Vikipediya

Ramiz Bayramov

Ramiz Bəxtiyar oğlu Bayramov (21 fevral 1970-ci il, Zərkənd kəndi, Vardenis rayonu (Basarkeçər rayonu), Ermənistan SSR, SSRİ) — Azərbaycan Tibb Universitetinin Onkologiya kafedrasının professoru, tibb elmləri doktoru, qastrointestinal cərrah-onkoloq, Azərbaycan Tibb Universitetinin Onkoloji Klinikasının Torakoabdominal şöbəsinin rəhbəri.[1]

Ramiz Bayramov
Ramiz Bəxtiyar oğlu Bayramov
Azərbaycan Tibb Universitetinin Professoru
Azərbaycan Tibb Universitetinin Professoru
Doğum tarixi (54 yaş)
Doğum yeri Zərkənd
Vardenis rayonu (Basarkeçər rayonu)
Ermənistan SSR
SSRİ
Vətəndaşlığı SSRİ SSRİ→
Azərbaycan Azərbaycan
Elm sahəsi tibb
Elmi dərəcəsi tibb elmləri doktoru
Elmi adı professor
İş yeri Azərbaycan Tibb Universiteti
Təhsili
Elmi rəhbəri Akademik Əhliman Əmiraslanov

Həyatı

redaktə

Bayramov Ramiz Bəxtiyar oğlu 1970-ci ildə Basarkeçər rayonunun Zərkənd kəndində dünyaya gəlib.[2] 1986-cı ildə Ermənistan SSR Vardenis rayonu Zərkənd orta məktəbini əla qiymətlərlə bitirərək 1987-ci ildə Nəriman Nərimanov adına Azərbaycan Dövlət Tibb İnstitutunun müalicə-profilaktika fakültəsinə daxil olmuşdur. 1988-1989-cu illdərdə Sovet Ordusu sıralarında hərbi xidmətdə olmuşdur. Azərbaycan Tibb Universitetini Mustafa Topçubaşov adına təqaüdlə oxumuş və 1994-cü ildə qeyd edilən universiteti fərqlənmə diplomu ilə bitirmişdir. 1996-cı ildə Azərbaycan Tibb Universitetinin Onkologiya kafedrasında klinik ordinaturanı, 2000-ci ildə Azərbaycan Tibb Universitetinin Onkologiya kafedrasında aspiranturanı bitirmişdir.

2000-2007-ci illərdə Azərbaycan Tibb Universitetinin Onkologiya kafedrasında assistent, 2007-2014-cü illərdə Azərbaycan Tibb Universitetinin Onkologiya kafedrasında dosent kimi fəaliyyət göstərmiş, 2007-ci ildən etibarən Azərbaycan Tibb Universitetinin Onkoloji Klinikasının torakoabdominal şöbəsinin rəhbəri və 2014-cü ildən etibarən Azərbaycan Tibb Universitetinin Onkologiya kafedrasında professor vəzifəsində çalışır.

1996 -1997-ci illərdə İstanbul Universiteti İstanbul Tibb Fakültəsinin Hepatopankreatobiliar Cərrahiyyə Mərkəzində ixtisaslaşma, 2003-cü ildə N.N.Bloxin adına Rusiya Onkoloji Elmi Mərkəzinin Torakoabdominal şöbəsində ixtisaslaşma, 2013-cü idə İtaliyanın Roma şəhərində Università Cattolica del Sacro Cuore nəzdindəki A.Gemelli Hospitalında Avropa Cərrahi Onkologiya Cəmiyyətinin (ESSO) mütəxəssislər üçün təşkil etdiyi "Üst Gastrointestinal Cərrahi Onkologiyada Minimal İnvaziv Cərrahiyyəyə" dair dərinləşdirilmiş ixtisaslaşma kursu, 2014-cü ildə Koreyanın Seul şəhərində Yonsei Universitetinin Yonsei Onkoloji Mərkəzində mədə xərçənginə görə laparoskopik və robotik cərrahiyyəyə dair tam ixtisaslaşma kursu, 2014-cü ildə Almaniyanın Köln Universitetində Visseral və Onkoloji Cərrahiyyə Mərkəzində qida borusu və kardioezofageal xərçəngin laparoskopik cərrahi müalicəsinə dair ixtisaslaşma keçmişdir.

