Qustav Veyl

Qustav Veyl (alm. Gustav Weil‎; 25 aprel 1808, Zaltsburq — 29 avqust 1889, Frayburq) — yəhudi əsilli alman şərqşünası.

Qustav Veyl
alm. Gustav Weil‎
Doğum tarixi	25 aprel 1808
Vəfat tarixi	29 avqust 1889 (81 yaşında)
Vəfat yeri	Frayburq-im-Braysqau
Elm sahələri	şərqşünaslıq, tərcümə
Elmi adı	professor[d]
İş yeri	Heydelberq Universiteti
Təhsili	Heydelberq Universiteti
Vikianbarda əlaqəli mediafayllar

Həyatı

Qustav Veyl 25 aprel 1808-ci ildə Almaniyanın Beden əyalətinə bağlı Zaltsburq şəhərində doğulmuşdu. Yəhudi əsilli bir ailənin övladıdər. Kiçik yaşlarında ailəsi tərəfindən din adamı olması üçün yönləndirildi; İbranicə, Fransızca və Latınca dərslər aldı. On iki yaşında ikən bu gün Fransa sərhəd-sınırları içərisində olan Metz şəhərinə gedərək xaxam olan babasından Talmud öyrəndi. 1828-ci ildə Heydelberq Universitetinə qeyd oldu. 1830-cu ildə təhsilinə davam etmək üçün Parisə getdi. Burada Silvestre de Sacy, E. Quatremère və A. Perron kimi müəllimlərdən Ərəbcə və Aysorca öyrəndi. Fransızların Əlcəzayiri işğal etməsinə görə təhsilinə ara verib, "Augsburger Allgemeine Zeitung" qəzetinin müxbiri sifətiylə Əlcəzayirə getdi. Yanvar 1831-ci ildə Misirə keçib Qahirədə Məhəmmədəli paşa tərəfindən yeni açılan Əbu Zabəl Tibb Mədrəsəsində Fransız dili müəllimliyinə başladı. Bu sırada Məhəmməd Ayyad ət-Tantavi və Əhməd ət-Tunisi kimi müəllimlərdən Ərəbcə, Farsca və Türkcə dil dərsləri aldı. Mart 1835-ci ildə İstanbula getdi; bir müddət burda qalıb Türkcəsini inkişaf etdirdi. Almaniyaya döndükdən sonra 1836-cı ildə Tübingen Universitetindən doktor və həmən ardından Heydelberq Universitetindən dosent ünvanlarını aldı. Ancaq Joseph F. von Hammer-Purgstallın Zəmaxşərinin "Aŧvaķuź-źəhəb"inə aid tərcüməsini (Golden Necklaces, Wien, 1835) tənqid etdiyi üçün uzun müddət universitetdə dərs verə bilməyincə universitetin kitabxanasında çalışdı. 1845-ci ildən etibarən eyni universitetdə Şərq dilləri dərslərinə girdi. 1861-ci ildə Şərq dilləri professorluğuna təyin edildi. Beləcə Heidelberq Universiteti tarixində ilk dəfə yəhudi əsilli bir professor kadra alınmış oldu.

Qustav Veyl 29 avqust 1889-cu ildə Almaniyanın Freiburg im Breisgau şəhərində vəfat etdi.

Əsərləri

• Die poetische Litteratur der Araber. — Stuttgart, 1837.
• Mohammed der Prophet, sein Leben und seine Lehre: aus handschriftlichen Quellen und dem Koran geschöpft und dargestellt. — Stuttgart, 1843.
• Historische-kritische Einleitung in den Koran. — Bielefeld, 1844; 1878.
• Biblische Legenden der Muselmänner. — Frankfurt am Main, 1845.
• Geschichte der Kalifen. Bd. 1—5. — Вerlin—Stuttgardt, 1846—1862.
• Geschichte des Abbasidenchalifats in Egypten. — Stuttgart, 1860—1862.
• Geschichte der islamitischen Völker von Mohammed bis zur Zeit des Sultans Selim. — Stuttgardt, 1866.