Rafael Qualatsi

Rafael Qualatsi (it. Raphael Gualazzi; 11 noyabr 1981, Urbino^[d], Marke) — italyan pianoçu və müğənni.

Rafael Qualatsi
Raffaele Gualazzi
Ümumi məlumatlar
Doğum adı	Raffaele Gualazzi
Ləqəbi	Raphael Gualazzi
Doğum tarixi	11 noyabr 1981
Doğum yeri	Urbino, Marke, İtaliya
Vətəndaşlığı	İtaliya
Milliyyəti	italyan
Musiqiçi məlumatları
Fəaliyyəti	müğənni, pianoçu, cazmen, müğənni-mahnı yazarı, səsyazma sənətçisi[d]
Fəaliyyət illəri	2005-ci ildən
Janrlar	soul, caz
Musiqi aləti	piano
Albom şirkətləri	Sugar Music, Baobab Music
raphaelgualazzi.com
Vikianbarda əlaqəli mediafayllar

Həyatı

Rafael Qualatsi 11 noyabr 1981-ci ildə İtaliyanın Urbino şəhərində dünyaya gəlib. O,"Anonima Sound" qrupunun qurucularından biri olan Velio Qualatsinin oğludur.

Karyera

2011-ci ildə Qualatsi "Follia d'amore" mahnısı ilə Sanremo Festivalında debüt edərək, "Gənclər" kateqoriyasının qalibi olur və 2011 Avroviziya Mahnı Müsabiqəsində ta 1997-ci ildən iştirak etməyən İtaliyanın təmsilçisi təyin olunur. 10, 12 və 14 may 2011-ci il tarixlərində Almaniyanın Düsseldorf şəhərində keçirilən bu beynəlxalq tədbirdə ifaçı "Follia d'amore" mahnısının italyan və ingilis versiyası olan "Madness of Love" ilə yalnız Azərbaycan qaliblərindən geri qalaraq 189 balla ikinci yeri qazanır. Müğənni 2013-cü ildə yenidən Sanremo Festivalına qatılır və bu dəfə o müəllifi özü olduğu "Sai (ci basta un sogno)" mahnısını təqdim edir. Finalda mahnı 5-ci yerə layiq görülür. 2014-cü ildə Rafael Sanremo Festivalında "The Bloody Beetroots"la birlikdə "Liberi o no" və "Tanto ci sei" mahnıları ilə iştirak edir. Onlar “Liberi o no” mahnısı ilə finalda ikinci yerə yüksəlirlər. 2020-ci ildə isə dördüncü dəfə Sanremo Festivalında çıxış edərək müğənni "Carioca" mahnısı ilə 11-ci yerdə qərarlaşır.

Albomlar

• 2005 – Love Outside the Window
• 2011 – Reality and Fantasy
• 2013 – Happy Mistake
• 2016 – Love Life Peace
• 2020 – Ho un piano
• 2022 – Bar del sole