Elmi və cərrahi fəaliyyəti

redaktə

2000-ci ildə "Düz və çənbər bağırsaq karsinoidlərinin diaqnostikası, müalicəsi və proqnozu" mövzusunda tibb elmləri namizədliyinə iddia olunan dissertasiyasını, 2011-ci ildə "Mədəaltı vəzi xərçənginin müayinə və müalicə prinsiplərinin optimallaşdırılması" mövzusunda tibb elmləri doktorluğuna iddia olunan dissertasiyasını uğurla müdafiə etmişdir. Avropanın, Böyük Britaniyanın, Amerikanın, Asiyanın, MDB ölkələrinin və Azərbaycanın elmi-tibbi jurnallarında mədə-bağırsaq sisteminin xoş və bədxassəli şişlərinə həsr edilmiş 110-dan çox elmi məqalələri dərc edilmişdir. Müvafiq mütəxəsisilər və Azərbaycan Tibb Universitetinin tələbələri üçün nəzərdə tutulmuş "Abdominal Onkologiya" (320 səh.), "Факторы и заболевания, способствующие развитию злокачественных опухолей" (552 səh.), Azərbaycan Tibb Universitetinin tələbələri üçün nəzərdə tutulmuş "Onkologiya" (168 səh.) və ingilis bölməsinin tələbələri üçün nəzərdə tutulmuş "Textbook of Oncology" (712 səh.) kitablarının müəllifidir.

R.B.Bayramov dəfələrlə ölkədaxili elmi konfranslara, MDB ölkələri onkoloqlarının və radioloqlarının IV qurultayına (Bakı, 2006), Türkdilli Ölkələr və Türk toplumlarının I Tibb Konqresinə (Bakı, 2011), Qastrointestinal Onkologiyaya dair ESMO-nun 14-cü Dünya Konqresinə (Barselona, İspaniya, 2012), Qastrointestinal Onkologiyaya dair ESMO-nun 15-ci Dünya Konqresinə (Barselona, İspaniya, 2013), Qastrointestinal Onkologiyaya dair ESMO-nun 16-cı Dünya Konqresinə (Barselona, İspaniya, 2014) və ESSO-nun Cərrahi Onkologiyaya dair 34-cü Dünya Kongresinə (Liverpul, Böyük Britaniya, 2014), Qastrointestinal Onkologiyaya dair ESMO-nun 17-ci Dünya Konqresinə (Barselona, İspaniya, 2015), 18-ci ECCO - 40-cı ESSO Bədxassəli Şişlərə dair Avropa Konqresinə (Vyana, Avstriya, 2015), Qastrointestinal Onkologiyaya dair ESMO-nun 18-ci Dünya Konqresinə (Barselona, İspaniya, 2016), Qastrointestinal Onkologiyaya dair ESMO-nun 19-ci Dünya Konqresinə (Barselona, İspaniya, 2017) cıxış üçün dəvətlər almış və qeyd edilən konqreslərdə həzm sistemi üzvlərinin onkoloji xəstəliklərinin cərrahi müalicəsinə dair elmi məruzələr etmişdir.

Cərrahi fəaliyyət sahəsinə qida borusunun, mədənin, qaraciyərin, öd yollarının, mədəaltı vəzin, onikibarmaq bağırsağın, nazik bağırsağın, yoğun və düz bağırsağın onkoloji xəstəliklərinə, peritonarxası sahə şişlərinə görə bütün radikal cərrahi əməliyyatlar daxildir. Pankreatoduodenal zona üzvlərinin şişlərinə görə aparılan radikal cərrahi əməliyyatlar olan pankreatoduodenal rezeksiya və papillosfinkterektomiya əməliyyatları respublikamızda ilk dəfə uğurlu və müntəzəm şəkildə Ramiz Bayramov tərəfindən icra edilmişdir.

Elmi yenilikləri

redaktə
 
Ramiz Bayramov ESSO-nun Cərrahi Onkologiyaya dair 34-cü Dünya Kongresində çıxış edərkən, Liverpul, Böyük Britaniya, 2014.

