Qaçaq Kərəm

Qaçaq Kərəm
Qaçaq Kərəm
	Kərəm İsgəndər oğlu
Doğum tarixi	1860
Doğum yeri	Qıraq Kəsəmən, Azərbaycan;
Vəfat tarixi	1909
Vəfat yeri	Tehran, Tehran şəhristanı, Tehran ostanı, İran;

Qaçaq Kərəm (1860, Qıraq Kəsəmən – 1909, Tehran) — XIX əsrin sonu, XX əsrin əvvəllərində Qərbi Azərbaycan, Türkiyə, İran və Rusiyada tanınmış qaçaq. O dövrdə Qazaxın məşhur zadəganlarından olan İsrafil ağa ilə qan düşməni olmuşdur.^[1]

Həyatı

On beş il qaçaqlıq eləyən Qaçaq Kərəm 1860-cı ildə Qazax qəzasının Qıraq Kəsəmən kəndində anadan olmuşdur. Molla Zalın nəvəsi, Nəcəflilər soyunun ulu babası olan Qaçaq Nəcəfin (Molla Zalın qardaşı) qardaşı nəvəsi, silahdaşlarından olan Balasöyünün dayısı oğludur. Onun atası Molla Zal oğlu İsgəndər kəndlilərin haqqını müdafiə etdiyi üçün qolları qandallanıb, Sibirə sürgün edilmişdir, lakin sürgündən qaçaraq yenidən öz doğma diyarında at belində görünmüşdür.^[2] Molla Zal oğlu İsgəndər öldürüldükdən sonra onun yarağını oğlu Kərəm götürmüşdür.

Azacıq sonra Kərəm nəinki Azərbaycan və Dağıstanda, eləcə də, bütün Zaqafqaziyada ümumxalq məhəbbəti qazandı. Bunun səbəbi həm onun cəsurluğu, həm də ədalət hissinin güclü olması idi. M. Qorki haqlı olaraq yazırdı; "Eşitdiyim külli miqdarda hekayələrdə Kərəm insanpərvər və özünə yaxın hesab etdiyi şəxslərə bacardığı qədər kömək göstərmək istəyən bir adam kimi verilir".

Zaqafqazyanın müxtəlif guşələrində Kərəmin igidliyi ilə bağlı xalq arasında bir sıra yer adları vardır; "Kərəm körpüsü", "Kərəm payası", "Kərəm bazarı"; "Kərəm çalası", "Kərəm yolu", "Kərəm payı", "Kərəm bulağı", "Kərəm meydanı" və s.

Qaçaq Kərəm 1910-cu ildə İranda Vəfat edib.

Qaçaq Kərəm ailəsi:

Kərəmin atası-Molla Zal oğlu İsgəndər
Kərəmin anası-Fəxrənsə xanım
Kərəmin bibisi-Zal qızı Gülnaz
Kərəmin qardaşları-Məcid, Əsəd, Həmid, Mədəd, Yusif, Atası öldürüləndə anası hamilə olur sonra dünyaya gələn qardaşının adını İsgəndər qoyurlar.
Kərəmin bacıları-Zalxa, Başxanım.
Kərəmin nişanlısı-Zibeydə (Dağ Kəsəməndəndir)

Qaçaq Kərəmin Silahdaşları:

Balasöyün- Kərəmin bibisioğludur
İsmayıl- İncəli (Aslanbəyli)
İsfəndiyar-Haqqıxlı
Təhməz
Omar-Gürcüstanlı
Cahangir
Bayram- İncəli
Usuf
Abbas
Nirvəli- Kəsəmən
Alıcan
Səməd

Qaçaq dəstənin əsas üzvləri Kərəmlə birlikdə 13 nəfər olub

Həmçinin bax

Qaçaq Kərəm (roman)

İstinadlar

↑ Азәрбајҹан Совет Енсиклопедијасы: [10 ҹилддә]. III ҹилд: Гајыбов—Елдаров. Бакы: Азәрбајҹан Совет Енсиклопедијасынын Баш Редаксијасы. Баш редактор: Ҹ. Б. Гулијев. 1979. С. 104.
↑ Şəmistan Mikayılov. Azərbaycan ədəbiyyatında at mənəvi dəyər kimi. "Təhsil problemləri", 8–15 iyul 2016-cı il, səh. 4–6.

Xarici keçidlər

[1] Азәрбајҹан Совет Енсиклопедијасы: [10 ҹилддә]. III ҹилд: Гајыбов—Елдаров. Бакы: Азәрбајҹан Совет Енсиклопедијасынын Баш Редаксијасы. Баш редактор: Ҹ. Б. Гулијев. 1979. С. 104.

[2] Şəmistan Mikayılov. Azərbaycan ədəbiyyatında at mənəvi dəyər kimi. "Təhsil problemləri", 8–15 iyul 2016-cı il, səh. 4–6.

[1]

[2]