Rasim Gənzəli
Rasim Gənzəli (tam adı: Rasim Qulu oğlu Məmmədli; 9 fevral 1962, Gənzə, Ordubad rayonu – 12 avqust 2018, Bakı) — Azərbaycan yazıçısı[1], jurnalisti, Azərbaycan Yazıçılar Birliyinin üzvü[2], Milli Dirçəliş Hərəkatı Partiyasının sədrinin humanitar məsələlər üzrə müşaviri[3], “Beynəlxalq Əlillər Cəmiyyəti”nin İdarə Heyəti üzvü[4]
| Rasim Gənzəli | |
|---|---|
| Rasim Qulu oğlu Məmmədli | |
 Rasim Gənzəli 2016-cı ildə. | |
| Doğum tarixi | 9 fevral 1962 |
| Doğum yeri | |
| Vəfat tarixi | 12 avqust 2018 (56 yaşında) |
| Vəfat yeri | |
| Təhsili | |
Bioqrafiya
redaktəRasim Qulu oğlu Məmmədli 9 fevral 1962-ci ildə Naxçıvan MSSR-nin Ordubad rayonunun Gənzə kəndində anadan olmuşdur.[5] Uşaqlıqdan əlildir, yeriyə bilmir. Evdə fərdi surətdə orta, daha sonra isə ali təhsil almışdır. Naxçıvan Dövlət Universitetinin tarix-filologiya fakultəsinin kitabxanaçılıq və biblioqrafiya ixtisasını bitirmişdir.[6]
Gənc yaşlarından publisistik və bədii yaradıcılıqla məşğul olmuşdur. Ordubadda çap olunan "Yeni Ordubad" və "El həyatı" qəzetlərində ştatdankənar müxbir kimi fəaliyyət göstərib. 2001-ci ildən Azərbaycan Yazıçılar Birliyinin üzvüdür.[5][6]
Bütün kitablarının adları “Q” hərfi ilə başlayır. Səbəbini özündən soruşduqda belə cavab verib: “İki kitabım nəşr olunmuşdu. Bir gün qardaşım qızı gəldi ki, əmi, bəs fikir vermisənmi, sənin kitablarının adı “Q” hərfi ilə başlayır? Doğrusu, özüm diqqət etməmişdim. O gündən sonra yazdığım kitablarıma “Q” hərfi ilə başlayan adlar seçdim”.[7]
2012-ci ildə Bakıda Mahmud Allahmanlının "Elm və təhsil" nəşriyyatında Rasim Gənzəlinin yaradıcılığının təhlil olunduğu, hekayələrinin, povestlərinin, romanlarının mövzu istiqamətləri, problematikası elmi-nəzəri şərh edildiyi "Rasim Gənzəlinin bədii nəsri" əsəri çap edilib.[8]
2018-ci ilin fevral ayında Azərbaycan Yazıçılar Birliyinin Natəvan klubunda yazıçı-publisist Rasim Gənzəlinin 55 illiyi münasibətilə tədbir keçirilib. Görüşdə həmçinin oxuculara yazıçının yenicə çapdan çıxmış “Qərib gecələr” kitabı da təqdim olunub.[9]
Respublikanın dövri mətbuatında 600-ə yaxın məqalə və publisistik yazıları dərc olunub.
"Ədəbiyyat sahəsində xidmətlərinə görə Prezident mükafatı"[2], "Qızıl qələm", "Vətən", "Yaddaş"[10], "Türk ədəbiyyatına xidmət", BMT-nin ədəbiyyat üzrə Avropa ordeni ilə təltif edilmişdir.[5][6]
12 avqust 2018-ci ildə Bakı şəhərində vəfat etmişdir.[11][12]
Ailəli idi. Həyat yoldaşı olmuş Kamilə Dönməz də şairədir, Azərbaycan Yazıçılar Birliyinin üzvüdür.[5][6]
Kitabları
redaktə
- 1. “Qanlı çay”. Povest və hekayələr. Bakı. Gənclik nəşriyyatı. 1999-cu il.
- 2. “Qara sevda”. Roman. Bakı. Gənclik nəşriyyatı. 2000-ci il.
- 3. “Qurdlar və manqurtlar”. Roman. Bakı. “Adiloğlu” nəşriyyatı. 2004-cü il.
