Qüdrət Quliyev
Qüdrət Ramazan oğlu Quliyev (1955) — Azərbaycan Respublikası xarici iqtisadi əlaqələr naziri (1995-1997), Azərbaycan Respublikası Milli Məclisinin üzvü (1992-1995), Azərbaycan SSR Ali Sovetinin XII çağırış deputatı[1]
| Qüdrət Quliyev | |
|---|---|
| İyun 2020 – 7 noyabr 2022 | |
| 4 avqust 1995 – 24 iyun 1997 | |
| Əvvəlki | Nicat Quliyev |
| Sonrakı | Vəzifə ləğv olundu. |
| Şəxsi məlumatlar | |
| Doğum tarixi | 1955 |
| Partiya |
|
| Təhsili | |
| Fəaliyyəti | siyasətçi |
Həyatı redaktə
Qüdrət Quliyev 1955-ci il İyul ayının 6-da Bakı şəhərində doğulubdur. Atası Ramazan Nəcəfqulu oğlu 1937-ci ildə Stalin repressiyasına məruz qalmiş dövlət məmuru, anası Xanımqız Mürşüdqulu qızı evdar qadın olubdur.
Orta təhsilini Bakının Nəsimi rayonunda yerləşən 44 saylı məktəbdə alıbdır. Azərbaycan Dövlət Dillər İnstitutunu və Azərbaycan Dövlət Universitetinin hüquq fakultəsini bitiribdir.
Siyasi fəaliyyəti redaktə
Qüdrət Quliyev 18 oktyabr 1991-ci ildə III Azərbaycan Respublikasının Dövlət Müstəqilliyi Aktına imza atan parlament üzvü, dövlət xadimidir.
1981–1990-cı illərdə Bakı şəhər Nəsimi rayon partiya komitəsində (o dövrün siyasi hakimiyyət təşkilatında) ideologiya şöbəsinin təlimatçısı və müdiri; 1990–1991-ci illərdə Naxçıvanın erməni blokadasında olduğu zaman Naxçıvan Vilayət partiya komitəsinin katibi vəzifəsində çalışıbdır.
Qüdrət Quliyev 1995-1997 illərdə Azərbaycan Respublikası xarici iqtisadi əlaqələr nazirinin birinci müavini və naziri vəzivəsində çalışıb.[2]
24 iyun 1997-ci il tarixində Azərbaycan Respublikasının Ticarət Nazirliyi və Azərbaycan Respublikasının Xarici İqtisadi Əlaqələr Nazirliyi ləğv edildi və onların əvəzində Azərbaycan Respublikasının Ticarət Nazirliyi yaradıldı.[3]
1997-ci ilin Avqustunda Przident Heydər Əliyev hakim Yeni Azərbaycan Partiyasında Qüdrət Quliyevə özünün birinci müavini və icra katibi vəzifələrini təklif etsə də, Qüdrət Quliyev bu təklifdən imtina etmişdi.
2019-cu ildən Amerika Birləşmiş Ştatlarında mühacirətdədir. Azərbaycanda insan haqqlarının və vətəndaş hüquqlarının pozulmasına qarşı, siyasi repressiyalara qarşı, mütərəqqi demokratik dövlət quruculuğu uğrunda sosial şəbəkələrdə davamlı çıxışları və dəyişməz mövqeyi ilə seçilən ictimai xadimdir.
Azərbaycanda azad, sərbəst, intensiv, davamlı və sosial yönümlü yeni iqtisadi və sosial inkişaf modelinin qurulmasını sosial şəbəkələrdə dəstəkləyir və təbliğ edir. 1995-ci ildə keçmiş SSRİ ərazisində ilk dəfə BMT İnkişaf Proqramı ilə əməkdaşlıqda Xəzər Dənizi sahilində Sumqayıt Xüsusi Sərbəst İqtisadi Bölgəsi yaratmaq təşəbbüsü ilə çıxış etmişdi. Lakin, təşəbbüs respublika hakimiyyəti tərəfindən dəstəklənməmişdi.
