Raul Piriyev

Raul Zabid oğlu Piriyev (4 iyun 1997; Kür, Şəmkir rayonu, Azərbaycan — 5 oktyabr 2020; Cəbrayıl rayonu, Azərbaycan) — Azərbaycan Xüsusi Təyinatlı Qüvvələrinin əsgəri, İkinci Qarabağ müharibəsinin şəhidi.

Raul Piriyev
Şəxsi məlumatlar
Doğum tarixi	4 iyun 1997
Doğum yeri	Kür, Şəmkir rayonu, Azərbaycan
Vəfat tarixi	5 oktyabr 2020 (23 yaşında)
Vəfat yeri	Cəbrayıl rayonu, Azərbaycan
Dəfn yeri	Maştağa, Sabunçu rayonu, Azərbaycan
Vətəndaşlığı	Azərbaycan
Atası	Zabid Piriyev
Təhsili	Azərbaycan Texniki Universiteti
Hərbi fəaliyyəti
Mənsubiyyəti	Azərbaycan Ordusu
Qoşun növü	Xüsusi Təyinatlı Qüvvələr
Xidmət illəri	2019—2020
Rütbə	Əsgər
Vəzifəsi	pulemyotçu
Döyüşlər	İkinci Qarabağ müharibəsi  • Murovdağ döyüşləri  • Füzulinin azad edilməsi  • Cəbrayılın azad edilməsi
Təltifləri	Şablon:"Azərbaycan Bayrağı ordeni

Piriyev Raul Zabid oğlu 04.06.1997-ci ildə Şəmkir rayon Kür qəsəbəsində anadan olmuşdur.

2003-cü ildə Şəmkir rayon ,Kür qəsəbəsi  H.Z.Tağıyev adına 2 saylı tam orta məktəbin birinci sinifinə qəbul olub.

2006-cı ildə Bakı şəhər Sabunçu rayonu F.Bayramov  adına  22 saylı tam orta məktəbin üçüncü sinifində təhsilini davam etdirib .

2015- ci ilin may ayında orta məktəbi bitirərək  AZTU- nin (Azərbaycan Texniki  Universiteti ) "Dəmiryol Nəqiliyyatı və Təsərrüfatı mühəndisliyi" fakültəsində təhsil almışdır.Təhsil aldığı müddətdə  qrup rəhbəri ( starst ) kimi faliyyət göstərmişdi.

2016-cı ilin aprelin 25- də  McDonald's  restoranının Gənclik filialında  iş  faliyyətinə başlamışdır. İş faliyyəti müddətində ,,ilin ən yaxşı işcisi" ,,ilin ən surətli işcisi"....bir sıra diplom və hədiyyələrlə təltif olunmuşdu.

2019-cu il , 2  iyul  tarixində bakalavr ali peşə - ixtisas dərəcəsi ilə təhsilini bitirdi.

2019 - cu il ,3 oktyabr  tarixində  Şəmkir rayon şöbəsi tərəfindən həqiqi hərbi xidmətə çağrılmışdır .

2019-cu ilin , 8 oktyabr tarixində həqiqi hərbi xidmətə yola salınıb.

İlk öncə Ağcabədidə , 2019 dekabr ayında  könüllü olaraq Xüsusu Təyinatlı Qüvvələrin tərkibinə daxil olmuş və Cəlilabadın Göytəpə  hərbi hissəsində davam etmişdir.

2020 -ci il ,27  sentyabırda  gedən  ikinci vətən müharibəsi zamanı Murov,  Kəlbəcər , Xocavənd , Fizuli, Cəbrayıl  istiqamətində gedən döyüşlərdə qəhramanlıq göstərmişdir

2020-ci il , 5 oktyabr tarixində Cəbrayıl uğrunda gedən ağır döyüşlərdə qəhramancasına  şəhadətə yüksəlmiş və  15 oktyabırda Maştağada qəsəbəsində  yerləşən Şəhidlər xiyabanında dəfn olunmuşdur.

Ali baş komandanın sərancamı  ilə ,,

1- "Şücaətə görə"

2 - "Döyüşdə fərqlənməyə görə"

3 - "Füzulinin azad olunmasına görə"

4 - "Vətən uğurunda"

5 - "Cəsur döyüşcü"

6 - "Bayrağ ordeni "

7- "Cəbrayılın azadlığı uğrunda "

8- "Kəlbəcərin azadlığı uğrunda "

Orden və medalları ilə təltif olunmuşdur.

