Paruyr Hayrikyan

Paruyr Hayrikyan (erm. Պարույր Հայրիկյան; d. 5 iyul 1949, İrəvan, Ermənistan SSR, SSRİ) — erməni dissident; Ermənistanın tanınmış siyasi xadimi. Ermənistanın Milli Müqəddəratı Təyinetmə partiyasının rəhbəri

Paruyr Hayrikyan
erm. Պարույր Հայրիկյան
Doğum tarixi	5 iyul 1949
Doğum yeri	SSRİ Ermənistan SSR, İrəvan
Vətəndaşlığı	SSRİ  Ermənistan
Təhsili	Ermənistan Milli Politexnik Universiteti[d] (1966)
Fəaliyyəti	siyasətçi, yazıçı
Saytı	www.hayrikyan.com
Vikianbarda əlaqəli mediafayllar

Həyatı

Paruyr Arşaviroviç Hayrikyan 5 iyul 1949-cu ildə İrəvanda anadan olmuşdur.

Təhsili

1956-1966-cı illərdə Nubaraşendə orta məktəbdə təhsil almışdır.

1966-1969-cu illərdə İrəvan Politexnik İnstitutunda oxumuşdur.

Əmək fəaliyyəti

Əmək fəaliyyətinə İrəvan Politexnik İnstitutunda oxuduğu illərdə başlamış, tələbəliklə yanaşı fabrikdə elektrik işləmişdir.

Siyasi fəaliyyəti

Siyasi fəaliyyətinə görə 1969-1973-cü illərdə həbsdə olmuş və 4 il düşərgələrdə saxlanılmışdır.

Həbsdən sonra 1973-cü ildə İrəvana qayıtsa da burada inzibati nəzarət altında yerləşdirilmişdir. 5 fevral 1974-cü ildən DTK-nın həbs mərkəzinə yerləşdirilmiş, daha sonra qayda pozuntusuna görə 2 il yenidən düşərgələrdə saxlanılmışdır.

1987-ci ildən İrəvana dönmüş və tərəfdarları ilə birlikdə Ermənistanın Milli Müqəddəratını Təyinetmə Partiyasını yaratmışdır.

1988-ci ildə erməni separatizminə qarşı çıxmış, Azərbaycanla münasibətləri korlamağın ermənilərin ziyanına olduğunu bəyan etmişdir. 1988-ci ilin fevralında Sumqayıtda erməni əhalisinə qarşı baş verən faciəvi hadisələrin təşkilində sovet hakimiyyətini ittiham etmiş və bunun üstündə onu vətəndaşlıqdan məhrum edərək, onu Efiopiyaya deportasiya ediblər. O, etiraf edirdi ki,

"Sumqayıt hadisələri Moskva tərəfindən təşkil olunmuşdu"

Təzyiqlərə baxmayaraq, o, 1988-1992-ci illərdə SSRİ-də erməni milli xalq hərəkatının lideri olmuş; "Demokratiya və müstəqillik" adlı beynəlxalq təşkilatın sədri seçilmişdir.

Parlamentdə

1990-1995-ci illərdə Ermənistan SSR Ali Sovetinin deputatı və Ermənistan SSR Ali Sovetinin Dövlət müstəqilliyi və milli siyasət üçün təsdiq daimi komitəsinin üzvü olmuşdur.

1995-1999-cu illərdə də Ermənistan parlamentinin üzvü olmuş və Xarici əlaqələr daimi komitəsinin üzvü idi.

Ermənistan prezidentliyinə namizəd

• 2003-ci ilin fevralında Ermənistan prezidentliyinə namizəd olmuşdur.
• 2012-ci ilin dekabrında yenidən Ermənistan prezidentliyinə namizədliyini irəli sürmüşdür.

Mənbə

• AYRİKYAN - SÜLHPƏRVƏR ERMƏNİ DİSSİDENTİ Arxivləşdirilib 2013-02-04 at the Wayback Machine