Qida borusu, mədə, mədəaltı vəzi, yoğun və düz bağırsaq xərçəngi olan xəstələrin radikal cərrahi müalicəsinin nəticələrinin yaxşılaşdırılmasına dair əldə etdiyi nailiyyətlər təkcə ölkədaxili deyil, Avropanın, Asiyanın və MDB şlkələrinin bir çox aparıcı elmi-tibbi jurnallarında müntəzəm olaraq dərc edilmişdir. Onkologiyada bir sıra qaranlıq məqamlara aydınlıq gətirən erkən mədə xərçəngi proporsiyası effekti fenomenini irəli sürmüş və həmin ideyanın müəllifi kimi Qastrointestinal Onkologiyaya dair ESMO-nun 14-cü Dünya Konqresinə (Barselona, İspaniya, 2012) və ESSO-nun Cərrahi Onkologiyaya dair 34-cü Dünya Kongresinə (Liverpul, Böyük Britaniya, 2014 ) məruzə etmək üçün dəvət edilmiş və qeyd edilən konqreslərdə göstərilən fenomenin elmi əhəmiyyətinə dair çıxışlar etmişdir.[3],[4],[5],[6],[7]

Beynəlxalq elmi fəaliyyəti

redaktə

R.B.Bayramov Avropa Medikal Onkologiya Cəmiyyətinin (ESMO), Avropa Digestiv Onkologiya Cəmiyyətinin (ESDO), Avropa Cərrahi Onkologiya Cəmiyyətinin (ESSO) tam hüquqlu üzvüdür.[1] Rus, ingilis, ispan, alman dillərində sərbəst danışır.[1] İngilis dilli beynəlxalq elmi-onkologiya jurnalları olan "Acta Scientific Cancer Biology", "Sisla Medical Cancer & Oncology", "Journal of Oncology Researchs Review and Reports" və "Cancer Research and Cell Development" jurnallarının Redaktorlar Şurasının (Editorial Board) üzvüdür.[8],[9],[10], [11] Ramiz Bayramov, həmçinin, elmi jurnalların keyfiyyətlərinin indeksləşdirilməsi beynəlxalq agentliyinin - "ABCD index" agentliyinin ekspertidir. [12] Böyük Britaniyanın İntechOpen nəşriyyatının təşkilatçılığı və sifarişi ilə beynəlxaql ekspert qrupunun 2022-ci ildə hazırladığı "Lymphoma" kitabının "Primary gastrointestinal lymphoma" fəsli nəşriyyatın xahişi ilə R.B.Bayramov tərəfindən yazılmışdır. [13]

İstinadlar

redaktə
  1. ↑ 1 2 3 "Arxivlənmiş surət". 2013-11-27 tarixində orijinalından arxivləşdirilib. İstifadə tarixi: 2014-12-28.
  2. ↑ Tacir Səmimi, Qurban Göyçəli. Zərkənd. Bakı, "AKE NPM", 2013.
  3. ↑ "Arxivlənmiş surət". 2016-03-05 tarixində arxivləşdirilib. İstifadə tarixi: 2014-12-28.
  4. ↑ "Arxivlənmiş surət". 2016-03-04 tarixində arxivləşdirilib. İstifadə tarixi: 2014-12-28.
  5. ↑ "Arxivlənmiş surət". 2014-10-25 tarixində orijinalından arxivləşdirilib. İstifadə tarixi: 2014-12-28.
  6. ↑ "Arxivlənmiş surət". 2014-10-25 tarixində orijinalından arxivləşdirilib. İstifadə tarixi: 2014-12-28.
  7. ↑ "Arxivlənmiş surət". 2016-03-04 tarixində arxivləşdirilib. İstifadə tarixi: 2014-12-28.
  8. ↑ "Arxivlənmiş surət". 2022-08-10 tarixində arxivləşdirilib. İstifadə tarixi: 2021-02-14.
  9. ↑ "Arxivlənmiş surət". 2022-01-16 tarixində arxivləşdirilib. İstifadə tarixi: 2021-02-14.
  10. ↑ https://www.onlinescientificresearch.com/journal-of-oncology-research-review-reports-editorial-board-jorrr.php
  11. ↑ "Arxivlənmiş surət". 2022-12-14 tarixində arxivləşdirilib. İstifadə tarixi: 2022-12-14.
  12. ↑ "Arxivlənmiş surət". 2022-12-14 tarixində arxivləşdirilib. İstifadə tarixi: 2022-12-14.
  13. ↑ https://www.intechopen.com/books/10790/
Mənbə — "https://az.wikipedia.org/w/index.php?title=Ramiz_Bayramov&oldid=7057654"