Həyatı

Raul Piriyev 4 iyun 1997-ci ildə Şəmkir rayonunun Kür qəsəbəsində anadan olmuşdur. 2003-2006-cı ildə H.Z. Tağıyev adına Şəmkir rayon Kür qəsəbə tam orta məktəbdə, 2006-2015-ci illərdə F. Bayramov adına Bakı şəhər Sabunçu rayon 22 saylı tam orta məktəbdə təhsilini almışdır. 2015-ci ildə Azərbaycan Texniki Universitetinin Dəmiryolu nəqliyyatı və təsərrüfatı mühəndisliyi fakültəsinə qəbul olmuşdur. 2019-cu ildə universitetdən məzun olaraq hərbi xidmətə yollanmışdır. Subay idi.

Hərbi xidməti

Raul Piriyev 2019-cu ildə Səfərbərlik və Hərbi Xidmətə Çağırış üzrə Dövlət Xidmətinin Şəmkir rayon üzrə Hərbi Komissarlığı tərəfindən müddətli həqiqi hərbi xidmətə çağırılmışdır. Əvvəlcə, Azərbaycan Silahlı Qüvvələrinin sıralarında, Ağcabədi rayonunda yerləşən "N" saylı hərbi hissədə xidmət etmişdir. Nümunəvi xidmətinə görə Xüsusi Təyinatlı Qüvvələrə qəbul olunmuş və Cəlilabad rayonunun Göytəpə şəhərində yerləşən "N" saylı hərbi hissədə xidmətini davam etdirmişdir.

Azərbaycan Ordusunun əsgəri olan Raul Piriyev 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi və Azərbaycanın ərazi bütövlüyünün bərpa olunması üçün başlanan İkinci Qarabağ müharibəsində kəşfiyyatçı olaraq iştirak etmişdir. Murovdağın, Füzulinin və Cəbrayılın azadlığı uğrunda gedən döyüşlərdə vuruşmuşdur. Raul Piriyev 13 oktyabr 2020-ci ildə Cəbrayıl rayonu istiqamətində döyüş tapşırığının yerinə yetirilməsi zamanı həlak olmuşdur. Maştağa qəsəbəsində yerləşən Şəhidlər Xiyabanında dəfn edilmişdir.

Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Prezidenti İlham Əliyevin 15.12.2020-ci il tarixli Sərəncamına əsasən Raul Piriyev ölümündən sonra "Vətən uğrunda" medalı ilə təltif edildi.

Döyüş tapşırıqlarını uğurla yerinə yetirdiyi, sona qədər döyüşdüyü və tapşırıqların yerinə yetirilməsində fərqləndiyi üçün Azərbaycan Prezidenti İlham Əliyevin 18.12.2020-ci il tarixli sərəncamına əsasən Raul Piriyev ölümündən sonra "Döyüşdə fərqlənməyə görə" medalı ilə təltif edilmişdir.

Azərbaycanın Kəlbəcər rayonunun işğaldan azad edilməsi uğrunda aparılan döyüş əməliyyatlarına qatılaraq şəxsi igidliyi və şücaəti nümayiş etdirdiyinə görə Azərbaycan Prezidenti İlham Əliyevin 24.06.2021-ci il tarixli Sərəncamına əsasən Raul Piriyev ölümündən sonra "Kəlbəcərin azad olunmasına görə" medalı ilə təltif edildi.

Azərbaycan Respublikasının ərazi bütövlüyünün bərpa edilməsi uğrunda gedən döyüş əməliyyatlarında şəhid olmuş Raul Piriyev Azərbaycan Prezidenti İlham Əliyevin 05.11.2021-ci il tarixli Sərəncamına əsasən ölümündən sonra "Azərbaycan Bayrağı" ordeni ilə təltif edildi.

Xatirəsi

Şəhid Raul Piriyevə məxsus materiallar ailəsi tərəfindən Milli Azərbaycan Tarixi Muzeyinə təhvil verilmişdir.

Təltifləri

• (15.12.2020) — "Vətən uğrunda" medalı (ölümündən sonra)
• (18.12.2020) — "Döyüşdə fərqlənməyə görə" medalı (ölümündən sonra)
• (24.06.2021) — "Kəlbəcərin azad olunmasına görə" medalı (ölümündən sonra)
• (05.11.2021) — "Azərbaycan Bayrağı" ordeni (ölümündən sonra)