Oslo Universiteti

Oslo Universiteti (norveçcə Universitetet i Oslo, lat. Universitas Osloensis) — Norveçin ən qədim, böyük və nüfuzlu universitetidir. Oslo şəhərində yerləşir.

Oslo Universiteti (Kral Frederik Universiteti) UiO
Universitetet i Oslo
59°56′24″ şm. e. 10°43′19″ ş. u.
Əsası qoyulub	1811
Tip	Dövlət Universiteti
Rektor	Professor Ole Petter Ottersen (2009-dan)
Tələbə sayı	25,617 (2008)
Şəhər	Oslo
Ölkə	Norveç[…]
Universitet şəhərciyi	şəhərli
Sayt	uio.no
Vikianbarda əlaqəli mediafayllar

Tarixi

Universitet 1811-ci ildə "Kral Frederik Universiteti" (norveçcə Det Kongelige Frederiks Universitet və latınca Universitas Regia Fredericiana) kimi yaradılıb. Universitetin tikintisi üçün Humbolt Universitetindən nümunə götürülüb, və ilkin olaraq Danimarkanın və Norveçin kralı olan Frederikin şərəfinə adlandırılmışdır. Öz bugünkü adını isə 1939-cu ildə alıb.

Universitetdə lüteranlıq, ilahiyyat, hüquq, tibb, humanitar, riyaziyyat, təbiət elmləri, stomatologiya, sosial elmlər və təhsil fakültələri var. Hüquq fakültəsi hələ Milli Teatrın yaxınlıqda olan köhnə şəhərçikdə Karl Yohans küçəsində (Karl Johans gate), parlamentin (Stortinget) və kral sarayının yanında yerləşir. Digər fakültələr isə 1930-cu ildən tikilən müasir universitet şəhərçiyində Blindern adlı ərazidə yerləşir. Tibb fakültəsi isə Oslo ərazisində bir neçə universitet xəstəxanaları arasında bölüşdürülüb.

İndi universitetdə 27.000-ə yaxın tələbə təhsil alır və təxminən 4600 işçi çalışır. O, Skandinaviyada aparıcı universitetlərdən biri sayılır və ardıcıl olaraq "Dünya Universitetlərinin Akademik Reytinqi" tərəfindən tərtib onlunan dünyanın 100 top universitetlərinin siyahısında yer alır. 2009-cu ildə o Norveçdə birinci, Şimali Avropa ölkələrində isə üçüncü, Avropada 18-ci və dünyada 65-ci ən yaxşı universitet elan olunub. Eyni zamanda Humanitar Fakültə Nordik ölkələrdə birinci, Avropada 5-ci və dünyada 16-cı ən yaxşı kimi seçilib.. 2010-cu ildə QS Dünya Universitetlərin Reytinqində dünya üzrə 100-cü sırada olmuşdur.

Oslo Universitetin 1811-ci ildə yaranılmasından əvvəl Kopenhagen Universiteti Danimarka-Norveç ittifaqında yeganə universitet olub. Danimarka-Norveç ittifaqının 1814-cü ilin dağılmaslndan sonra, ölkələr arasında təhsil əlaqələri davam etdirilib. Oslo Universiteti Norveçdə 1946-cı ilə qədər yeganə universitet olub, ona görə də tez-tez sadəcə "Universitet" kimi tanınılır. Qeyri-rəsmi olaraq ona qısaca "Kral Frederikin" deyilir.

Oslo Universiteti Nobel mükafatını alanların təhsil ocağı olub və Nobel Sülh Mükafatı da Oslo şəhərində Hüquq fakültəsinin yaxınlığında verilir.

Reytinqi

"Academic Ranking of World Universities"dəki yeri:

2003	2004	2005	2006	2007	2008	2009	2010	2011	2012	2013	2014	2015
63	68	69	68	69	64	65	75	75	67	69	69	58

Nobel laureatları

Oslo Universitetindən beş tədqiqatçi Nobel mükafatına layiq görülüb:

• Frityuf Nansen (Fridtjof Nansen) – 1922 – Sülh (Fəqət onun elmi işi ona mükafat gətirməyib)
• Raqnar Friş (Ragnar Frisch) – 1969 – İqtisadiyyat
• Odd Hassel – 1969 – Kimya
• Ivar Gəver (Ivar Giæver) – 1973 – Fizika
• Triqve Hovelmu (Trygve Haavelmo) – 1989 – İqtisadiyyat

Xarici keçidlər

• The University of Oslo website
  • A brief history in English of the University of Oslo Arxivləşdirilib 2009-02-09 at the Wayback Machine
• The Foundation for Student Life in Oslo (Studentsamskipnaden) Arxivləşdirilib 2005-12-02 at the Wayback Machine
• Universitas (student newspaper)
  • Universitas in English Arxivləşdirilib 2010-01-06 at the Wayback Machine
• Radio Nova (student radio)