Nuğay Əliyev
Nuğay Əliyev (tam adı: Nuğay Xasay oğlu Əliyev; 14 noyabr 1947, Şuşa, DQMV) — Azərbaycan Respublikası "Təhsil" Cəmiyyəti İdarə Heyətinin sədri, Azərbaycan Texniki Universitetinin (AzTU) elektrotexnikanın nəzəri əsasları kafedrasının dosenti.[1]
| Nuğay Əliyev | |
|---|---|
| Nuğay Xasay oğlu Əliyev | |
| Doğum tarixi | |
| Doğum yeri |
Azərbaycan, Şuşa .svg){kind=small} Azərbaycan SSR |
| Vətəndaşlığı |
 Azərbaycan |
| Elm sahələri | Fizika, Radiotexnika |
| Elmi dərəcəsi | Texnika elmləri namizədi |
| Elmi adı | Dosent |
| İş yeri | Azərbaycan Texniki Universiteti-nin “Elektrotexnikanın nəzəri əsasları” kafedrası |
| Alma-mater | Azərbaycan Texniki Universiteti |
| Təhsili | Azərbaycan Texniki Universiteti, Avtomatika və hesablama texnikası |
| Tanınır | Azərbaycan Respublikası “Təhsil” Cəmiyyəti İdarə Heyətinin sədri |
Həyatı
redaktəNuğay Əliyev 14 sentyabr 1947-ci ildə Şuşa şəhərində anadan olub.
Ailəlidir, iki oğlu var.
Həyatı
redaktə1965-ci ildə Şuşa şəhərindəki Y.Hacıbəyov adına 1 №-li orta məktəbi, 1972-ci ildə Azərbaycan Politexnik İnstitutunun avtomatika və hesablama texnikası fakültəsini bitirmişdir.
1969-1972-ci illərdə Azərbaycan Elmi-Tədqiqat Energetika İnstitutunda işləyib.
1974-1977-ci illərdə Sumqayıt Elmi-Tədqiqat Neft Kimya Avtomatika Layihə İnstitutunun aspirantı olmuşdur.
1981-ci ildən texnika elmləri namizədidir. Namizədlik dissertasiyasının mövzusu "İmpulssistem nəzəriyyəsi əsasında paylanmış parametrli hissə-hissə bircinsli elektrik dövrələrində keçid prosesinin hesablanması" olub.
1984-1987-ci illərdə Az.Pİ-nun radiotexnika fakultəsinin dekan müavini işləmişdir.
1990-cı ildən Azərbaycan Texniki Universitetinin dosentdir.
Elmi fəaliyyəti
redaktə42 elmi məqalənin, 5 dərs vəsaitinin, 1 dərsliyin (H.Məmmədovla birgə) müəllifidir. Onların əksəriyyəti elmi jurnallarda çap olunub. Bir çox beynəlxalq, ümumittifaq və yerli elmi konfrans və simpoziumların iştirakçısı olub.
1999-2001-ci illərdə 6 seriyalı "Bilgi"[2] elmi dərgisinin baş redaktoru olmuşdur.
Təhsil Cəmiyyətində fəaliyyəti
redaktə1988-ci ildə Azərbaycanda təsis olunan ilk qeyri-hökumət təşkilatının[mənbə göstərin] - "Təhsil" Cəmiyyətinin yaranmasında fəal iştirak edib və 28 oktyabr 1989-cü ildə "Təhsil" Cəmiyyətinin İdarə Heyətinin ilk sədri seçilmişdir. "Təhsil" Cəmiyyətinin 1994-cü ilin aprel, 1999-cu ilin may qurultaylarında yenidən sədr seçilmişdir.
İstinadlar
redaktə- ↑ [1] Arxivləşdirilib 2016-03-06 at the Wayback Machine AQRA Elmin İnkişafına dəstək birliyi
- ↑ [2] Arxivləşdirilib 2019-04-10 at the Wayback Machine Bilgi dərgisi haqqında