Vikipediya

Rasim Əliquliyev

Azərbaycanlı texnika elmləri doktoru

Rasim Məhəmməd oğlu Əliquliyev (20 yanvar 1958, Bərdə rayonu) — texnika elmləri doktoru, professor, Azərbaycan Milli Elmlər Akademiyasının (AMEA) həqiqi üzvü.[2] AMEA-nın vitse-prezidenti, İnformasiya Texnologiyaları İnstitutunun baş direktoru.

Rasim Əliquliyev
Doğum tarixi 20 yanvar 1958(1958-01-20) (65 yaş)
Doğum yeri
Vətəndaşlığı
Elm sahələri informasiya texnologiyaları, süni intellekt, İnformasiya təhlükəsizliyi
Elmi dərəcəsi
Elmi adı professor
İş yerləri AMEA-nın Rəyasət Heyəti Mərkəzi Aparatı,[1] İnformasiya Texnologiyaları İnstitutu.
Təhsili
Üzvlüyü
Mükafatları "Tərəqqi" medalı — 2009, "Azərbaycan Xalq Cümhuriyyətinin 100 illiyi (1918–2018)" yubiley medalı
Vikianbarın loqosu Vikianbarda əlaqəli mediafayllar

Həyatı Redaktə

Rasim Məhəmməd oğlu Əliquliyev 20 yanvar 1958-ci ildə Azərbaycan Respublikası Bərdə rayonunda anadan olmuşdur.

1979-cu ildə Ç. İldırım adına Azərbaycan Politexnik İnstitutunun (indiki Azərbaycan Texniki Universiteti) "Avtomatika və hesablama texnikası" fakültəsini "Elektron hesablama maşınları" ixtisası üzrə bitirmişdir.

1983–1986-cı ildə Azərbaycan Elmlər Akademiyasının (AEA) Kibernetika İnstitutunda (indiki İdarəetmə Sistemləri İnstitutu) "avtomatlaşdırılmış idarəetmə sistemləri" ixtisası üzrə aspiranturada təhsil аlmışdır.

1979–1986-cı illərdə Azərbaycan Elmlər Akademiyasının Kibernetika İnstitutunda mühəndis, böyük mühəndis, komsomol katibi vəzifələrində çalışmışdır.

1986-cı ildə AEA Avtomatlaşdırılmış İdarəetmə Sistemləri (AİS) Şöbəsinə köçürülmüşdür.

1986–2001-ci illərdə AEA AİS Şöbəsində (1997-ci ildə AİS şöbəsinin əsasında İnformasiya-Telekommunikasiya Elmi Mərkəzi təşkil olunmuşdur) böyük mühəndis, aparıcı mühəndis, "Respublika hesablama mərkəzləri və verilənlərin ötürülməsi şəbəkəsi" layihəsinin baş mühəndisi, təşkilatın baş mühəndisi – direktor müavini vəzifələrində işləmişdir.

2002-ci ildən AMEA İnformasiya Texnologiyaları İnstitutunun (institut 2002-ci ildə İnformasiya-Telekommunikasiya Elmi Mərkəzinin əsasında yaradılmışdır) direktorudur. Texnika elmləri doktoru, professor, AMEA-nın həqiqi üzvüdür (akademikdir).

2013–2019-cu illərdə AMEA-nın akademik-katibi işləmişdir.

2019-cu ildə AMEA-nın vitse-prezidenti seçilmişdir.[3]

Azərbaycan Respublikası Prezidentinin fərmanı ilə 2009-cu ildə "Tərəqqi" medalı ilə təltif olunmuşdur[4].

2019-cu ildə "Azərbaycan Xalq Cümhuriyyətinin 100 illiyi (1918-2018)" yubiley medalı ilə təltif edilmişdir[5].

Ailəlidir: 1 qızı və 1 oğlu var.

Elmi fəaliyyəti Redaktə

  • 2002–2020-ci illərdə AMEA İnformasiya Texnologiyaları İnstitutunun direktoru işləmişdir.
  • 2021-ci ildən AMEA İnformasiya Texnologiyaları İnstitutunun baş direktorudur.[6]
  • 2007-ci ildə "İnformatika" ixtisası üzrə AMEA-nın müxbir üzvü seçilmişdir.
  • 2014-cü ildə "İnformatika" ixtisası üzrə AMEA-nın həqiqi üzvü (akademik) seçilmişdir.
  • 2013–2019-cu illərdə AMEA-nın akademik-katibi işləmişdir.
  • 2019-cu ildə AMEA-nın vitse-prezidenti seçilmişdir.[3]
  • Azərbaycan Respublikası Elmi Tədqiqatların Əlaqələndirilməsi Şurasının Fizika-riyaziyyat və texnika elmləri üzrə problem şurasının sədridir.
  • Rəhbərliyi altında 4 elmlər doktoru, 31 fəlsəfə doktoru hazırlanmışdır. Hazırda 8 elmlər doktoru, 12 fəlsəfə doktoru hazırlığı üzrə doktorant və dissertantların elmi məsləhətçisi və rəhbəridir.
  • 2021 [7] və 2022[8]-ci illərdə ABŞ-nin Stanford Universiteti və Niderlandın “Elsevier” nəşriyyatı tərəfindən hazırlanmış dünyanın ən nüfuzlu 2% alimlərinin reytinq qiymətləndirmə siyahısına seçilib.

