Vikipediya

Prince of Persia: Warrior Within

Prince of Persia: Warrior Within (azərb. Fars Şahzadəsi: Daxili döyüşçü‎) — Kanadanın Ubisoft Montreal oyun şirkəti tərəfindən 2004-cü ildə yaradılan macəra oyunudur. Oyunun rəsmi adı "Fars Şahzadəsi: Tale ilə mübarizə" kimi səslənir.[3] "Prince of Persia: Warrior Within" videooyunu "Prince of Persia" oyununun "Sands of Time" seriyasının davamıdır. Videooyun Ubisoft firması tərəfindən 2004-cü ilin 1 dekabr ayında satışa çıxarılmışdır.[4]

Prince of Persia: Warrior Within
Hazırlayan Ubisoft Montreal
Pipeworks Software
Yayımlayan Ubisoft
Distribüterlər Ubisoft
Seriya Prince of Persia
Anons tarixi Ubisoft 2004
Buraxılış tarixi Xbox, GameCube, PS2 və PC
30 noyabr 2004
3 dekabr 2004
PSP
6 dekabr 2004
16 dekabr 2004
PS3
14 dekabr 2010[1]
Mobil telefon
21 dekabr 2004
Janrlar Action-adventure, platform, hack and slash
Dizaynerlər Kevin Cillemet
Ssenaristlər Kori Mey
Duma Vendşuh
Bəstəkarlar Stüart Çetvud
Texniki məlumat
Platformalar PlayStation 2
Microsoft Windows
PlayStation 3
Xbox
GameCube
iOS
PlayStation Portable
Mühərriklər Ceyd
Oyun rejimləri Birnəfərli oyun
İnterfeysin dili ingilis dili[2], rus dili, ispan dili, italyan dili, alman dili, fransız dili
Daşıyıcılar CD, DVD, GameCube, Game Disc, UMD
Sistem tələbləri
Microsoft Windows
  • Windows 98SE/2000/XP (only)
  • Pentium III or AMD Athlon running at 1 GHz
  • 256 MB RAM
  • DirectX 9-compliant video card (GeForce 3 or higher)
  • DirectX 8-compliant sound card
  • DirectX 9.0c (included on disc)
  • 2 GB hard drive space
  • 16X CD-ROM or 4X DVD-ROM
İdarəetmə Geympad, klaviatura, maus
Rəsmi saytı
Vikianbarın loqosu Vikianbarda əlaqəli mediafayllar

Oyun Prince of Persia: The Sands of Time seriyasının qaldığı yerdən davam edir. Videooyunda Şahzadə artıq eyni anda iki silah daşıya bilir, düşmənlərindən silahlarını oğurlamağı bacarır və onları ata bilir. "Warrior Within" seriyası əvvəlki oyunlarına görə daha qaranlıq bir atmosferə sahib olmaqla oyunçuya, düşmənini daha şiddət ehtiva edən yeni hərəkətlərlə yox etmə imkanını yaradır. Bu kimi səbəblər üzündən oyun PEGI-dən 16+, ESRB-dən isə "Mature" (17+) təsnif etməni götürmüşdür. Bir çox Avropa ölkələrində, o cümlədən Almaniyada istehsal edilən oyunda qan səhnələri yoxdur. "Prince of Persia" davam edən müvəffəqiyyətiylə, "Sands of Time" və "Warrior Within" seriyalarının ssenarisinə bağlı olan davam oyunu hazırlanmışdır. Prince of Persia: The Two Thrones noyabr ayında 2005-ci ildə satışa çıxarılmışdır. 6 dekabr 2005-ci ildə "Pipeworks" firması oyunu "Sony PlayStation Portable" (PSP) platforması üçün kiçik yeniliklərlə "Prince of Persia: Revelations" (azərb. Fars Şahzadəsi: Açılışlar‎) adıyla dəyişdirilərək satışa çıxarılmışdır. "Revelations" orijinal oyunda olmayan üç yeni hissə ehtiva etməkdədir.[5]

Hekayə

redaktə
  Xəbərdarlıq: Yazının davamı əsərin məzmunu haqqında məlumat ehtiva edir.

Prince of Persia: The Sands of Time hadisələrindən yeddi il sonra Şahzadə (ing. Prince) özünü zamanın gözətçisi Dahaka tərəfindən axtarılarkən tapır. Şahzadə zamanı geri çevirib yaşanmış hadisələri heç baş verməmiş hadisələr olmasını təmin etmək və bir baxışa bunu reallaşdırmasından ötəri Dahaka onu öldürməyə və zamandakı nizamı təkrar təmin etməyə çalışmaqdadır. Yaşlı bir müdrikdən nəsihət götürməyə gedən Şahzadə "Zamanın İmperatriçası" (ing. Empress of Time) tərəfindən idarə olunan "Zaman Adası" (ing. Sands of Time) adlı adanın olduğunu öyrənər. Bu adada əvvəllər "Zamanın İmperatriçası" tərəfindən yaradılmış "Zamanın qumları" (ing. Sands of Time) vardır. Lakin sonralar həmin qum Maxaraca tərəfindən oğurlanmışdır. Şahzadə qumlar yaradılmamış olsa; həm Maxaraca onları əsla tapa bilməyəcəyini, həm də Dahakanın onu ovlaması üçün heç bir səbəbi olmayacağını düşünər.

