Pyotr Jarikov
Pyotr Pavloviç Jarikov (rus. Пётр Павлович Жариков; 26 iyun (8 iyul) 1888, Moskva – 9 yanvar 1969, Bakı) — Azərbaycan-sovet teatr aktyoru və rejissoru, Azərbaycan SSR xalq artisti (1941), Azərbaycan SSR Ali Sovetinin III çağırış deputatı.
| Pyotr Jarikov | |
|---|---|
| rus. Пётр Павлович Жариков | |
 | |
| Doğum tarixi | |
| Doğum yeri | Moskva, Moskva quberniyası, Rusiya İmperiyası |
| Vəfat tarixi | (80 yaşında) |
| Vəfat yeri | Bakı, Azərbaycan SSR, SSRİ |
| Milliyyəti | rus |
| Vətəndaşlığı |
 Rusiya imperiyası→ SSRİ |
| Fəaliyyəti | teatr aktyoru və rejissoru |
| Fəaliyyət illəri | 1911–1963 |
| Teatr | Azərbaycan Dövlət Rus Dram Teatrı (1928–1963) |
| Mükafatları |
    |
Həyatı
redaktəPyotr Jarikov 26 iyun (8 iyul) 1888-ci ildə Moskvada anadan olmuşdur. 1912-ci ildə Moskva Bədaye Teatrının studiyasını bitirmişdir.[1] O, bu teatrda işləməyə isə hələ 1911-ci ildən başlamışdır. 1918-ci ildən Moskva Kamera Teatrında çalışmış, 1920–1927-ci illərdə Saratov, Kazan, Penza, İrkutsk, Samara, Krasnodar və digər şəhərlərin teatrlarında fəaliyyət göstərmişdir.[2] 1928–1963-cü illərdə isə Azərbaycan Dövlət Rus Dram Teatrında çalışmışdır.[3]
Pyotr Jarikov 1921-ci ildən pedaqoji fəaliyyətlə məşğul olmuşdur. Bundan əlavə, Azərbaycan SSR Ali Sovetinin III çağırış deputatı seçilmişdir.[2]
Pyotr Jarikov 9 yanvar 1969-cu ildə Bakıda vəfat etmişdir.[1][4]
Təltif və mükafatları
redaktə- "Azərbaycan SSR xalq artisti" fəxri adı — 8 yanvar 1941
- "Azərbaycan SSR əməkdar artisti" fəxri adı — 4 noyabr 1938
- "Qırmızı əmək bayrağı" ordeni — 9 iyun 1959
- "Şərəf nişanı" ordeni — 25 fevral 1946
Teatr fəaliyyəti
redaktəİfa etdiyi əsas rollar
redaktə- "Ağıldan bəla", Aleksandr Qriboyedov — Çatski
- "Müfəttiş", Nikolay Qoqol — Xlestakov
- "Vaqif", Səməd Vurğun — Vidadi
- "İstedadlar və pərəstişkarlar", Aleksandr Ostrovski — İrakli Dulebov
- "Cehizsiz qız", Aleksandr Ostrovski — Karandışev
- "Narahat qocalıq", Leonid Raxmanov — Polejayev
- "Qiyam", Dmitri Furmanov — Furmanov
- "Dələduz", Aleksandr Afinogenev — Okayomov
- "Atalar və oğullar", İvan Turgenev — Vasili Baçarov
- "Nikbin faciə", Vsevolod Vişnevski — Zabit
- "Şərəf qanunu", Aleksandr Şteyn — Dobrotvorski
- "Ağaclar kökləri üstə ölürlər", Alexandro Kasona — Sinyor Balbua
- "Feldmarşal Kutuzov", Vladimir Solovyov — Barklay de Tolli
- "Əzablı yollarla", Aleksey Tolstoy — Nikolay Smokovnikov
- "Domoklun qılıncı", Nazim Hikmət — Hakim
- "Merlenin ailəsi", Emil Zolyanın əsəri əsasında — Merle
- "Üç bacı", Anton Çexov — Tuzenbax
- "Məkr və məhəbbər", Fridrix Şiller — Ferdinand
Quruluş verdiyi tamaşalar
redaktə- "İki ağanın nökəri", Karlo Qoldoni
- "Düşmənlər", Maksim Qorki
- "Qeyri-bərabər döyüş", Viktor Rozov
İstinadlar
redaktə- ↑ 1 2 Жариков Пјотр Павлович // Азәрбајҹан Совет Енсиклопедијасы: [10 ҹилддә]. IV ҹилд: Елдәҝәз—Итабира. Бакы: Азәрбајҹан Совет Енсиклопедијасынын Баш Редаксијасы. Баш редактор: Ҹ. Б. Гулијев. 1980. С. 284.
- ↑ 1 2 Жариков Пётр Павлович // Театральная энциклопедия: [в 6 т.] / гл. ред.: П. А. Марков. Т. 2. Гловацкий — Кетуракис. М.: Советская энциклопедия. 1963. стб. 664. 43 000 экз.
- ↑ İlham Rəhimli. Pyotr Jarikov // Azərbaycan Teatr Ensiklopediyası (3 cilddə). 2-ci cild. Bakı: Azərnəşr. 2017. səh. 174–175. ISBN 978-9952-8021-9-1.
- ↑ П. П. Жариков // Коммунист. № 8 (14004). 10 јанвар 1969-ҹу ил. С. 4.