Oiçi
Oiçi no Kata (お市の方?, 1547, Naqoya – 14 iyun 1583, Kitanoşo qəsri[d]) və ya Odani no Kata (小谷の方?) – Senqoku dövründə yaşamış yapon tarixi şəxsiyyət. Oda Nobunaqanın kiçik bacısı olmuşdur.
| Oiçi | |
|---|---|
| yap. お市の方 | |
 | |
| Doğum tarixi | 1547 |
| Doğum yeri | |
| Vəfat tarixi | 14 iyun 1583 |
| Vəfat yeri |
|
| Həyat yoldaşları |
|
| Atası | Oda Nobuhide[d] |
| Fəaliyyəti | siyasətçi |
 Vikianbarda əlaqəli mediafayllar | |
Həyatı
redaktəOiçi 1547-ci ildə Ovari əyalətində doğulmuşdur. Öz gözəlliyi ilə məşhur olmuşdur.[1] 1568-ci ildə qardaşı Oda Nobunaqanın istəyi ilə daymyo Azay Naqamasa ilə evlənmişdir.[2] Ərinin Omi əyalətində yerləşən Odani qəsrində yaşadığı üçün Odani no Kata adını götürmüşdür.[3]
1570-ci ildə Naqamasa Nobunaqaya qarşı çevrilmiş və 1573-cü ildə onun tərəfindən məğlub edilmişdir. Nobunaqa bacısının və üç kiçik qızının həyatı bağışlasa da, iki körpə oğlunun öldürülməsini əmr etmişdir. Oiçi bir müddət hamıdan ayrı yaşasa da, 1582-ci ildə Nobunaqanın öldürülməsindən sonra Oda Nobutaka ona müttəfiqi daymyo Şibata Katsuie ilə evlənməyi əmr etmişdir.[3] 1583-cü ildə Toyotomi Hideyoşi Kitanaşo mühasirəsini başlatmış və yaşadığı qəsri məhv etmişdir.[1] Oiçi əri ilə birlikdə yanğında ölməyə qərar vermişdir.[3]
Qızları
redaktəOiçinin üç qızı Yaponiya tarixində vacib şəxsiyyətlər olmuşdurlar. Birinci və ən məşhur qızı Yodo-dono Toyotomi Hideyoşinin ikinci arvadı və Toyotomi Hideyorinin anası olmuşdur. Ən kiçik qızı Oeyo şoqun Tokuqava Hidetada ilə evlənmişdir.[3]
İstinadlar
redaktə- ↑ 1 2 The Japan Biographical Encyclopedia & Who's Who. səh. 1229
- ↑ Deal, William E. Handbook to Life in Medieval and Early Modern Japan (ingiliscə). Case Western Reserve University. 2006. səh. 23. ISBN 9780816074853. 2024-06-25 tarixində arxivləşdirilib. İstifadə tarixi: 25 iyun 2024.
- ↑ 1 2 3 4 Kodansha Encyclopedia of Japan. səh. 61
Ədəbiyyat
redaktə- Kodansha Encyclopedia of Japan (ingiliscə). VI cild (Niju–Saka). Tokio: Kodansha. 1983. səh. 61. ISBN 0-87011-626-6. İstifadə tarixi: 25 iyun 2024.
- The Japan Biographical Encyclopedia & Who's Who (ingiliscə) (II). Tokio: Rengo Press. 1961. səh. 25 iyun. İstifadə tarixi: 25 iyun 2024.