Oktay Seyidov

Oktay Xəlil oğlu Seyidov, Oqtay Xalloğlu (1959, Aslanbəyli, Qazax rayonu – 26 mart 2003) — Azərbaycan Respublikasının Gəncə şəhərinin və Goranboy, Tovuz, Culfa, Babək, Göygöl, Daşkəsən rayonlarının keçmiş Hərbi komissarı, Polkovnik-leytenant, Şair. Azərbaycanda ən gənc hərbi komissar olmuşdur.

Oktay Seyidov
Oktay Xəlil oğlu Seyidov
Azərbaycan Respublikasının Gəncə şəhərinin və Goranboy, Tovuz, Culfa, Babək, Göygöl, Daşkəsən rayonlarının keçmiş Hərbi Komissarı
Şəxsi məlumatlar
Doğum tarixi	1959
Doğum yeri	Aslanbəyli, Qazax rayonu, Azərbaycan SSR, SSRİ
Vəfat tarixi	26 mart 2003
Vəfat səbəbi	avtomobil qəzası[d]
Təhsili	Azərbaycan Dövlət Neft Akademiyası (AZİ)
Fəaliyyəti	şair
Rütbəsi	Polkovnik-leytenant

Həyatı

Oqtay Seyidov 1959-cu ildə Azərbaycan Respublikasının Qazax rayonunun Aslanbəyli Kəndində anadan olmuşdur. 1976-cı ildə Aslanbəyli kənd tam orta məktəbini bitirmişdir. Orta məktəbi bitirdikdən sonra Azərbaycan Dövlət Neft Akademiyasına daxil olur. Universiteti bitirdikdən sonra hərbçi kimi fəaliyyətə başladı. 1982-ci ildən keçmiş SSRİ silahlı qüvvələrində hərbi xidmətə başlamışdır. Ailə qurduqdan sonra Gəncə şəhərində yaşamışdır. 26 mart 2003-cü il tarixdə Daşkəsən Rayon Rərbi Komissarı polkovnik-leytenant Oktay Seyidov xidməti vəzifəsini yerinə yetirərkən yol qəzasında vəfat etmişdir.

Ailəsi

1 qardaşı və 2 bacısı var. Atasının adı Xəlil olduğundan "Oqtay Xalloğlu" deyirlər. 1 oğlu və 1 qızı var.

Fəaliyyəti

Polkovnik-leytenant Oktay Seyidov hərbi komissar kimi daim öz xidməti vəzifəsinə vicdanla yanaşmış, vəzifəsinin peşəsinin məsuliyyətini dərk etmişdir. Bir hərbçi kimi ilk əvvəl fəaliyyət göstərdiyi culfa, babək, rayon hərbi komissarı vəzifələrində daha da püxtələşmişdir. Azərbaycan Silahlı Qüvvələrinin formalaşdığı və eyni zamanda Azərbaycan Respublikasının ərazi bütövlüyü uğrunda aparılan hərbi əməliyyatlar zamanı Gəncə, Goranboy, Tovuz rayon hərbi komissarı kimi məsul vəzifələrdə çalışmışdır. Ermənilər Goranboya qəflətən hücum edəndə, Oktay Seyidov hərbi komissarlığın işçiləri ilə bərabər, özü irəlidə hücuma keçib, düşməni pərən-pərən saldı və ayağından yaralandı. Sonralar Göygöl və Daşkəsən rayonlarında hərbi komissar işləmişdir.

Oqtay Seyidovun şairlik istedadı vardı və gözəl saz çala bilirdi. Bir çox şerlər yazmışdır. Məşhur "Layla de layla" sözünün və şerinin müəllifidir.

Mənbə

• Fikrət Seyidov. Aslanbəylidən başlanan xatirələr. Bakı: 2000, 350 səh.
• Bakı.OKA.Ofset 2004, 95 səh. Oktayı Dübeyti.