Nur əl-Hüseyn (İordaniya kraliçası)
Liza Najip Hələbi (ing. Lisa Najeeb Halaby[2]) və ya sonradan Nur əl-Hüseyn (ərəb. نور الحسين; 23 avqust 1951[1], Vaşinqton) — İordaniya kralı I Hüseynin dördüncü xanımı, V İordaniya kraliçası.
| Nur əl-Hüseyn | |
|---|---|
| ərəb. نور الحسين | |
 | |
| 15 iyun 1978 – 7 fevral 1999 | |
| Əvvəlki | Aliyə Bahəddin Tukan |
| Sonrakı | Raniyə əl-Abdullah |
| Şəxsi məlumatlar | |
| Doğum adı | Lisa Najeeb Halaby |
| Doğum tarixi | 23 avqust 1951[1] (73 yaş) |
| Doğum yeri | |
| Təhsili |
|
| Fəaliyyəti | yazıçı, avtobioqraf[d], memar, kraliça-konsort[d] |
| Həyat yoldaşı |
|
| Ailəsi | Haşimilər |
| Dini | islam |
 Vikianbarda əlaqəli mediafayllar | |
1951-ci ildə Vaşinqtonda dünayaya gəldi.[3] Atası xristian məzhəbli əslən suriyalı Najip Hələbi,[4] anası isə əslən isveçli Doris Karlqustdur.[5] Hələ 5 yaşında ikən valideynləri boşandı. İlk təhsilini Nyu-York və Kaliforniyada aldı.[6] Ardından Prinston Universitetinə daxil oldu və 1974-cü ildə memarlıq üzrə təhsilini tamamladı. Ardından öncə Avstraliyada, ardından İranda şəhərsalma ilə məşğul olan inşaat-memarlıq şirkətində çalışdı. Siyasi səbəblərlə şirkətin fəaliyyəti dayandığı üçün Ammana köçdü və burada İordaniya Kral Hava Yollarında idarəçi olaraq çalışdı. Bu vəzifədə ikən üçüncü xanımı Aliyə Tukanın yasını tutan kral I Hüseynlə tanış oldu. Çox keçmədən münasibətləri yaxınlaşdı və cütlük 1978-ci ildə nişanlandı.[7]
15 iyun 1978-ci ildə kral I Hüseynlə Ammanda evlənən Liza Hələbi İslamı qəbul etdi və adını Nur əl-Hüseyn olaraq dəyişdi. Kralın öncəki evliliyindən olan azyaşlı 3 uşağını da himayə edən Nur əl-Hüseynin bu nigahdan 4 övladı doğuldu.
- Həmzə ibn Hüseyn (1980-)
- Haşim ibn Hüseyn (1981-)
- İman bint Hüseyn (1983-)
- Rayihə bint Hüseyn (1986-)
Kral I Hüseyn 1999-cu ildə vəfat etdi və öncəki evliliklərindən doğulan oğlu II Abdullah taxta çıxdı. Nur-əl Hüseyn isə günlərini İordaniya, ABŞ və Birləşmiş krallıqda keçirir, bir çox beynəlxalq təşkilatla əlaqələrini davam etdirir.
Mənbə
redaktəƏdəbiyyat
redaktə- Rana Husseini (2021). Years of Struggle – The Women’s Movement in Jordan. Amman: Friedrich-Ebert-Stiftung. p. 19. ISBN 978-9923-759-33-2
İstinadlar
redaktə- ↑ 1 2 Noor al-Hussein // Encyclopædia Britannica (ing.).
- ↑ Webmaster. "Queen Noor | Faces of America | PBS". Faces of America. 2010-01-04. İstifadə tarixi: 2024-12-29.
- ↑ "Queen Noor of Jordan Biography - Biography.com". web.archive.org. 2011-06-10. İstifadə tarixi: 2024-12-29.
- ↑ "- YouTube". www.youtube.com. İstifadə tarixi: 2024-12-29.
- ↑ Mahajan, Vijay. The Arab World Unbound: Tapping into the Power of 350 Million Consumers (ingilis). John Wiley & Sons. 2012-07-13. ISBN 978-1-118-23642-0.
- ↑ "Portrait of a Princess to Be: Lisa Halaby's Friends Tell of Her Life Before Hussein : People.com". www.people.com. İstifadə tarixi: 2024-12-29.
- ↑ "Hussein Marries American And Proclaims Her Queen (Published 1978)" (ingilis). 1978-06-16. İstifadə tarixi: 2024-12-29.