Qavriil Kolesov
Qavriil Qavriloviç Kolesov (rus. Гаврил (Гавриил) Гаврильевич Колесов, saxa Гавриил Гаврилович Колесов; 8 mart 1932, Meqino-Xanqalas ulusu, Yakutiya MSSR – 31 avqust 1997) — Yakutiya aktyoru və yazıçı. RSFSR-in əməkdar artisti (1982), Yakutiya ASSR xalq artisti (1971).
| Qavriil Kolesov | |||
|---|---|---|---|
 | |||
| Doğum tarixi | 8 mart 1932 | ||
| Doğum yeri | |||
| Vəfat tarixi | 31 avqust 1997 (65 yaşında) | ||
| Fəaliyyəti | yazıçı, aktyor | ||
| Mükafatları |
|
||
Həyatı
redaktəQavriil Kolesov 1932-ci il 8 martda Yakutiyanın Meqino-Xanqalas ulusunun 2-ci Batarinski qəsəbəsində anadan olmuşdur. Atası kolxozçu olmuşdur, məktəb yaşına çatmamış xalq mahnıları və nağıllara maraq göstərməyə başlamışdır. Olonqoları dinləyərək, hekayələr və mahnıları əzbərləyirdi.[1]
1950-ci ildə on səkkiz yaşında Yakutsk Radio Komitəsinin xoruna qəbul edildi. 1954-cü ildə Platon Oyunskinin “Nurgün Bootur Stremitelni" olonqosunu ilk dəfə ifa etdi. 1957-1997-ci illərdə P. A. Oyunskinin adına Yakutiya Dram Teatrında artist kimi çalışmışdır. Drama və musiqili tamaşalarda bir sıra yadda qalan obrazları yaratmışdır. 1957-ci ildə Moskvada keçirilən VI Dünya Gənclər və Tələbələr Festivalında iştirak etmişdir.[1]
1968-ci il 5-25 sentyabr tarixlərində Qavriil Kolesov "Melodiya" şirkətinin Leninqrad studiyasında “Nurgün Bootur Stremitelni" olonqosunun tam mətnini ifa etmişdir. Bu nadir əsərin elmi rəhbəri filologiya elmləri namizədi, SSRİ Elmlər Akademiyasının Qorki adına Dünya Ədəbiyyatı İnstitutunun böyük elmi işçisi, olonxo haqqında monoqrafiyanın müəllifi İ. V. Puxov idi.[1]
Yakut dilində uşaqlar və gənclər üçün bir neçə kitab yazmışdır. 1960-cı ildən onun əsərləri nəşr olunmağa başlamışdır. 1964-cü ildə nəşr olunan "Ovçunun nəvəsi" povestində gənc tayqaçı Mnçilanın sərgüzəştlərindən bəhs edilir[2] (kitab 1969-cu ildə V. Çupreev tərəfindən rus dilinə tərcümə edilmiş və "Polyarnaya Zvezda" jurnalında nəşr edilmişdir). "Həyat qabaqdadır" (1966), "Soyuq bahar" (1969), "Əsgər düşüncələri" (1973) kitablarının müəllifidir.[3] 1982-ci ildən SSRİ Yazıçılar İttifaqının üzvü idi.[1]
Mükafatları
redaktə- RSFSR-in əməkdar artisti (1982)[1]
- Yakutiya Muxtar Sovet Sosialist Respublikasının xalq artisti (1971)[1]
- Yakutiya MSSR-nin əməkdar artisti (1962)[1]
- P. A. Oyunski adına Saxa Respublikasının (Yakutiya) dövlət mükafatı (1997)[1]
- "Şərəf nişanı" ordeni[1]
İstinadlar
redaktə- ↑ 1 2 3 4 5 6 7 8 9 Лауреат Государственной премии Республики Саха (Якутия) им. П. А. Ойунского Колесов Гаврил Гаврильевич Arxivləşdirilib 2021-07-09 at the Wayback Machine // sakha.gov.ru
- ↑ Полярная звезда Arxivləşdirilib 2021-07-09 at the Wayback Machine. 1970
- ↑ Арктическая энциклопедия. Дополнительные материалы к изданию Arxivləşdirilib 2021-08-05 at the Wayback Machine. 2017