Rəhim Qazıyev
Bu məqalədəki məlumatların yoxlanıla bilməsi üçün əlavə mənbələrə ehtiyac var. |
Rəhim Həsən oğlu Qazıyev (17 fevral 1943, Nuxa) — Azərbaycan Respublikasının Müdafiə naziri (1992–1993), Azərbaycan SSR Ali Sovetinin deputatı (1990–1993), 1988-ci ildə başlanan Azərbaycan Milli Azadlıq Hərəkatının fəallarından biri.[2]
| Rəhim Qazıyev | |
|---|---|
 | |
| 17 mart 1992 – 20 fevral 1993[1] | |
| Əvvəlki | Tahir Əliyev |
| Sonrakı | Dadaş Rzayev |
| Şəxsi məlumatlar | |
| Doğum tarixi | 17 fevral 1943 (81 yaş) |
| Doğum yeri | |
| Partiya | |
| Təhsili | |
| Fəaliyyəti | riyaziyyatçı, siyasətçi |
| Atası | Həsən Qazıyev |
| Anası | Libada Qazıyeva |
| Uşaqları |
Sevinc Qazıyeva Aytən Qazıyeva Şəbnəm Qazıyeva |
| Dini | islam |
| Elmi fəaliyyəti | |
| Elmi dərəcəsi |
|
 Vikianbarda əlaqəli mediafayllar | |
Həyatı
redaktəRəhim Qazıyev 17 fevral 1943-cü ildə Azərbaycan SSR-in Şəki şəhərində həkim ailəsində anadan olmuşdur. 1950-ci ildə Şəki şəhər 3 nömrəli orta məktəbin birinci sinfinə daxil olub. 1960-cı ildə həmin məktəbi bitirib. 1961-ci ildə Azərbaycan Dövlət Universitetinin Mexanika-riyaziyyat fakültəsinə daxil olub, 1967-ci ildə həmin fakültəni riyaziyyat müəllimi ixtisası üzrə bitirib.
1968-ci ildə Azərbaycan Politexnik İnstitutunun Ali riyaziyyat kafedrasında əmək fəaliyyətinə başlayıb.[mənbə göstərin]
1975-ildə Politexnik İnstitunun bölünməsi ilə əlaqədar yeni yaranan Azərbaycan İnşaat İnstitutunun "Ali riyaziyyat" kafedrasında elmi-pedaqoji fəaliyyətini davam etdirir. Pedaqoji fəaliyyətinnən ayrılmadan dissertant kimi MDU-nun Mexanika-riyaziyyat fakültəsinin "Qaz və dalğa dinamikası" kafedrasında akademik Xəlil Raxmatulinin rəhbərliyi altında "Deformasiyaya uğramayan bərk cisimlərin mexanikası" ixtisası üzrə elmi tədqiqatlar aparır. 1979-cu ildə akademik Raxmatulinin rəhbərliyi ilə apardığı elmi tədqiqatlar üzrə dissertasiya müdafiə edərək Fizika-riyaziyyat elmləri namizədi, alimlik dərəcəsi alır.[mənbə göstərin]
Ailəsi
redaktəAiləlidir. Sevinc, Aytən və Şəbnəm adlı qızları var.
Siyasi fəaliyyəti
redaktə1988-ci ildə Xalq Hərəkatına qoşulmuş, 1989-cu il iyulun 16-da AXC-nin yaranması ilə əlaqədar keçirilən konfransda AXC-nin ilk idarə heyətinin üzvü seçilmişdir.
1990-cı il Qara Yanvar hadisələri ilə əlaqədar mart 1990-cı ildə SSRİ DTK tərəfindən həbs olunaraq Moskvadakı "Lefortovo" həbsxanasına göndərilmiş, noyabr 1990-cı ildə həbsdən azad edilmişdir.
1990-cı ilin dekabr ayında Azərbaycan SSR Ali Sovetinə deputat seçilmiş, 1993-cü ildə fəaliyyətinə xitam verilmişdir.
