Rüfət Əliyev

(Rüfət Əliyev (gizir) səhifəsindən istiqamətləndirilmişdir)

Rüfət Füzuli oğlu Əliyev (6 dekabr 1992, Bakı7 noyabr 2020, Zəngilan rayonu) — Dövlət Sərhəd Xidmətinin Çevik Hərbi Dəstəsinin giziri, İkinci Qarabağ müharibəsi şəhidi.

Rüfət Əliyev
Rüfət Füzuli oğlu Əliyev
Şəxsi məlumatlar
Doğum tarixi 6 dekabr 1992(1992-12-06)
Doğum yeri
Vəfat tarixi 7 noyabr 2020(2020-11-07) (27 yaşında)
Vəfat yeri
Dəfn yeri
Vətəndaşlığı
Hərbi fəaliyyəti
Mənsubiyyəti Azərbaycan Azərbaycan Ordusu
Qoşun növü Sərhəd Qoşunları
Xidmət illəri 2020-ci ildən
Rütbəsi Gizir
Döyüşlər İkinci Qarabağ müharibəsi
 • Zəngilanın azad edilməsi
Təltifləri "Döyüşdə fərqlənməyə görə" medalı — 2020 "Zəngilanın azad olunmasına görə" medalı — 2020

Həyatı redaktə

Rüfət Əliyev 1992-ci il dekabrın 6-da Bakıda anadan olub. Xətai rayonu 27 nömrəli tam orta məktəbi bitirib, 2010–2014-cü illərdə ali təhsilini Azərbaycan Kooperasiya Universitetində alıb. Nişanlı idi.

Hərbi xidməti redaktə

Rüfət universiteti bitirdikdən sonra hərbi xidmətə yollanıb. Xidmət müddətində kəşfiyyatçı qrupunda olan Rüfət əsgərliyi bitirdikdən sonra 2015-ci ildə fəxri fərmanla təltif olunub. Öz arzusu ilə Dövlət Sərhəd Xidmətinin Sərhəd Qoşunlarına yazılıb. Avqustun 26-da hazırlıq keçmək üçün Lənkəran, Ağstafa, Daşkəsən istiqamətinə yollanıb.

2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi üçün başlanan İkinci Qarabağ müharibəsində Füzuli rayonu, Hadrut, Cəbrayıl rayonu, Xudafərin, Zəngilan rayonu istiqamətlərində döyüşlərdə iştirak edib. Noyabrın 7-dən 8-nə keçən gecə saat 2-də Ağbənd istiqamətində həlak olmuşdur. Bakıda dəfn olunub.

Təltifləri redaktə

İstinadlar redaktə

  1. "Azərbaycan Silahlı Qüvvələrinin hərbi qulluqçularının "Döyüşdə fərqlənməyə görə" medalı" medalı ilə təltif edilməsi haqqında Azərbaycan Prezidentinin 18.12.2020-ci il tarixli Sərəncamı". 18.12.2020. 2020-12-18 tarixində arxivləşdirilib. İstifadə tarixi: 18.12.2020.
  2. "Azərbaycan Silahlı Qüvvələrinin hərbi qulluqçularının "Zəngilanın azad olunmasına görə" medalı ilə təltif edilməsi haqqında Azərbaycan Prezidentinin 25.12.2020-ci il tarixli Sərəncamı". 25.12.2020. 2021-01-03 tarixində arxivləşdirilib. İstifadə tarixi: 25.12.2020.