrisası və seyyusu. "Doraemon" anime serialının eyniadlı baş qəhrəmanını səsləndirməsinə görə tanınır. "Actors 7" agentliyinin üzvü olmuşdur.
| Nobuyo Oyama | |
|---|---|
| yap. 大山のぶ代 yap. 山下羨代 | |
.png) | |
| Doğum tarixi | |
| Doğum yeri | Şibuya, Yaponiya |
| Vəfat tarixi | (90 yaşında) |
| Vəfat yeri | Tokio, Yaponiya |
| Vəfat səbəbi | qocalıq |
| Fəaliyyəti | seyyu, aktrisa, müğənni, aşpazlıq tədqiqatçısı[d] |
| Fəaliyyət illəri | 1965–2016 |
Həyatı
redaktəNobuyo Oyama 16 sentyabr 1933-cü ildə Tokioda doğulmuşdur. Hayyuza aktyorluq məktəbindən məzun olmuşdur.[1] 1956-cı ildə bir NHK serialında debüt etmiş, 1957-ci ildə ilk dəfə dublajla məşğul olmuşdur.[2] Xarici serialların dublajı ilə məşğul olduqdan sonra anime seriallarında personajları səsləndirməyə başlamışdır.[1] 1960–1967-ci illərdə NHK-nin "Bu Fu Vu" kukla şousunda iştirak etmişdir.[3] "Sazae-san" animesinin personajı Katsuo İsononu orijinal səsləndiricisi olmuşdur.[1]
Oyama 1979–2005-ci illərdə – 26 il boyunca Doraemon personajını səsləndirməsinə görə tanınır. "Doraemon" manqasının yaradıcısı Fuciko F. Fucio Oyamanın performansı haqqında danışarkən "Doraemonun səslənməli olduğu dəqiq səs" ifadəsindən işlətmişdir. Oyamanın "Boku Doraemon" (azərb. "mən Doraemonam" ifadəsi uşaqlar arasında məşhur olmuşdur. Onun 2006-cı ildə "Mən Doraemon idim" (Boku Doraemon deşita) adlı avtobioqrafiyası nəşr olunmuşdur.[1] O, anime üçün "Doraemon no Uta" mahnısını oxumuşdur.[2]
Oyama "Invincible Super Man Zambot 3" animesində Kappey Cini, "Hazedon" animesində baş qəhrəmanı səsləndirmişdir. Onun əsas rollarından biri "Danganronpa" video oyun seriyasında və oyunun 2012-ci ildəki anime serialı adaptasiyasında əsas antoqonistlərdən biri olan Monokumanı səsləndirmək olmuşdur. O, həmin anime serialının ikinci açılış mahnısı olan "Monokuma Ondo" mahnısı ifa etmişdir.[2]
Oyama serial və filmlərdə rol almaqla yanaşı 2007-ci ildə dublaj məktəbinin müəllimi olmuş, tez-tez yemək verilişlərində iştirak etmişdir. Əri Keysuke Saqava ilə birlikdə yazdığı yemək kitabı bestseller olmuşdur.[1]
Ölümü
redaktəOyama 29 sentyabr 2024-cü ildə təbii səbəblərdən Tokioda yerləşən bir xəstəxanada 90 yaşında ölmüşdür. Ölümü 11 oktyabrda açıqlanmışdır. 2015-ci ildə onun 2012-ci ildən demensiyadan əziyyət çəkdiyi məlum olmuşdur.[1][2]
İstinadlar
redaktə- ↑ 1 2 3 4 5 6 "Actress Oyama, voice of iconic anime character Doraemon, dies at 90". The Mainichi (yaponca). 11 oktyabr 2024. İstifadə tarixi: 12 oktyabr 2024.
- ↑ 1 2 3 4 "Doraemon, Danganronpa Voice Actress Nobuyo Ōyama Dies at 90". Anime News Network (ingiliscə). 11 oktyabr 2024. İstifadə tarixi: 12 oktyabr 2024.
- ↑ "Nobuyo Oyama, voice of beloved 'Doraemon,' dies aged 90". CNN (ingiliscə). 11 oktyabr 2024. 2024-11-23 tarixində arxivləşdirilib. İstifadə tarixi: 12 oktyabr 2024.
Xarici keçidlər
redaktə- Nobuyo Oyama Anime News Network Ensiklopediyasında