- 4. “Qaranlıq gündüzlər”. Povest və hekayələr. Bakı. “Vektor” nəşrlər evi. 2005-ci il.
- 5. “Qəlbi asiman kimi”. Publisistika. Bakı. “Qanun” nəşriyyatı. 2007-ci il.
- 6. “Qalib gələn adam”. Publisistika. Bakı. “Vektor” nəşrlər evi. 2008-ci il.
- 7. “Qiyamət qopanda...”. Roman. Bakı. “Vektor” nəşrlər evi. 2010-cu il.[13]
- 8. “Qərib gecələr”[9]
- 9. "Qurdbəşər"
İstinadlar
redaktə- ↑ "Azərbaycan yazıçıları" (az.). aztc.gov.az. 2018-04-21 tarixində arxivləşdirilib. İstifadə tarixi: 2018-12-03.
- ↑ 1 2 "3 Dekabr - Beynəlxalq Əlillər Günü ilə bağlı tədbir keçirilib" (az.). science.az. 2017-12-05. 2018-11-13 tarixində arxivləşdirilib. İstifadə tarixi: 2018-12-03.
- ↑ Fərəc Quliyev. "Fərəc Quliyev Rasim Gənzəlinin vəfatı ilə bağlı başsağlığı verdi". davam.az. 2018-08-13. 2018-09-13 tarixində arxivləşdirilib. İstifadə tarixi: 2018-12-03.
- ↑ ""Beynəlxalq Əlillər Cəmiyyəti"nin üzvləri MUĞAM-2017-nin yekun konsertində" (az.). mys.gov.az. 2017-06-13. 2017-06-20 tarixində orijinalından arxivləşdirilib. İstifadə tarixi: 2018-11-13.
- ↑ 1 2 3 4 Xəyalə Məmmədova. ""Mən 14 yaşıma qədər dizlərim üstündə yerimişəm, ayaqlarım..."" (az.). metbuat.az. 2017-04-22. 2017-08-14 tarixində arxivləşdirilib. İstifadə tarixi: 2018-12-02.
- ↑ 1 2 3 4 "RASİM GƏNZƏLİ" (az.). qartal.org. 2017-03-20 tarixində arxivləşdirilib. İstifadə tarixi: 2018-12-02.
- ↑ Nigar İsfəndiyarqızı. ""...bəxtimə yazılmışdı"" (az.). kaspi.az. 2013-08-28. 2018-12-02 tarixində arxivləşdirilib. İstifadə tarixi: 2018-12-03.
- ↑ Mahmud Allahmanlı, Rasim Gənzəlinin bədii nəsri[ölü keçid], Bakı, "Elm və təhsil", 2012, 188 səh.
- ↑ 1 2 Qiymət Məhərrəmli. "Əbədiləşən ədəbi sima–RASİM GƏNZƏLİ" (az.). edebiyyat-az.com. 2017-02-16. 2017-02-18 tarixində arxivləşdirilib. İstifadə tarixi: 2018-12-05.
- ↑ "YAZIÇILAR BİRLİYİNİN MÜKAFATLARI TƏQDİM OLUNMUŞDUR" (az.). azertag.az. 2003-12-04. 2018-12-02 tarixində arxivləşdirilib. İstifadə tarixi: 2018-12-03.
- ↑ Səbinə Kərimova. ""Beynəlxalq Əlillər Cəmiyyəti"nə ağır itki üz verdi" (az.). sosialxeber.az. 2018-08-13. 2018-10-16 tarixində orijinalından arxivləşdirilib. İstifadə tarixi: 2018-12-03.
- ↑ ""Köçdü özünün əbədi diyarına..." - Aybəniz Haşımova bu xəbərlə sarsıldı - FOTO" (az.). shefeq.az. 2018-08-14. 2018-12-02 tarixində arxivləşdirilib. İstifadə tarixi: 2018-12-03.
- ↑ "Qiyamət qopanda... (roman)" (az.). kitabklubu.org. 2018-02-25 tarixində arxivləşdirilib. İstifadə tarixi: 2018-12-05.
Xarici keçidlər
redaktə- Rasim Gənzəli — Instagram səhifəsi
- İsmayıl Həkimli (Padaroğlu). "Dağ vüqarlı insan - Rasim Gənzəli 55" (az.). qaziler.az. 2017-02-18. 2018-12-05 tarixində arxivləşdirilib. İstifadə tarixi: 2018-12-05.