Oka-dera
Oka-dera (岡寺?) – Yaponiyanın Nara prefekturasının Asuka bölgəsində yerləşən buddist məbədi. Keçmiş adı Ryuqay məbədi (龍蓋寺, Ryuqay-ci?, azərb. "Əjdaha qapağı məbədi") adı ilə də tanınır. Məbəd buddizmin Şinqon–Buzan sektasına aiddir.
| Şinqon–Buzan buddizmi | |
| Oka-dera | |
|---|---|
| (岡寺?) | |
 | |
 | |
| Yerləşməsi | |
| Ölkə | Yaponiya |
| Rayon | Takaiçi |
| Kənd | Asuka |
| Yeri | Nara prefekturası |
| Memarlıq | |
| İnşa tarixi | 663 – 663 |
| okadera3307.com | |
 Vikianbarda əlaqəli mediafayllar | |
Tarixi
redaktəOka-deranın əsası 663-cü ildə qoyulmuşdur. Məbədin darvazası Niomon 1612-ci ildə,[1] əsas zalı 1805-ci ildə tikilmişdir.[2]
Məbədin yaradılması ilə bağlı əfsanəyə görə VII əsrdə bu ərazidə bədxah bir əjdaha peyda olmuşdur. Əjdahanı dayandırmaq istəyən Qayen adlı bir rahib əjdahanı özünə tabe etmiş, onu gölməçədə həbs etmiş, üzərini qapaq kimi örtməsi üçün böyük bir daşdan istifadə etmiş və əjdahanı orada möhürləmişdir. Qayen gölməçənin yerləşdiyi yerdə Oka-deranın əsasını qoymuşdur. Əfsanənin davamına görə gölməçədə həbs olunmuş əjdaha törətdiyi əməllərə görə peşman olmuş və ərazinin qoruyucusuna çevrilmişdir. Bu səbəbdən məbəd "Əjdahanın qapağı məbədi" adı ilə tanınmağa davam edir.[2]
Xüsusiyyətlər
redaktəMəbəd Nara prefekturasının Takaiçi rayonunda yerləşir və Yamatonun dörd böyük məbədindən biridir. Məbədin çozuyası güllərlə bəzədilməsi ilə məşhurdur. Məbədin əsas zalında Yaponiyada gildən hazırlanmış ən böyük Budda təsviri olan Nyoirin Kannon Bosatsunun heykəli yerləşir. VIII əsrdən etibarən məbəddə yerləşən bu heykəl 5 metr hündürlüyündədir.[2]
Niamon darvazası üç sütundan ibarətdir və irimoya-zukuri üslubunda tikilmişdir. Tikintisində Nara dövrünə aid daşlardan istifadə olunmuşdur. Məbədin şoini əsas zalın şimal-qərbində yerləşir və damı kiritsuma üslubundadır.[1]
Məbəd ərazisində əfsanəyə görə əjdahanın həbs olunduğu deyilən gölməçə yerləşir.[2] Saykoku Kannon zəvvarlığının 7-ci məbədidir və Yaponiyada uğursuzluğu qovmağa həsr olunmuş ilk müqəddəs yerdir.[1]
Qalereya
redaktə-
Niomon. -
İnari-şa səcdəgahı. -
Paqoda. -
Miroku mağarası.
İstinadlar
redaktə- ↑ 1 2 3 "Okadera Temple". Nara-Yamato (ingiliscə). 9 May 2024 tarixində arxivləşdirilib. İstifadə tarixi: 9 may 2024.
- ↑ 1 2 3 4 "Dragon reformation and the largest clay Budda in Japan: A visit to Okadera Temple【Photos】". SoraNews24 (ingiliscə). 6 may 2024. 9 May 2024 tarixində arxivləşdirilib. İstifadə tarixi: 9 may 2024.
Xarici keçidlər
redaktə- okadera3307.com — rəsmi saytı
- Saykoku Kannon zəvvarlığı