Elmi-ekspertiza fəaliyyəti Redaktə

Jurnalların redaksiya heyətində üzvlük:

  • Applied and Computational Mathematics[9]
  • CAAI Transactions on Intelligence Technology[10]
  • Телекоммуникации[11]
  • Безопасность цифровых технологий[12]
  • Informatics and Control Problems[13]
  • İnformasiya Texnologiyaları Problemləri[14]
  • İnformasiya Cəmiyyəti Problemləri[15]

AMEA İnformasiya Texnologiyaları İnstitutunun nəzdində fəaliyyət göstərən dissertasiya şurasının sədridir.

İctimai-siyasi fəaliyyəti Redaktə

Azərbaycan Milli Ensiklopediyasının redaksiya heyətinin üzvüdür. Dünya Azərbaycanlılarının III Qurultayında Dünya Azərbaycanlılarının Əlaqələndirmə Şurasının üzvü seçilmişdir. Azərbaycan Respublikasının "İnformasiya Təhlükəsizliyi üzrə Koordinasiya Komissiyası"nın üzvüdür.

Rasim Əliquliyev Yeni Azərbaycan Partiyasının üzvüdür.

Elmi əsərlərinə istinadlar:

    - Google Scholar [16]
    - Scopus [17]

İstinadlar Redaktə

  1. ↑ "Rəyasət Heyəti Mərkəzi Aparatı, Əliquliyev Rasim Məhəmməd oğlu". 2017-12-28 tarixində arxivləşdirilib. İstifadə tarixi: 2018-01-25.
  2. ↑ "Rəyasət Heyəti Mərkəzi Aparatı". 2017-12-28 tarixində arxivləşdirilib. İstifadə tarixi: 2018-01-25.
  3. ↑ 1 2 "Akademik Rasim Əliquliyev AMEA-nın vitse-prezidenti seçilib". 2022-03-28 tarixində arxivləşdirilib. İstifadə tarixi: 2022-03-28.
  4. ↑ "Azərbaycan Respublikasında rabitə və informasiya texnologiyaları sahəsində səmərəli fəaliyyətlərinə görə təltif olunanlar". 2022-03-28 tarixində arxivləşdirilib. İstifadə tarixi: 2022-02-16.
  5. ↑ "Akademik Rasim Əliquliyevə "Azərbaycan Xalq Cümhuriyyətinin 100 illiyi (1918–2018)" yubiley medalı təqdim olunub". 2022-03-28 tarixində arxivləşdirilib. İstifadə tarixi: 2022-02-16.
  6. ↑ Akademik Rasim Əliquliyev AMEA-nın İnformasiya Texnologiyaları İnstitutunun baş direktoru seçilib
  7. ↑ "World's Top 2% Scientists by Stanford University in 2021". 2022-02-21 tarixində arxivləşdirilib. İstifadə tarixi: 2022-03-31.
  8. ↑ ""World's Top 2% Scientists by Stanford University in 2022"". 2022-11-18 tarixində arxivləşdirilib. İstifadə tarixi: 2022-11-16.
  9. ↑ "Applied and Computational Mathematics An International Journal". 2022-02-16 tarixində arxivləşdirilib. İstifadə tarixi: 2022-02-16.
  10. ↑ "IET Digital Library". 2022-02-17 tarixində arxivləşdirilib. İstifadə tarixi: 2022-02-16.
  11. ↑ "Издательство "Наука и Технологии"". 2022-02-16 tarixində arxivləşdirilib. İstifadə tarixi: 2022-02-16.
  12. ↑ "Безопасность цифровых технологий". 2022-02-16 tarixində arxivləşdirilib. İstifadə tarixi: 2022-02-16.
  13. ↑ "Informatics and Control Problems". 2022-02-16 tarixində arxivləşdirilib. İstifadə tarixi: 2022-02-16.
  14. ↑ "İnformasiya Texnologiyaları Problemləri". 2022-02-16 tarixində arxivləşdirilib. İstifadə tarixi: 2022-02-16.
  15. ↑ "İnformasiya Cəmiyyəti Problemləri". 2022-02-16 tarixində arxivləşdirilib. İstifadə tarixi: 2022-02-16.
  16. ↑ "Google Scholar". 2022-02-16 tarixində arxivləşdirilib. İstifadə tarixi: 2022-02-16.
  17. ↑ Alguliyev, Rasim M.

Xarici keçidlər Redaktə

Mənbə — "https://az.wikipedia.org/w/index.php?title=Rasim_Əliquliyev&oldid=7025576"