Gəmi ilə irəliləyərkən Şahzadənin qarşısına böyük bir maneə çıxar. Şahdi (ing. Shahdee) adında qara paltarlı və sirrli bir qadının əmrindəki əsgərlər Şahzadənin gəmisinə hücum edər və bütün tayfasını qılıncdan keçirər. Şahzadə Şahdi ilə döyüşür, lakin Şahdi onu gəmidən atmağı bacarar. Şahzadənin gəmisinin batmasına baxmayaraq özü xilas olür və ada istiqamətində üzməyə başlayır. Adada irəliləyərkən çoxlu tələlərlə qarşılaşır və bunları dəf etməyi bacarır. Şahzadə yoluna davam edən zaman Şahdinin qırmızı paltarlı qadın Kaylina ilə döyüşdüyünü görür. Şahdi artıq Kaylinanı öldürmək üzrədir. Şahzadə yenidən Şahdi ilə döyüşür və onu öldürərək Kaylinanı xilas edir. Amma Şahdi ölən zaman Şahzadəyə həyatını dəyişdirə bilməyəcəyini deyərək yox olur.

Şahzadə Kaylinanın "Zamanın İmperatriçası" olduğunu bilmir. Bu səbəbdən Kaylinaya "Zamanın İmperatriçası" ilə görüşmək istədiyini söyləyir. Kaylina ona "Zamanın İmperatriçası"nın saxlandığı gizli taxt otağınının yolunu tapa bilməsi üçün adadakı iki qülləni "Su Qülləsi" (ing. Water Tower) və "Mexaniki Qüllə" (ing. Mechanical Tower) qüllələrini aktiv hala gətirməsinin lazım olduğunu söyləyər. Kaylina Şahzadəyə "İlan Qılıncı"nı (ing. Serpent Sword) verir. Bu qılınc qüllələrə gedən körpüləri aktiv hala gətirəcəkdir. Kaylina Şahzadəyə daha sonra "Aslan Qılıncı"nı (ing. Lion Sword) verir. Şahzadə körpülərdə olan zaman sirrli və qaranlıq görünüşlü qəribə bir varlıq görür. Taxt otağına çatmadan qısa bir müddət əvvəl Dahaka gəlir və Şahzadəyə hücum edər. Dahaka onu öldürmək istəyən zaman Şahzadənin körppüdə gördüyü gördüyü qaranlıq varlıq Şahzadənin qabağına keçər və Dahaka Şahzadənin yerinə onu öldürmüş olur. Dahaka Şahzadəyə hücum etmədən geri dönür. Ardından Şahzadə taxt otağına getməyi bacarar və Kaylinanın əslində "Zamanın İmperatriçası" olduğunu öyrənir. Əslində, Kaylina Şahdini Şahzadəni öldürməsi üçün vəzifələndirmişdir. Amma Şahdi Şahzadəni öldürə bilmədiyindən Kaylina ona qəzəblənmişdi. Şahdi Kaylinanın boş yerə həyatını dəyişdirmək arzusunun həyata keçməsinin mümkünsüz olduğunu görərək onunla döyüşməyə başlamışdır. Kaylina Şahzadə tərəfindən qurtarıldıqdan sonra Şahzadəni qüllələrdə ölümcül vəzifələrə göndərmiş və hətta ona lənətli qılınclar vermişdir. Lakin Şahzadə üzərinə düşdüyü vəzifələri uğurla yerinə yetirir və bu sınaqlardan sağ çıxaraq geri qayıdır.

Bu qarşılaşma əsnasında Kaylinanı hərəkətə keçirən əsl səbəblər də ortaya çıxar. Kaylina da Şahzadə kimi həyatını dəyişdirməyə çalışmaqdadır. Çünki öz qədərini zaman xəttində görmüş və günün birində uzaq diyarlardan gələn bir Şahzadə tərəfindən öldürüləcəyini öyrənmişdir. Buna görə onu maraqlandıran yeganə şey Şahzadədən qurtulmaqdır. Şahzadə istəksizcə Kaylinayla döyüşür və onu öldürür. Qədərini dəyişdirdiyini zənn edərək qüllədən çıxmağı istəyir. Lakin bu zaman Dahaka ona yenidən hücum edir. Şahzadə Kaylinanı keçmişdə öldürməsiylə "Zamanın Qumu"nu onun bədənindən dünyaya saçıldığını və əslində öz zamanındakı şərtlərin meydana gəlməsini təmin edən halları əliylə tikdiyini fərq edər. Maneə törətməyə çalışdığı şeyə səbəb olduğunu anlayaraq ümidini itirər; amma Dahakadan qaçışı əsnasında özünü köhnə bir qəbiristanlıqda tapar və uzun müddətdən sonra "Ruhun Maskası"nı (ing. Mask of the Wraith) ələ keçərir. Şahzadə bu maskanı sifətinə taxdığı zaman "Qum Ruhu"na (ing. Sand Wraith) çevrilər ki, bu da oyunun əvvəlindən bəri rast gəldiyi və Şahzadəyə mane olmağa çalışan qara paltarlı varlıqdır.

