Qələndər Xaçınçaylı
Qələndər Xaçınçaylı (Əhmədov Qələndər İslam) — azərbaycanlı şair, yazıçı, jurnalist, publisist "Ziyadar", "Vintsas" mükafatları laureatı, "Tərəqqi" medallı, Prezident Təqaüdçüsü, Azərbaycan Yazıçılar Birliyinin (AYB) və Azərbaycan Jurnalistlər Birliyinin (AJB) üzvü[1] .
| Qələndər Xaçınçaylı | |
|---|---|
| Əhmədov Qələndər İslam | |
| Doğum adı | Qələndər |
| Təxəllüsü | Xaçınçaylı |
| Doğum tarixi | |
| Doğum yeri | Qalayçılar kəndi, Ağdam rayonu |
| Vəfat tarixi | (62 yaşında) |
| Vəfat yeri | Bakı |
| Vəfat səbəbi | Koronavirus, |
| Fəaliyyəti | tədqiqatçı-jurnalist, şair - yazıçı, publisist |
| Fəaliyyət illəri | 1981 - 2020, son iş yeri Həftə içi (qəzet) |
| Əsərlərinin dili | Azərbaycan dili |
| İstiqamət | Şeir, Poema, Povest, Publisistika |
| Janrlar | Nəzm, Nəsr |
| Mükafatları | Ziyadar Mükafatı, Vintsas Mükafatı, Tərəqqi medalı, Prezident Təqaüdü. |
Həyat və yaradıcılığı
redaktəQələndər Xaçınçaylı (Əhmədov Qələndər İslam) 15 aprel 1958-ci ildə Ağdam rayonu, Qalayçılar kəndində anadan olub. Qələndər Xaçınçaylı — Azərbaycan Yazıçılar Birliyinin (AYB) və Azərbaycan Jurnalistlər Birliyinin (AJB) üzvü, tədqiqatçı-jurnalist, tanınmış şair — yazıçı, publisistdir. 1981-ci ildən mətbuatda müntəzəm olaraq şeir və məqalələrlə çıxış edir. Şeirləri "Ədəbiyyat və incəsənət", "Kommunist", "Bakı", "Savalan", "Azərbaycan pioneri", "Fəryad", "Meydan", "Səs", "Gələcək gün", "Ədalət", "Təzadlar" qəzetlərində, "Azərbaycan", "Ulduz", "Müxbir", "Kənd həyatı", "Göyərçin", "Pioner" jurnallarında ardıcıl olaraq çap edilib.1981-ci ildən, 2020-ci ilə dək mətbuat sahəsində fəaliyyət göstərən yazarın , son iş yeri Həftə içi (qəzet)i olub. Həmçinin, "Gənclik" nəşriyyatının "almanax"larında əsərləri oxuculara təqdim olunub. Onun ilk kitabı "Qarabağın ağlar gözü" (1998) adlanır. Kitabın tərtibçisi, redaktoru və "Gənc şairin ilk kitabı və ilk söz" ön sözünün müəllifi tanınmış ədəbiyyatşünas alim, professor Qurban Bayramov (tənqidçi) olmuş və bu istedadlı gəncə uğur diləmişdir. İndiyənə qədər Qələndərin bir-birinin ardınca "Qarabağa gedən yollar" (2000), "Dünya mənim söz qalamdır" (2004), "Dərd ürəyimdə mamır bağlayıb" (2006), "Qeyrət qalası" (2007), "Yaza tələsən çiçək" (2008), "El ağsaqqalı" — publisistika (2008), "Şərəfli ömür" — (publisistika, 2009), "İkinci ömrümü yaşayıram" (2011), "Gözləmə" (2012), Şahin Qasımovun ömür yolu haqqında "Ömür mənalı keçəndə" (2012) şeir və poemalardan ibarət kitabları nəşr olunmuş, 20 Yanvar, Qarabağ müharibəsi qəhrəmanlarından bəhs edən çox maraqlı "Güllə işığında" povesti Qələndər Xaçınçaylının 60 illik yubileyində oxucularına təqdim olunmuşdur. Son kitabı Zaur Ustacın həyat və yaradıcılığından bəhs edən "Taclı şair" (2020) olmuşdur[2],[3]. Qələndər Xaçınçaylı 25 avqust 2020-ci ildə koronavirusdan müalicə olunduğu Yeni Klinika Tibb Mərkəzində vəfat emiş[4] və Bakı şəhərində dəfn olunmuşdur.
Mükafatları
redaktəXəstəliyi barədə
redaktəÖlümü barədə
redaktəXarici keçidlər
redaktəİstinadlar
redaktə- ↑ "Qələndər Xaçınçaylı haqqında" — hafta.az[ölü keçid]
- ↑ ""Qələndər Xaçınçaylı" — anl.az ". 2018-06-19 tarixində arxivləşdirilib. İstifadə tarixi: 2020-08-26.
- ↑ "Qələndər Xaçınçaylı" — anl.az [ölü keçid]
- ↑ "Qələndər Xaçınçaylı koronavirusdan vəfat etdi" — hafta.az[ölü keçid]
- ↑ ""Qələndər Xaçınçaylıya Vintsas Mükafatı təqdim edildi " -hafta.az". 2019-11-23 tarixində orijinalından arxivləşdirilib. İstifadə tarixi: 2020-08-26.
- ↑ "Qələndər Xaçınçaylının vəziyyəti necədir" -adalet.az[ölü keçid]
- ↑ ""Qələndər Xaçınçaylının diqqətə ehtiyacı var" -tezadlar.az". 2022-03-19 tarixində arxivləşdirilib. İstifadə tarixi: 2020-08-26.
- ↑ ""Qələndər Xaçınçaylının diqqətə və qayğıya ehtiyacı var" -525.az". 2020-08-19 tarixində arxivləşdirilib. İstifadə tarixi: 2020-08-26.
- ↑ ""Tanınmış jurnalist vəfat edib" tezadlar.az". 2022-03-20 tarixində arxivləşdirilib. İstifadə tarixi: 2020-08-26.
- ↑ ""Qələndər Xaçınçaylı virusdan vəfat edib" -modern.az". 2022-03-20 tarixində arxivləşdirilib. İstifadə tarixi: 2020-08-26.