Rövşən Tağıyev (biznesmen)
Bu səhifədə iş davam etməkdədir. |
Rövşən Asəf oğlu Tağıyev (1981, Yengicə, İliç rayonu) — Azərbaycan biznesmeni, ictimai xadimi və xeyriyyəçisi, "Kral Group" şirkətlər qrupunun təsisçisi və baş direktoru.[1][2]
| Rövşən Tağıyev | |
|---|---|
| Rövşən Asəf oğlu Tağıyev | |
| Doğum tarixi | 1981 |
| Doğum yeri | |
| Vətəndaşlığı |
 Azərbaycan |
| Milliyyəti | azərbaycanlı |
| Təhsili | |
| Fəaliyyəti | sahibkar, ictimai xadim, xeyriyyəçi |
| Fəaliyyət illəri | 2009–davam edir |
Erkən həyatı
redaktəRövşən Asəf oğlu Tağıyev 1981-ci ildə Şərur rayonunun Yengicə kəndində ailəsində anadan olmuşdur. 1997-ci ildə Şərur rayon Yengicə kənd məktəbini bitirmişdir. Bundan sonra Azərbaycan Dövlət Bədən Tərbiyəsi və İdman Akademiyasına daxil olmuş, təhsilini başa vuraraq hərbi xidmətə yollanmışdır. O, 2003-cü ildə yenidən təhsil almaq qərarına gəlmiş və Naxçıvan Dövlət Universitetinin Hüquq fakultəsinə daxil olmuşdur.[3]
Fəaliyyəti
redaktəSahibkarlıq
redaktəRövşən Tağıyev 2000-ci illərdə Naxçıvan Daxili işlər orqanlarında xidmətə başlamış, 2009-cu ildə isə öz xahişi ilə xidmətdən ayrılaraq Bakı şəhərinə köçmüş, burada sahibkarlıq fəaliyyətinə başlamış, eyni zamanda ictimai fəaliyyətlə məşğul olmuşdur.[3]
Rövşən Tağıyev 2010-cu ildə "Kral Rent a Car" avtomobil icarəsi şirkətini təsis etmişdir. Şirkət Azərbaycanda avtomobil icarəsinin ilk təbliğatını həyata keçirməklə, turistlərə və yerli əhaliyə icarə şərtləri təqdim edən ilk şirkətdir.[3] Sonradan şirkət turizm, təbabət və media kimi sektorları özündə birləşdirərək 2017-ci ilin aprel ayında "Kral Group" olaraq fəaliyyətini genişləndirmişdir.[4][5] 2012-ci ildə media orqanı kimi "Hürriyyət Azərbaycan", 2017-ci ildən turizmin inkşafında dövlətə dəstəyi ilə fərqlənən "Kral Turizm" fəaliyyətə başlamışdır.[3] "Kral Turizm" şirkətinin açılış mərasimində şirkətin tibbi turizm, istirahət turizmi, müalicəvi sanatoriyalar, daxili turlar habelə aviauçuşlar sahəsində yeni elverişli fürsətlər təqdim etdiyi vurğulanmışdır. Mərasimdə şirkətin dünyanın ən müxtəlif ölkələrində yerləşən turizm və səyahət şirkətlərilə əməkdaşlıq etdiyindən bəhs olunmuşdur. Şirkətin açılışında çıxış edən millət vəkili Adil Əliyev vurğulamışdır ki, "Azərbaycanda sağlam rəqabət göstərən şirkətlərdən birinin də "Kral Travel"ın olacaqına əmin"dir.[6] 2020-ci ildən bel-onurğa xəstəliklərin əməliyyatsız müalicəsini həyata keçirən "Kral Təbabət" fəaliyyətə başlamışdır. "Kral Təbabət" əməkdar həkim-terapevt Asəf Tağıyevin rəhbərliyi altında fəaliyyət göstərir.[3]
İctimai fəaliyyəti