Şahzadə başa düşür ki, digər şahzadənin ölməsi lazımlıdır, çünki həmin Şahzadə Kaylinanı keçmişdə öldürmək istəməkdə və edəcəklərinin hara çatacağını bilməməkdədir. Əgər "Qum Ruhu" bunu dayandırmasaydı, yenə eyni şeylər yaşanacaqdı. Digər Şahzadə öldüyündən ehtiyat vəziyyətdəki "Qum Ruhu" maskası yox olur və tam da taxt otağı girmədən əvvəlki ana geri dönmüş olar. Şahzadə Kaylinanı keçmişdə deyil, indiki zamanda öldürsə, həm qumların yaradılışını maneə törətmiş olar, həm də qədərini dəyişdirmiş olacağını düşünər. Şahzadə qadınla təkrar qarşılaşdığında onu bir zaman keçidinə, oradan da indiki zamana gətirər. Oyunun sonu oyunçuya bağlıdır.[6] Əgər oyunçu oyun içindəki bütün "Həyat Yüksəldicisi" (ing. Lifə Upgrade) yığıb ən güclü silah olan əfsanəvi "Su qılıncı"nı (ing. Water Sword) götürdüsə, fərqli bir son ilə qarşılaşacaqdır. Əgər oyunçu "Su qılıncı" götürmürsə, onda oyun yaxşı sonluqla bitməyəcəkdir. Həmin sonluqlar aşağıdakı kimi izah olunur:

Şahzadə "Su qılıncı"nı götürmür (alternativ sonluq): Şahzadə Kaylinanı razı sala bilmir və onunla təkrar döyüşüb onu öldürər. Döyüşdən sonra Dahaka gəlir, amma Şahzadəni görmür və Kaylinanın bədənini götürür, çünki artıq qadın əvvəlki zaman aid deyil və yox edilməsi lazımdır. Sonra Dahaka Şahzadəyə doğru irəliləyər və onun yalnız Amuletini götürür. Qədərini dəyişdirmiş olan Şahzadə Babilə doğru yelkən açır, amma Babil döyüş halındadır. Bu zaman insan fiqurasında olan sirli bir kölgə bədheybəti deyir: "Sənin nəyin ki var, qanunla mənə məxsusdur… və mənim də olacaq (ing. "All that is yours, is rightfully mine ... and mine it will be"). Daha sonra Yaşlı adam səsi eşidilir: "Sizin səfəriniz yaxşı qurtarmayacaq. Siz taleyinizi dəyişə bilmirsiniz. Heç bir şəxs bacarmaz" (ing. "Your journey will not end well. You cannot change your fate. No man can"). Oyunun sonluğu Prince of Persia: The Two Thrones seriyasına girişi ilə bitir.

Şahzadə "Su qılıncı"nı götürür (gerçək sonluq): Şahzadə Kaylinaya hadisələrin bu şəkildə sona çatmasının lazım olmadığını başa salır. Şahzadə ona taleyini dəyişdirdiyini deyir və onunla vuruşmacağını söyləyir. Bu zaman Dahaka gəlir və Kaylinaya doğru irəliləyir. Çünki artıq Kaylina bu zamana aid deyil və yox edilməsi lazımdır. Lakin Şahzadə Dahakanın "Su qılıncı"na qarşı dayanıqsız olduğunu başa düşür və döyüşərək onu məğlub edir. Beləliklə, həm Şahzadə, həm də Kaylina qədərlərini dəyişdirmiş olaraq, birlikdə Babilə doğru yelkən açarlar. Onlar məhəbbət əlaqəsi yaşayırlar. Babil döyüş halındadır. Bu zaman insan fiqurasında olan sirli bir kölgə bədheybəti deyir: "Sənin nəyin ki var, qanunla mənə məxsusdur… və mənim də olacaq (ing. "All that is yours, is rightfully mine...and mine it will be"). Daha sonra Yaşlı adam səsi eşidilir: "Sizin səfəriniz yaxşı qurtarmayacaq. Siz taleyinizi dəyişə bilmirsiniz. Heç bir şəxs bacarmaz" (ing. "Your journey will not end well. You cannot change your fate. No man can"). Oyunun sonluğu Prince of Persia: The Two Thrones seriyasına girişi ilə bitir.

  Xəbərdarlığın sonu.

Personajlar

redaktə
Əsas məqalə: Prince of Persia personajlarının siyahısı
  • Şahzadə (ing. Prince): Taleyini dəyişmək üçün Vavilondan Zaman adasına gəlmişdir. Şahzadə çox ağıllır, hər iki əli ilə qılınc oynada bilir və müxtəlif akrobatik hərəkətlər etməyi bacarır. İşini bitirdikdən sonra Vavilona dönməyə hazırlaşacaqdır. Personajı Robin Atkin Dauns səsləndirir. Şahzadə personajı ən populyar oyun personajlarından biridir.[7]
  • Kaylina (ing. Kaileena): Zaman adasının imperatriçasıdır. Kaylina Şahzadə kimi taleyini dəyişdirmək istəyir. İmperatriça əvvəlcədən taleyini görərək Şahzadənin onu öldürəcəyini başa düşür. Bu səbəbdən Kaylina taleyini dəyişdirmək məcburiyyətindədir. Kaylinanın görünüşü aktrisa və model Monika Belluççini xatırladır.[8] Bu personaj oyunlarda ən cazibədar qadın personajlarından biridir.[9][10][11][12][13][14]
  • Dahaka (ing. Dahaka): Zaman axınının bədheybətidir. Onun məqsədi zaman axınını pozmuş Şahzadəni öldürməkdir. Dahaka qılıncla vuruşmur. Onun silahı yalnız bədənində olan qırmaqlardır. Dahakanı sadəliklə öldürmək mümkün deyil.[15] Dahaka suya həssasdır. Bu səbəbdən onu öldürmək üçün Şahzadə "Su qılıncı"ndan istifadə etməlidir. Şahzadə "Su qılıncı"nı tapanadək ondan qaçmalıdır.
  • Şahdi (ing. Shahdee): Kaylinanın xidmətçisidir. Onun məqsədi Şahzadəni öldürməkdir. Hər iki əli ilə qılınc oynada bilir. Birinci döyüşdə Şahzadəni gəmidən atmağı bacarır. Amma ikinci döyüşdə Şahzadə ilə vuruşaraq məğlub olur və ölür. Bu zaman Şahdi ayılaraq Şahzadə və Kaylina tərəfə baxaraq deyir: Axmaq. Sən taleyini dəyişə bilməzsən! (ing. Fool. You can not change your fate!) Bu cümləsindən sonra Şahdi yox olur. Şahzadə bu cümləni uzun müddət yadda saxlayır. Bir müddətdən sonra Şahzadə başa düşür ki, Şahdinin ifadəsi, taleyini dəyişmək istəyən Kaylinaya aiddir.
  • Qum ruhu (ing. Sand Wraith): Şahzadə Qum ruhunun maskasını taxaraq "Qum ruhu"na çevrilir. "Qum ruhu" ölən zaman yenidən ölməmişdən əvvəlki zamana dönə bilir. Amma bu müddətdə onun gücü azalmağa doğru gedir və və sonda çox az güc qalır. Gücü artırmaq üçün Şahzadənin əvvəlki kimi istifadə etdiyi "Su içmək" vasitəsindən istifadə etmək lazımdır.

