QAZ (film, 2005)

Qeyri-adi zarafat və ya qısaca QAZ — İzzət Əzizovun rejissoru olduğu 2005-ci ildə çəkilmiş Azərbaycan komediya filmi.

QAZ
Janr	komediya macəra müəmma
Rejissor	İzzət Əzizov
Ssenari müəllifi	Maarif Məmmədov
Baş rollarda	Rafael İsgəndərov — İsa Coşqun Rəhimov — Məlik
Operator	İzzət Əzizov
Bəstəkar	Gövhər Həsənzadə
Rəssam	Nabat Səmədova
İstehsalçı	"M" Films
İlk baxış tarixi	8 dekabr 2005, Bakı
Filmin digər adı	Qeyri-adi zarafat
Filmin növü	tammetrajlı bədii film
Müddət	87,5 dəq.
Ölkə	Azərbaycan
Dil	azərbaycanca
İl	2005
Texniki məlumatlar	videofilm genişekranlı
Rəng	rəngli (ağ-qara kadrlarla)

Məzmun

Film kifayət qədər ciddi problemlərə toxunur və tamaşaçını düşündürür. Film usandırıcı bir teatr tamaşasından bir parça ilə başlayır. İsa (Rafael İsgəndərov) ilə Məlikin (Coşqun Rəhimov) aktyor fədakarlığını görən köhnə aktyor yoldaşlarından biri Salamov (Ramiz Sərkərov) qrim otağına soxulur. O, indi imkanlı iş adamıdır. Dostlarını dəniz qırağına, yeyib-içməyə dəvət edir. Amma ertəsi gün o öz vədinə xilaf çıxır. Guya ki, vacib işi çıxdığına görə dostlarından üzr istəyir, iri bir tut arağı şüşəsini və bir qədər bazarlığı onlara verib, gedir. Dostlar dəniz sahilinə gəlir və burada möhkəmcə yeyib-içirlər. Onları yuxu aparır. Ayılanda paltarlarını görmürlər. Hər şey də bundan sonra başlayır. Əyinlərində tək alt paltarı qalmış dostlar kimə ağız açırlarsa, onlara kömək edən olmur. Əksinə, kömək əvəzinə onları qınayır, ittiham edirlər. Səhərəcən Bakı bağlarında gəzib-dolaşan, başlarına min bir gülünc hadisələr gələn dostlara heç kəs inanmır, hətta onları həbs etdirirlər. Buradan o yana yol isə psixi xəstələrin saxlandığı xəstəxanayadır. Yalnız burada, nəhayət onların dostu gəlib çıxır. Məlum olur ki, onların paltarını da elə o götürüb və bununla zarafat etmək, bəlkə də, onlara dərs vermək istəyib. Filmin adı da elə buradan yaranır: "QAZ"- Qeyri-Adi Zarafat.

Film haqqında

• Film rejissor İzzət Əzizovun bədii kinoda ilk müstəqil işidir.
• "Natura" — təbiət çəkilişləri filmdə uğurlu alınmışdırsa da, "pavilyon"- otaq çəkilişlərində səs və işıq effektsizliyi özünü göstərir. Təkcə baş rolları ifa edən aktyorlar nisbətən təbii ifa tərzi ilə fərqlənirlər. Digər aktyorlar, xüsusən də xəstəxananın psixiatrı rolunu ifa edən xalq artisti Telman Adıgözəlov burada yalnız teatr aktyoru kimi və çox zəif rol ifa edir. Filmin musiqisi də çox zəifdir və sanki heç yoxdur. Halbuki musiqi filmə bədii effektlər verən ən mühüm amillərdəndir.

Filmin heyəti

Film üzərində işləyənlər

Ssenari müəllifi: Maarif Məmmədov

Quruluşçu rejissor: İzzət Əzizov

Quruluşçu operator: İzzət Əzizov

Quruluşçu rəssam: Nabat Səmədova (Nabat Məhərrəmqızı kimi)

Rejissor: Elşən Heydərov

Səs rejissoru: Rəşad Mustafayev

Qrim rəssamı: İlqar Cəfərov

Montaj edən: Fariz Əliyev

Rejissor assistenti: Qurban Həsənov, Cəmilə Məmmədova

Operator assistenti: İlkin Umudov

İşıq rəssamı: Adil İslamzadə, Tərlan Qafarov

Səs operatoru: Əli Abbas Qasımov (Əliabbas Qasımov kimi)

Mahnının müəllifi: Gövhər Həsənzadə

Sürücü: Vüqar Məmmədov

Prodüser: Əfqan Yusifov, Ramiz İsrayilov

Filmin direktoru: Mahmud Əhmədov

Rollarda

Rafael İsgəndərov — İsa

Coşqun Rəhimov — Məlik

Sədaqət Məmmədova

Ramiz Sərkərov — Salamov

Kəmalə Hüseynova — alıcı

Allahverdi Yolçuyev — polis rəisi

Elman Rəfiyev — imkanlı oğlan

Könül Yusifqızı

Telman Adıgözəlov — baş həkim

Qorxmaz Əlilicanzadə — Səlim, bağ sahibi

Lətifə Əliyeva — ruhi xəstə

Elnur Abbasquliyev — ruhi xəstə

Ceyhun Dadaşov — ruhi xəstə

İqrar Salamov

Vüsal Mehrəliyev

Dilarə Mirzəbəyova

Nizami Əlizadə

Elvin Hacıyev

Gülya Səlimova

Səba Abbasova

Rövşən Dadaşov

Aybəniz Əhmədova

Müşfiq Əliyev

Rasəf Mehdiyev

Ellada Mustafayeva

Nuranə Əhmədova

Rauf Şahsuvarov — ruhi xəstə

Sponsorlar

"RUS" şirkəti

Texnikabank

Çəkilişə kömək edənlər

• Əlikram Əliyev
• Eldəniz Əliyev
• Hüseyn Zeynalov

Həmçinin bax

• Bu Şəhərdə
• Bomba (film, 2005)
• Məhəllə (film)
• Hərənin öz payı+tayı
• Moskva-Bakı qatarı (film, 2005)

Mənbə

• ""QAZ" FİLMİNİN İLK NÜMAYİŞİ OLMUŞDUR". azertag.az (az.). İstifadə tarixi: 2025-01-04.

Xarici keçidlər

• Kommersiya — komediya filmləri. İndi növbə ciddi kinonundur
• Filmi izlə