redaktə2011-ci ildən başlayaraq hər il Türkiyədə "Xocalıya ədalət" həftəsi tədbirində aktiv iştirakçısı olub. "Xocalıya ədalət" kompaniyasında Xocalı soyqırımı haqqında Türkiyə mediası və "İslahatçı Gənclər" Birliyi ilə birlikdə müxtəlif universitetlərdə, şəhərdə təbliğatı aparmağa başlamışdır. Həmin illərdən başlayaraq sosial vəziyyəti yaxşı olmayan insanlara yardımlar etmiş, həmçinin uşaq və qocalar evlərinə dəstək göstərmişdir.[3]
Rövşən Tağıyev 2016-cı il Aprel döyüşlərindən sonra xeyriyyəçilik fəaliyyətini şəhid ailələri və qazilərə yönəltmiş, onlara maddi və mənəvi kömək təmin etmişdir. O, 2019-cu ilin fevral ayında özünə məxsus, "Kral" şirkətlər qrupuna daxil olan "Kral Travel" turizm şirkətini Aprel döyüşlərinin qazisi Kamil Musəviyə hədiyyə etmişdir.[7] Rövşən Tağıyev 27 sentyabr 2020-ci ildə başlayan İkinci Qarabağ müharibəsi zamanı könüllü olaraq ön cəbhəyə getmiş, orduya maddi və mənəvi dəstək vermişdir. Müharibə bitdikdən sonra xeyriyyəçilik fəaliyyətini şəhid ailələrinə və qazilərə ayırmışdır.[3]
Təltif və mükafatları
redaktə"İslahatçı Gənclər" İctimai Birliyi 2013-cü ildə "Azərbaycanda reallaşdırılan dövlət gənclər siyasətinə verdiyi dəstəyə və bu siyasətin təbliğindəki xidmətlərinə görə" Rövşən Tağıyevə fəxri diplom təqdim etmişdir.[8] Tağıyev "cəmiyyətin rifahı üçün göstərdiyi xidmətlərə görə" 2013-cü ildə Şimali Kipr Türk Respublikasında Avropa Qazeteçilər Dərnəyinin keçirdiyi mükafatlandırma mərasimində mükafata layiq görülmüş, həmçinin Azərbaycanda fəxri fərmanlar və mükafatlarla təltif olunmuşdur. Rövşən Tağıyev 30 iyun 2022-ci ildə "Golden People Awards" layihəsində ilin uğurlu iş adamı nominasiyasına layiq görülmüşdür.[3]
İstinadlar
redaktə- ↑ "İşgüzar Səhər Yeməyi "La Maree" – 07.05.2024 – Marsol Group". 2024-07-27 tarixində arxivləşdirilib. İstifadə tarixi: 2024-07-27.
- ↑ ""Buta Sığorta" ilə bağlı qalmaqal böyüyür | Qaynarinfo.az". qaynarinfo.az. 2024-07-27 tarixində arxivləşdirilib. İstifadə tarixi: 2024-07-27.
- ↑ 1 2 3 4 5 6 7 8 "Rövşən Tağıyev ilin uğurlu iş adamı nominasiyası ilə təltif olunub". Metbuat.az. 2024-07-27 tarixində arxivləşdirilib. İstifadə tarixi: 2024-07-27.
- ↑ "Pinti turistlər haqqında videoçarx gündəm oldu". 2021-11-29 tarixində arxivləşdirilib. İstifadə tarixi: 2024-07-27.
- ↑ "Müştərilərimizi hava limanına pulsuz aparırıq - MÜSAHİBƏ".
- ↑ ""Kral Travel" AÇILIŞ ETDİ". Tribunainfo.Az. 22 may 2017. 27 July 2024 tarixində arxivləşdirilib. İstifadə tarixi: 27 July 2024.
- ↑ "İş adamı Qarabağ qazisinə şirkət hədiyyə etdi". -Yeni Sabah-. 14 fev 2019. 2024-07-27 tarixində arxivləşdirilib. İstifadə tarixi: 2024-07-27.
- ↑ ""İslahatçı Gənclər" gənclərin dostlarını bir araya gətirdi". publika.az. 28 yan 2014. 2022-09-08 tarixində arxivləşdirilib. İstifadə tarixi: 2024-07-27.