Saundtrek

redaktə

"Prince of Persia: Warrior Within" videooyununun saundtrek müəllifi çoxlu sayda videooyunlar bəstəkarı olan İngilis əsilli[16] Kanada vətəndaşı[17] Stüart Çetvuddur (ing. Stuart Chatwood). Stüart Çetvud Prince of Persia: The Sands of Time (2003), Prince of Persia: The Two Thrones (2005), Battles of Prince of Persia (2005), Prince of Persia (2008) və Prince of Persia: The Fallen King seriyalarının saundtreklərinə bəstəkarlıq etmişdir.[18] Demək olar ki, bu saundtreklərdə qərb stili yoxdur. Ağır Rok (Hard Rock) və Metal musiqi janrlarında ifa edən "Godsmack" qrupunun 2002-ci ildə çıxardığı "I Stand Alone" mahnısı videooyunun treylerində səslənmişdir.

Treklərin siyahısı
№BaşlıqMüddət
1."Welcome Within"1:19
2."Attack at Sea"2:14
3."Conflict at the Entrance"2:10
4."Tower Encounter"2:11
5."Confrontation in the Mechanical Tower"2:27
6."Military Aggression"2:15
7."Clash in the Catacombs"2:15
8."Struggle in the Library"2:27
9."Rooftop Engagement"2:15
10."An Unsafe Sanctuary"2:16
11."The Mystic Caves"2:24
12."Mystic Sanctuary"1:12
13."Desolation of the Tower"1:32
14."Avoid the Guards"1:20
15."Explore the Catacombs"1:30
16."Divine Sacrifice"1:32
17."Dark Gardens"1:25
18."Shadows of the Tower"1:41
19."The Guard Tower Past"1:30
20."Worried in the Catacombs"1:27
21."The Mask Sanctuary"1:08
22."The Chase of Time"3:25
23."The Prophecy"2:11
24."Escape in the Temple"0:30
25."Despair and Hope"2:13
26."The Mask"1:15
27."Dahaka's Revenge"1:51
28."Back to Babylon"2:44
29."Escape the Dahaka"2:20
30."At War with Kaileena"2:12
31."Battle the Dahaka"2:24
32."Conflict of the Griffins"2:25

Geympley

redaktə

Videooyunun oynanışı bir neçə dəyişiklik istisna olmaqla əvvəlki oyundakına bənzəyir. Şahzadə iki silah istifadə etməklə yanaşı ikinci silahını rəqibinə tullaya bilmək bacarığına malikdir. Şahzadə qılıncla rəqibinin üzərindən atlana və onu boğa bilər. Ayrıca, silahlarıyla Kombolar (müxtəlif birləşmiş hərəkətlər) edə bilməkdə və qəfil hücumları reallaşdıra bilməkdədir. Bunların xaricində divardan sıçrayaraq düşmənini öldürə bilir. Şahzadə divarda gəzən zaman divardakı rəqibini də öldürə bilər. Şahzadənin əsas silahları aşağıdakılardır:

  • Qartal qılıncı — Şahzadənin şəxsi qılıncı olur. Amma Şahzadə gəmidə Şahdi ilə döyüşən zaman onu itirir. Bu qılınc növü kili Kombo (birləşmiş hərəkətlər) etmə gücünə malikdir.
  Kinli və mülayim olan Şahzadənin qılıncı  
  • Kənd taxtası — Şahzadənin şəxsi qılıncını itirdikdən sonra adada tapdığı taxtadır. Bu taxta növü ikili Kombo (birləşmiş hərəkətlər) etmə gücünə malikdir.
  Bu sadə kənd taxtası qılıncı əvəz edir  
  • Hörümçək qılıncı — Şahzadə bu qılıncı rəqiblərindən birini məğlub etdikdən sonra götürür. Bu qılınc növü üçlü Kombo etmə gücünə malikdir.
  Bu qədim qılınc növü adada çox tanınır  
  • İlan qılıncı — Kaylina bu qılıncı Şahzadəyə vermişdir. Şahzadə "İlan qılıncı" sayəsində körpünü hərəkətə gətirən mexanizmləri hərəkətə gətirir və qəsrə yol açılır. Bu qılınc növü dördlü Kombo (birləşmiş hərəkətlər) etmə gücünə malikdir.
  Bu seçilmiş qılınc qıfılı açan açar kimi kömək edir  
  • Şir qılıncı — Kaylina bu qılıncı Şahzadəyə vermişdir. Şahzadə "Şir qılıncı" sayəsində körpünü hərəkətə rəqiblərinə güclü zərbə endirir. Bir müddət sonra aydın olur ki, Kaylina bu qılınc növünü lənətləyərək ona vermişdir.
  Bu qılınc növü enerjini saxlamağa kömək edir  
  • Sınmış Şir qılıncı — Şahzadə Kaylina ilə döyüşdükdən sonra qılıncı sınır. Bu səbəbdən Şahzadə bir neçə müddət "Sınmış Şir qılıncı" döyüşməyə məcbur olur. "Sınmış Şir qılıncı" "Şir qılıncı" kombolarla zərbə endirə bilir.
  Bu qılınc zəif zərbə endirir  
  • Əqrəb qılıncı — Bu qılınc növü zədələnmiş divarı sındırmaq qabiliyyətinə malikdir. Dahaka Şahzadənin "Əqrəb qılıncı" götürməsinə mane olur. Amma bir müddət sonra Şahzadə həmin qılıncı keçmişdə tapır.
  Bu qılınc növü zədələnmiş divarl sındırır  
  • Su qılıncı — "Əqrəb qılıncı"nın xüsusiyyətlərini daşıyan gizli qılınc növüdür. Bu qılınc növü Dahakanı öldürmək gücünə malikdir. Şahzadə "Su qılıncı" sayəsində həyatını dəyişdirdikdən sonra Kaylinanı da xilas edə bilər. "Su qılıncı" videooyunu alternativ sonluğa gətirən açardır.
  Bu qılınc növü çox nadir tapılan əfsanəvi qılınc olaraq inanılmaz gücə malikdir  

Şahzadə gücünü bərpa etmək üçün Fontanlardan su içir. Bu fontanlar sayəsində oyunçu Şahzadənin su içdiyi yerdən oyunu saxlaya bilir. Bunun üçün Şahzadə "Zaman Qapısı" istiqaməti üzrə hərəkət etməlidir. Zaman Qapısında isə Şahzadə keçmişə və ya gələcəyə hərəkət edərək Qum saatını doldurur və bunun hesabına oyunçu Şahzadəni ölən zaman yenidən onu əvvəlki hala gətirə bilir. "Həyat Yüksəldicisi" isə Şahzadənin gücünü daha da artırır. Şahzadə Həyat Yüksəldicisinin hamısını (hər doqquzunu) tapan zaman oyunçu "Qum saatları zalı" istiqamətində hərəkət edən zaman Su qılıncını götürə bilir. Bu isə oyunun yaxşı sonluqla bitməsinə səbəb olacaqdır. Ümumilikdə, "Qum saatı"nın aşağıdakı gücləri vardır:

  • Qayıtma (ing. Recall): Videooyunun birinci hissəsində olduğu kimi Şahzadə bu qumun sayəsində geri qayıda bilər.
  • Qasırğanın gözü (ing. Eye of the Storm): Videooyunun birinci hissəsində olduğu kimi Şahzadə bu qumun sayəsində zamanı yavaşada bilər.
  • Taleyin nəfəsi (ing. Breath of Fate), Taleyin küləyi (ing. Wind of Fate), Taleyin siklonu (ing. Cyclone of Fate): Şahzadə bu qumların hər biri sayəsində rəqiblərinin hücumunu dəf edə bilər.
  • Zamanın qəzəbi (ing. Ravages of Time): Şahzadə bu qumun sayəsində sürət yığaraq rəqibinin hücumunu dəf edə bilər. Bu versiya videooyunun birinci hissəsindən düzəlişləri ilə fərqlənir. Videooyunda gizli silahlar vardır. Bu silahların bəzilərini qəsrdə tapmaq mümkündür. Silahların hər biri görünüşü ilə eyni olsalar da, gücünə görə seçilirlər. Amma bu silahlar rəqibə atılan zaman Şahzadə onu birdəfəlik itirir. Şahzadənin bu silahların bəzilərini tapa bilməsi üçün bir çox divarı sındırmalıdır:
  • Reyman əlcəyi — Rəqibi bir zərbə ilə zəiflədə bilir.
  • Hokkey çubuqu — Rəqibi bir zərbə ilə öldürə bilir.
  • Təmtəraqlı siçan — nisbətən zəif qılınc növüdür. Amma rəqibə bu qılıncla vurulan zaman həmin qılınc gücü rəqibdən alaraq Şahzadəə verir.
  • Flaminqo — Şahzadə bu qılıncla cəld rəqibini dəf edə bilir. "Flaminqo" qılıncı Alisa möcüzələr ölkəsində əsərindəki kroketə bənzəyir.
  • Turşu qılıncı — Yaşıl rəngli qılıncdır. Şahzadə bu qılınc hesabına rəqibə daha da güclü zərbə endirir. Lakin "Turşu qılıncı" rəqibə vurulan hər zərbədə Şahzadənin gücünü alır. Minimuma çatdıqda isə daha Şahzadənin gücünü almır. Şahzadə oyunda çoxlu rəqiblərlə qarşılaşır. Qum döyüşçüləri ilk videooyun hissəsindən fərqli olaraq çox ağıllı və güclüdürlər. Onlar danışa da bilirlər. Lakin rəqiblərin eşitmə bacarığları yoxdur. Şahzadənin əsas rəqibləri aşağıdakı kimidir:
  • Basqınçılar (ing. Raiders) — Zəif rəqiblərdir. Heyvan maskaları gəzdirirlər.
  • Qarğalar (ing. Ravens) — Ən zəif rəqiblərdir. Bir və ya iki zərbə ilə dəf oluna bilir.
  • Mühafizəçilər (ing. Keepers) — "Basqınçılar" rəqibinə bənzəyirlər. Amma onlara nisbətən güclüdürlər.
  • Ülgüc rəqsçiləri (ing. Bladedancers) — Qırmızı paltar geyinən və əlində iki qılıncı olan vampir qızlardır.
  • Qatillər (ing. Assassins) — "Ülgüc rəqsçiləri"nə bənzəyirlər. Amma onlara nisbətən güclü və qorxudurlar. Divarda qaça bilir və müxtəlif silahla vuruşurlar.
  • Kölgələr (ing. Shadows) — "Ülgüc rəqsçiləri" və "Qatillər" rəqiblərinə bənzəyirlər. Gözəgörünməzlik qabiliyyətinə malikdirlər.
  • Sıçrayış Heyvanları (ing. Spike Beasts) — İtlərə bənzəyirlər və tez hərəkət edirlər. Şahzadə onları zəiflədən zaman "Sıçrayış heyvanları" partlayırlar. İmperatriça onları canavarlardan düzəltmişdir.
  • Siluet (ing. Silhouette) — Amorf hissəciklərdir. Şahzadəyə bıçaqlar atır və bir yerdən digər yerə keçə bilir.
  • Cəlladlar (ing. Executioners) — Keçmiş dustaqlardır. Çox güclü və böyük enerjiyə malikdirlər.
  • İmperiya Mühafizəçisi (ing. Imperial Guard) — İmperatriça ilə döyüşən zaman peyda olurlar. Onlar "Qarğaların hakimi"nə bənzəyirlər.
  • Cism Yeyənlər (ing. Flesh Eaters) — Canavarlara bənzəyirlər. Güclüdürlər və "Sıçrayış heyvanları"na çox bənzəyirlər. Amma ölən zaman "Sıçrayış heyvanları"ndan fərqli olaraq partlayırlar. Şahzadənin əsas rəqiblərindən başqa Yarım Bosslar və Bosslar vardır. Yarım Bossların sayı cəmi ikidir:
  • Qarğaların hakimi (ing. Crow Master) — Güclü rəqiblərdən biridir. Hücum etmir, amma Şahzadə yıxılan zaman zərbə endirə bilər. Şahzadə onu öldürmək üçün iki dəfə döyüşməlidir. Başqa rəqiblərdən fərqli olaraq Şahzadəyə hörmətlə yanaşır.
  • Heyvan (ing. Brute) — Yəhudi mifologiyasında Qolemlərə bənzəyən hündür zəncirli rəqibdir. Güclü zərbə endirsə də, arxa tərəfə tez çevrilə bilmir. Bu səbəbdən Şahzadə əvvəlcə onun ayaqlarını arxa tərəfdən qılıncla zədələyir, sonra isə "Heyvan" yerə oturur və Şahzadə onun başına zərbə endirir. Bu zaman Şahzadə zamanı yavaşıdamaq üçün "Qum saatı"ndan istifadə edərək onu tez öldürə bilər. Əks halda "Heyvan" əlləri onu yerə atacaq və bu zaman Şahzadənin ömrü azalacaqdır. Bossların sayı isə beşdir. Onlar Yarım Bosslardan fərqli olaraq nisbətən güclüdürlər. Bosslar aşağıdakı kimdir:
  • Şahdi (ing. Shahdee) — Qorxulu Bossdur. Əllərinin hər ikisində qılıncı vardır. "Zamanın İmperatriçası" xidmət edir. Şahzadə onunla iki dəfə döyüşəcəkdir.
  • Qul (ing. Thrall) — "Heyvan" rəqibinə çox bənzəyir. "Qul" "Zamanın İmperatriçası"na meydan oxuyaraq ona məğlub olmuş döyüşçülərin bədənlərindən ibarətdir.
  • Qrifon (ing. Griffin) — "Zamanın adası"nda yaşayan mistik quşdur və Qumun sayəsində dəyişilmişdir. Onun azalmış ömrü çox vaxtı artmağa başlayır.
  • Zamanın İmperatriçası (ing. Empress of Time) — Onun əsl adı Kaylinadır (ing. Kaileena). Şahdinin döyüşməyinə bənzəyir, amma bir yerdən digər yerə cəld hərəkət edə bilir.
  • Dahaka (ing. Dahaka) — Ən güclü Bossdur. Onu öldürmək üçün Şahzadə yalnız "Su qılıncı"ndan və Kaylinanın gücündən istifadə etməlidir. Əks halda Şahzadə onunla döyüşməyəcək və oyun yaxşı sonluqla bitməyəcəkdir.

