Qumluqdakı qadın
Qumluqdakı qadın (砂の女, Suna no onna?, azərb. Qum qadını) – Yaponiya yazıçısı Kobo Abe tərəfindən 1962-ci ildə nəşr olunmuş roman.[1] Avanqard alleqoriya üslubunda olan bu roman İkinci dünya müharibəsindən sonra ən yaxşı Yaponiya romanlarından biri hesab olunur.[1] Abenin ingilis dilinə tərcümə olunan ilk romanlarından biridir.[1] 2021-ci ildə Nəriman Əbdülrəhmanlı tərəfindən Azərbaycan dilinə tərcümə edilmişdir.[2]
| Qumluqdakı qadın | |
|---|---|
| Suna no onna (砂の女?, azərb. Qum qadını) | |
 | |
| Müəllif | Kobo Abe |
| Orijinalın dili | yapon dili |
| Ölkə | |
| Orijinalın nəşr ili | 8 iyun 1962 |
| Tərcüməçi |
 Nəriman Əbdülrəhmanlı |
| Nəşriyyat | Shinchosha |
| Səhifə | 218 |
Roman əsasında 1964-cü ildə rejissor Teşiqahara Hiroşi tərəfindən çəkilmiş film adaptasiyası Yaponiya kinematoqrafiyasının klassiklərindən hesab olunur.[3] Filmin uğuru romanı və Yaponiya ədəbiyyatını ABŞ və İngiltərədə populyarlaşdırmışdır.[3]
Məzmun
redaktəRomanın baş qəhrəmanı Niki Cumpey adlı həvəskar entomoloqdur.[1] Araşdırması üçün bir səhraya səyahət edən Niki sakinlərinin yaşamaq üçün daim qum çuxuru qazdığı qəribə kəndlə qarşılaşır.[1] Kəndlilər tərəfindən qum çuxurlarının birində həbs edilən Niki bir dul qadınla kəndi təhdid edən qumları qazmağa məcbur edilir.[1] Roman Nikinin qum çuxurundan qaçmaq cəhdlərindən və qadınla münasibətindən bəhs edir.[1] Baş qəhrəman əvvəlcə müqavimət göstərsə də, şəhər həyatında yaşamadığı azadlığı qum çuxurunda əldə etdiyini kəşf edir[4] və vaxt keçdikcə yeni şəxsiyyətini qəbul etməyə başlayır.[1]
Analiz
redaktəƏsər Frans Kafkanın əsərləri ilə müqayisə olunur.[1] Əsər qeyri-adi süjet xəttinə, qumun ətraflı təsvirinə və insan mövcudluğunun araşdırmasına görə qeyd olunur.[1]
Müəllifin iki böyük marağı olan riyaziyyat və böcək toplama bu romanda geniş əksini tapmışdır.[3] Kobo Abenin əsərlərində istifadə etdiyi "ovçunun ova çevrilməsi" konsepsiyası bu əsərdə də müşahidə olunur;[4] Nikki böcək tutmaq üçün səyahətə çıxsa da, özü kəndlilər tərəfindən tutulur.[4] Kobo Abenin əsərlərində yer verdiyi digər mövzu isə şəhər həyatının insan mövcudluğuna təsiri, "şəhər labirinti"ndə insanın itməsidir və bu əsərin axırında da baş qəhrəman şəhər həyatında əl çəkmək qərarına gəlir.[4]
İstinadlar
redaktə- ↑ 1 2 3 4 5 6 7 8 9 10 Qumluqdakı qadın Encyclopædia Britannica Online ensiklopediyasında
- ↑ "Qumluqdakı qadın". Ali and Nino. 28 July 2021 tarixində arxivləşdirilib. İstifadə tarixi: 24 may 2022.
- ↑ 1 2 3 Lewell. səh. 14
- ↑ 1 2 3 4 Kodansha Encyclopedia of Japan
Ədəbiyyat
redaktə- Lewell, John. Modern Japanese Novelists (ingiliscə). Kodansha America. 1993. 14. ISBN 4-7700-1649-2. İstifadə tarixi: 25 may 2022.
- Kodansha Encyclopedia of Japan (ingiliscə). Nyu-York: Kodansha. 1983. səh. 3. ISBN 0-87011-620-7. İstifadə tarixi: 24 may 2022.