Parlamentdə redaktə
Qüdrət Quliyev 1990-cı ildə Naxçıvan Muxtar Respublikasının dövlət rəhbərliyində çalışdığı, Vilayət Partiya Komitəsinin Katibi vəzifəsini tutduğu zaman Naxçıvan MSSR-in 343 nömrəli Culfa seçki dairəsindən XII çağırış Azərbaycan SSR Ali Sovetinin deputatı seçilmişdir[1].
5 fevral 1991-ci ildə deputat kimi Azərbaycan SSR Ali Soveti birinci sessiyasının Redaksiya komissiyasının tərkibinə seçilmişdir.[1]
3 iyun 1992-ci il tarixində isə Azərbaycan Respublikası Milli Məclisinin üzvü [4] və Milli Məclisin Beynəlxalq Əlaqələr Komissiyasının üzvü seçilmişdir.[5] Azərbaycan Parlamentini MDB-nin, Avropa Birliyinin və NATO-nun Parlamentlərarası Assambleyalarında və bir çox beynəlxalq məclislərdə təmsil etmişdir.
Partiya redaktə
Sovet İttifaqı çökəndən (1991) sonra Qüdrət Quliyev heç bir siyasi partiyanın üzvü olmayıbdır.
1997-ci ildə hakim Yeni Azərbaycan Partiyasının Sədri, Prezident Heydər Əliyev Qüdrət Quliyevə YAP Sədrinin Birinci Müavini və YAP İcra Katibi vəzifəsini təklif etsə də, o, bundan imtina etmişdi.
2020-ci ilin İyun ayında Haqq Ədalət Partiyasının dəvəti ilə üzv, daha sonra onlayn səsvermə ilə partiyanın İdarə Heyətinin üzvü və partiya sədrinin beynəlxalq məsələlər üzrə müavini və Amerika Birləşmiş Ştatlarında partiyanın təmsilçisi seçilmişdir.[6][7]
5 noyabr 2022-ci il tarixində Haqq Ədalət Partiyasının sədri Əli İnsanov prezident İlham Əliyevin apardığı siyasəti birmənalı dəstəklədiyini açıqlamışdır.[8] Partiyanın siyasi xəttinə zidd olan bu açıqlamaya etiraz əlaməti olaraq, 7 noyabr 2022-ci il tarixində partiyanın sədr müavinləri Qüdrət Quliyev, İsfəndiyar Vahabzadə və partiya sədrinin müşaviri Nuridə Hidayət partiyadan istefa verdiklərini elan etmişdirlər.[9]
İstinadlar redaktə
- ↑ 1,0 1,1 1,2 "Azərbaycan SSR Ali Soveti birinci sessiyasının Redaksiya komissiyasının seçilməsi haqqında" Arxivləşdirilib 2018-05-07 at the Wayback Machine Azərbaycan SSR Ali Sovetinin 5 fevral 1991-ci il tarixli, 6—XII nömrəli Qərarı. e-qanun.az (az.)
- ↑ "Arxivlənmiş surət". 2020-08-08 tarixində arxivləşdirilib. İstifadə tarixi: 2021-10-22.
- ↑ "Arxivlənmiş surət". 2021-10-22 tarixində arxivləşdirilib. İstifadə tarixi: 2021-10-22.
- ↑ "Arxivlənmiş surət". 2021-10-22 tarixində arxivləşdirilib. İstifadə tarixi: 2021-10-22.
- ↑ "Arxivlənmiş surət". 2017-10-26 tarixində arxivləşdirilib. İstifadə tarixi: 2021-10-22.
- ↑ "Arxivlənmiş surət". 2021-06-03 tarixində orijinalından arxivləşdirilib. İstifadə tarixi: 2021-06-03.
- ↑ "Arxivlənmiş surət". 2021-10-22 tarixində arxivləşdirilib. İstifadə tarixi: 2021-10-22.
- ↑ https://qafqazinfo.az/news/detail/eli-insanov-ilham-eliyevi-desteklediyini-aciqladi-video-381277
- ↑ https://demokrat.az/az/news/128995/isfendiyar-vahabzade-eli-insanovun-partiyasindan-istefa-verdi-foto