Digər versiyalar

redaktə

Ümumilikdə, oyun qaranlıq elementləri ilə yaxşı qrafikə malikdir. Videooyununun mühərriki Ceyd (ing. Jade) oyun mühərrikidir. "Prince of Persia: Warrior Within" müxtəlif platformalarla satışa çıxarılmışdır. "Prince of Persia: Revelations" versiyasında qan səhnələri götürülmüş və koridorlarda çoxlu sayda tələlər əlavə edilmişdir. Mobil versiyasında isə oyunun süjeti nisbətən dəyişilmişi. Süjetə görə Şahzadə "Zamanın adası"na gələrək "Zamanın İmperatriçası"nı öldürsün. Çünki Şahzadə "Zamanın qumu"ndan həyatını dəyişdirmək üçün istifadə edəcəyinə görə "Zamanın İmperatriçası" onun izinə düşmüşdür. Onun gəmisinə "Zamanın İmperatriçası"na itaət edən döyüşçülər hücum edirlər və Şahzadə istisna olmaqla gəmidəki bütün döyüşçülər öldürülürlər. Onların arasından xilas olan Şahzadə "Zamanın adası"na düşür. Şahzadə burada öyərnir ki, "Zamanın İmperatriçası"na qalib gəlmək üçün mütləq keçmişə qayıtmalıdır. Keçmişə aparan portalı tapan Şahzadə "Zamanın İmperatriçası"na məxsus qəsrə gəlir. Şahzadə burada Zamanın İmperatriçası" ilə rastlaşır. "Zamanın İmperatriçası" ona itaət etmək təklifini irəli sürür və Şahzadə bundan imtina edir. Bu zaman "Zamanın İmperatriçası" onu gəlcəyə aparır. Gələcəyə düşən Şahzadə yenidən başqa portal taparaq keçmişə qayıdır. Artıq "Zamanın İmperatriçası" onun üçün döyüş hazırlamışdır. Döyüşdə Şahzadə əkizi "Qum ruhu" ilə döyüşməlidir. Sonda Şahzadə döyüşü qələbə ilə başa çatdırır və "Zamanın İmperatriçası" bundan peşman olur. Şahzadə onun bütün planlarını məhv edir və həyatını dəyişdirə bilir.

Resenziya

redaktə

Şablon:Çox saylı konsollarda videooyun qiyməti Reytinqin uğurlu olmasına baxmayaraq "Prince of Persia: Warrior Within" videooyunu bir çox tənqidçilər tərəfindən yaxşı qarşılanmamışdır. "Şahzadə" xarakterinin yaradıcısı Cordan Mexner "The Sands of Time" seriyasındakı personajla çalışmasına baxmayaraq "Warrior Within" istehsalında iştirak etməmişdir. "Prince of Persia: Warrior Within" videooyunu haqqında Mexner 2005-ci ilin dekabr ayında "Wired Magazine" (ing. Teleqraf vurulan jurnal) jurnalının buraxılışında verdiyi müsahibəsində:

  "Artistik yönümünün və ya ona M kateqoriyasını qazandıran şiddətinin fanatiki deyiləm. Hekayə, xarakter, dialoqlar, səsləndirmə və ya görünüş stili mənim dadıma uyğun deyildi."  

şərhini ifadə etmişdir.[19] Cordan Mexner yalnız "Prince of Persia: Warrior Within" videooyununun başlıq hissəsini hazırlamışdır. "Penny Arcade" adlı veb-komiks buraxılışların birində oyunu sərt tənqid etmişdir. Tənqidə görə əvvəllər iti yaddaşlı və yaraşıql olan Şahzadə personajı indi mənfi şəxsiyyətinə görə aqressiv və qotik bir döyüşkən personaja çevrilmişdir.[20][21] GameSpot reytinqinə görə isə oyunda çoxlu çətinliklər və səhvlər vardır. Videooyun entuziastı Devin Stori bəyan edir ki, "Bəli, bu Şahzadə daha tünddür, təzada görə "Sands of Time" videooyunundakı" bəxti gətirən şahzadəyə gedir, ancaq o qaranlıqda yetişmişdir, bu da onu həddindən artıq edir".[22] Metacritic və GameRankings reytinqləri digər reytinqlərin qiymətlərinə əsaslanaraq bu videooyuna müsbət səs vermişdir. Eurogamer isə bəyanatında bildirir ki, oyundakı vizual effektləri oyun seriyasını daha çirkli edir, hekayənin dəyişilməsi ilə oyunun cazibəsinin böyük hissəsini itirir və "Sands of Time" ilə müqayisədə qanın və açıq paltar qadın xarakterlərin əlavəsi oyuna kasıb zövq verir. Videooyunda olan qan səhnələri Alman versiyasında yoxdur. Bu səbəbdən "Prince of Persia: Warrior Within" videooyunu həm böyüklər, həm də kiçiklər arasında məşhur olmuşdur. Bu videooyun IGN reytinq sistemində də məşhur olmuşdur. Gamekult reytinq sistemi videooyuna müsbət rəy bildirmişdir.[23] Fransız resenziyası olan JeuxVideo.com videooyuna müsbət reytinq vermişdir.[24]

Maraqlı faktlar

redaktə
  • "Prince of Persia: Warrior Within" oyununda digər seriyalardan fərqli olaraq Şahzadə personajını Yuri Lovental yox, Robin Atkin Dauns səsləndirmişdir.
  • Şahzadənin sol əlindəki tatuirovka şəkli oyunu yaradan proqramçılardan birinin tatuirovkasıdır.
  • Dahakanın görünüşü "Üzüklərin hakimi" filmindəki Balroq personajını xatırladır.
  • Dahakanın buynuzları elə qoyulub ki, "Əbədi vaxtın hakimi" simvolunu xatırlatsın.
  • Dahaka Şahzadəyə hücum edən zaman "Qum saatı" işə salınsa, Dahakanın Şahzadəyə dediyi sözləri eşitmək olar.

