Qazıyevlər (Axund Xəlil)

Qazıyevlər — Azərbaycan xalqının tanınmış soylarından biri. İrəvan zadəgan nəslindəndirlər.

Qazıyevlər
Titul	Bəy, qazı
Əcdadı	Axund Xəlil qazı
Qohum soylar	Bağırbəyovlar
Mənşəyi	İrəvan
Təbəəliyi	İrəvan xanlığı, Rusiya imperiyası
Torpaqları	Reyhanlı

Soyun yaranması

Soyun ulu babası Axund Xəlil qazıdır. Axund Xəlil Kərim oğlu Qazızadə (1815–1884) 17 il İrəvan Quberniyası Ruhani Məclisinin sədri olmuş

Axund Xəlil qazının Abdulla, Həsən bəy Qaziyev adlı oğlanları vardı. Axund Molla Xəlil Qazızadə və oğlu Molla Abdulla Qazızadə İrəvan Quberniya Ruhani Məclisinin üzvü olmuşdular. Qazıyevlərin İrəvan quberniyasında Reyhanlı adlı mülkləri vardı.

1875-ci ildən 1900-cü ilədək İrəvanda müqəddəs Nina qız məktəbində təhsil alan 270 şagirddən 4 nəfəri azərbaycanlı qız olmuşdu. Bunlardan ikisi notarius İsmayıl bəy Qazıyevin qızları, ikisi isə Ələşrəf bəy Qazıyevin qızları idi. Qızların acı taleyi, həyat və müqəddəratı cəmiyyətin bütün tərəqqipərvər üzvlərini düşündürürdü.

Soyun tanınmış nümayəndələri

• Molla Məhəmmədbağır Qazızadə — İrəvan quberniya Ruhani Məclisinin rəisi, qazı, pedaqoq.
• Molla Abdulla Molla Xəlil oğlu Qazızadə — İrəvan quberniya Ruhani Məclisinin rəisi, qazı.
• Həsən Molla Xəlil oğlu Qazıyev — Əməkdar müəllim.
• Şeyx Kərim Molla Tağı Qazıyev — Naxçıvan qəzasının qazısı.
• Zəhra Şeyx Kəzim qızı Qazıyeva — həkim-terapevt, Azərbaycanın Əməkdar həkimi (1960), Sosialist Əməyi Qəhrəmanı.
• Şamil Həsən oğlu Qazıyev — rəssam, əməkdar incəsənət xadimi.
• Arif Şamil oğlu Qazıyev — Azərbaycanın xalq rəssamı (2018).

Qalereya

• Ailə arxivindən
• 
  Molla Məhəmmədbağır Qazızadə (?–1910) — qazı, pedaqoq
• 
  Molla Xəlil Qazızadə — qazı, axund
• 
  Həsən Qazıyev (1876–?) — pedaqoq
• 
  Şamil Qazıyev (1908–1980) — rəssam

Mənbə

• Ənvər Çingizoğlu, İrəvan Quberniya Ruhani Məclisi və məşhur din xadimləri, "Soy" elmi-kütləvi dərgi, 2011, № 3, səh.23–32.

Həmçinin bax

• İrəvan
• İrəvan xanlığı