1992-ci il martından 1993-cü il fevralına qədər Azərbaycan Respublikasının Müdafiə naziri vəzifəsində çalışmışdır.[2] Fəaliyyəti dövründə Şuşa və Laçın rayonları işğal edilmişdir.[3][4][5]
1993-cü ildə Şuşanın işğalında və vətənə xəyanətdə ittiham edilərək haqqında ölüm hökmü çıxarılıb.[2] Sonradan ölüm cəzası ömürlük həbslə əvəz edilmişdir.[2] 2005-ci ilin dekabrında əfv fərmanı ilə azadlığa buraxılmışdır.[2]
2017-ci ildə 10 günlük inzibati həbs cəzası almışdır.[6]
Rəhim Qazıyev 2020-ci ilin iyulunda Cinayət Məcəlləsinin Dövlət əleyhinə yönələn açıq çağırışlar və Təxribat maddələri ilə başlanılmış cinayət işi üzrə şübhəli şəxs qismində saxlanılmışdır.[7][8] Azərbaycan Respublikası Dövlət Təhlükəsizliyi Xidmətinin və Baş Prokurorluğunun Mətbuat xidmətlərinin yaydığı məlumatda bildirilmişdir ki, "2020-ci il iyulun 12 və 13-də sabiq Müdafiə naziri Rəhim Qazıyevin Azərbaycan-Ermənistan sərhədində düşmənin təxribatları ilə bağlı döyüş əməliyyatlarının aparıldığı və bu barədə Azərbaycan Respublikası Müdafiə Nazirliyi tərəfindən ictimaiyyətə müntəzəm rəsmi məlumatlar verildiyi bir vaxtda məqsədyönlü şəkildə sosial şəbəkələr vasitəsilə hadisələrin mahiyyəti barədə aşkar surətdə həqiqətə uyğun olmayan xəbərlər yayıb Azərbaycan Respublikasının müdafiə qabiliyyətini zəiflətməyə yönələn hərəkətlər edərək, insanları iğtişaşlara, dövlət hakimiyyətini zorla ələ keçirməyə açıq çağırışlar etməklə təxribat törətməsinə əsaslı şübhələr müəyyən olunub."[9][10]
Barəsində 4 ay müddətinə həbs qətimkan tədbiri seçilən Qazıyev, qətimkan tədbirinin müddəti 13 noyabr 2020-ci il tarixinədək müəyyən edildiməklə 4 sentyabrda ev dustaqlığına buraxılmışdır.[11]
Həmçinin bax
redaktəİstinadlar
redaktə- ↑ "R. H. Qazıyevin Azərbaycan Respublikası Baş nazirinin birinci müavini—Azərbaycan Respublikasının müdafiə naziri vəzifəsindən azad edilməsi haqqında Azərbaycan Respublikası Prezidentinin Fərmanı. Bakı şəhəri, 20 fevral 1993-cü il. № 468". 2012-03-15 tarixində orijinalından arxivləşdirilib. İstifadə tarixi: 2011-03-02.
- ↑ 1 2 3 4 5 "Güc strukturlarının həbs olunmuş rəhbərləri". www.azadliq.org. www.azadliq.org. Archived from the original on 2022-03-31. İstifadə tarixi: 21 fevral 2017.
- ↑ ""Mən gərək Şuşada qalaydım, orada da öləydim…"- Rəhim Qazıyev". azinform.az (az.). 23 may 2018. 31 iyul 2021 tarixində arxivləşdirilib. İstifadə tarixi: 31 iyul 2021.
- ↑ ""Rəhim Qazıyev və Elbrus Orucov Şuşa və Laçının işğalında ciddi rol oynadılar"". teref.az (az.). 24.05.2019. 2022-03-28 tarixində arxivləşdirilib. İstifadə tarixi: 31 iyul 2021.
- ↑ "Laçının işğalını yetişdirən gizli və açıq təxribatlar – Arif Paşa" (az.). Həftə içi. 17 may 2014. 13 September 2019 tarixində arxivləşdirilib. İstifadə tarixi: 31 iyul 2021.
- ↑ APA TV. "Rəhim Qazıyev həbs edildi" (az.). Youtube.com. 26.12.2017. 2022-03-28 tarixində arxivləşdirilib. İstifadə tarixi: 2017-12-26.
- ↑ "DTX-nın həbs etdiyi Rəhim Qazıyev kimlərin maşası imiş?". pia.az (az.). Poliqon İnformasiya Agentliyi. 15.07.2020. 2022-03-28 tarixində arxivləşdirilib. İstifadə tarixi: 18 avqust 2021.
- ↑ "DTX: Dövlət əleyhinə yönələn açıq çağırışlar etməkdə şübhəli bilinən sabiq Müdafiə naziri Rəhim Qazıyev saxlanılıb". xalqqazeti.com (az.). Xalq qəzeti. 2022-03-28 tarixində arxivləşdirilib. İstifadə tarixi: 18 avqust 2021.
- ↑ "DTX: Dövlət əleyhinə yönələn açıq çağırışlar etməkdə şübhəli bilinən sabiq Müdafiə naziri Rəhim Qazıyev saxlanılıb". azertag.az (az.). Azərbaycan Dövlət İnformasiya Agentliyi. 13.07.2020. 2022-08-19 tarixində arxivləşdirilib. İstifadə tarixi: 18 avqust 2021.
- ↑ "DTX Rəhim Qazıyevi saxlayıb, cinayət işi açılıb". arqument.az (az.). 13.07.2020. 2022-04-07 tarixində arxivləşdirilib. İstifadə tarixi: 18 avqust 2021.
- ↑ "DTX-nın saxladığı Rəhim Qazıyev ev dustaqlığına buraxıldı". yeniavaz.com (az.). 4 sentyabr 2020. 2022-03-28 tarixində arxivləşdirilib. İstifadə tarixi: 18 avqust 2021.