İstinadlar

redaktə
  1. ↑ Prince of Persia: Warrior Within PS3 Arxivləşdirilib 2010-12-18 at the Wayback Machine Computerandvideogames.com saytında, Yoxlanılıb: 28 iyul 2015
  2. ↑ Steam. 2003.
  3. ↑ Prince of Persia: Warrior Within Arxivləşdirilib 2015-09-19 at the Wayback Machine Princeofpersia.wikia.ru saytında, Yoxlanılıb: 1 noyabr 2014
  4. ↑ "Prince of Persia: Warrior Within" Resenziya Arxivləşdirilib 2021-09-25 at the Wayback Machine Ag.ru saytında, Yoxlanılıb: 28 iyul 2015
  5. ↑ Prince of Persia: Revelations Arxivləşdirilib 2016-08-16 at the Wayback Machine Gry-online.pl saytında, Yoxlanılıb: 1 noyabr 2014
  6. ↑ Prince of Persia: Warrior Within Arxivləşdirilib 2012-07-15 at the Wayback Machine Guides.ign.com saytında, Yoxlanılıb: 28 iyul 2015
  7. ↑ Matt Cundy. "The top 10 most 'fancied' game characters According to a poll not conducted by us" (ingilis). GamesRadar. 2012-03-03 tarixində arxivləşdirilib. İstifadə tarixi: 2012-10-26.
  8. ↑ A Prince of Persia: Warrior Within szinkronszínészei és készítői Arxivləşdirilib 2022-07-07 at the Wayback Machine Imdb.com saytında, Yoxlanılıb: 28 iyul 2015
  9. ↑ The dark and mysterious Kaileena of the Prince of Persia’s series. — Picture Story — Tom’s Hardware [ölü keçid] Tomshardware.com saytında, Yoxlanılıb: 28 iyul 2015
  10. ↑ Farrah, the fellow adventurer and love interest of the Prince of Persia. — Picture Story — Tom’s Hardware [ölü keçid] Tomshardware.com saytında, Yoxlanılıb: 28 iyul 2015
  11. ↑ PCGH history: The most important female characters in games (112 women inside!) — 2008/01/2004_Kaileena.jpg — PC Games Hardware Arxivləşdirilib 2016-03-04 at the Wayback Machine Pcgameshardware.com saytında, Yoxlanılıb: 28 iyul 2015
  12. ↑ "Videooyunlarda ən cazibədar qadın personajları". Playground.ru. 2012-02-14 tarixində arxivləşdirilib. İstifadə tarixi: 2012-10-26.
  13. ↑ Videooyunların ən cazibədar 50 qadın personajı Gamer.ru saytında, Yoxlanılıb: 28 iyul 2015
  14. ↑ Mixail Antonenko. "Döyüşkən rəfiqələr: Ən pis və ən real personajlar" (rus). Cnews. 2012-06-07 tarixində arxivləşdirilib. İstifadə tarixi: 2012-10-26.
  15. ↑ Ən çətin Boss personajları Arxivləşdirilib 2012-01-01 at the Wayback Machine Playground.ru saytında, Yoxlanılıb: 28 iyul 2015
  16. ↑ "Composer Inon Zur and Stuart Chatwood - Interview at Tracksounds (2008)". Tracksounds.com. 2015-06-27 tarixində orijinalından arxivləşdirilib. İstifadə tarixi: 2011-07-05.
  17. ↑ "Stuart Chatwood". MobyGames. 2022-09-13 tarixində arxivləşdirilib. İstifadə tarixi: 2011-07-05.
  18. ↑ "Ubisoft - Ubisoft Announces Prince Of Persia For Consoles, PC And Nintendo DS". Ubi.com. 2008-04-28. 2014-07-07 tarixində arxivləşdirilib. İstifadə tarixi: 2011-07-05.
  19. ↑ Kohler, Chris. "They Did What To My Game?!". Wired. December 2005. səh. 4. 2014-01-12 tarixində arxivləşdirilib. İstifadə tarixi: 2010-08-15.
  20. ↑ Penny Arcade — On Discomfort Arxivləşdirilib 2012-10-18 at the Wayback Machine Penny-arcade.com saytında, Yoxlanılıb: 28 iyul 2015
  21. ↑ Penny Arcade Arxivləşdirilib 2012-04-14 at the Wayback Machine Penny-arcade.com saytında, Yoxlanılıb: 28 iyul 2015
  22. ↑ Prince of Persia: Warrior Within Gringopcgames.blogspot.com [ölü keçid] Gringopcgames.blogspot.com saytında, Yoxlanılıb: 28 iyul 2015
  23. ↑ Prince of Persia : L'Âme du Guerrier — La presse (PC) Arxivləşdirilib 2010-04-30 at the Wayback Machine Gamekult.com saytında, Yoxlanılıb: 28 iyul 2015
  24. ↑ Prince of Persia : L'Âme du Guerrier (PC) Arxivləşdirilib 2022-03-14 at the Wayback Machine de Super.panda, JeuxVideo.com saytında, Yoxlanılıb: 28 iyul 2015

Xarici keçidlər

redaktə
  "Videooyunlar" portalı
Mənbə — "https://az.wikipedia.org/w/index.php?title=Prince_of_Persia:_Warrior_Within&oldid=7311698"