Dik Çeyni

Riçard Bryus "Dik" Çeyni (ing. Richard Bruce "Dick" Cheney; 30 yanvar 1941, Linkoln, Nebraska) — amerikalı siyasətçi, respublikaçı, Amerika Birləşmiş Ştatlarının 46-cı vitse-prezidenti (2001-2009) və 17-ci Müdafiə naziri (1989-1993).

Riçard Bryus "Dik" Çeyni
Richard Bruce "Dick" Cheney
ABŞ-nin 46-cı vitse-prezidenti
20 yanvar 2001 – 20 yanvar 2009
Prezident	Corc Uoker Buş
Əvvəlki	Albert Qor
Sonrakı	Co Bayden
ABŞ-nin 17-ci Müdafiə naziri
20 mart 1989 – 20 yanvar 1993
Prezident	Corc H. U. Buş
Əvvəlki	Frenk Karluççi
Sonrakı	Les Aspin
Şəxsi məlumatlar
Doğum adı	Richard Bruce Cheney
Doğum tarixi	30 yanvar 1941
Doğum yeri	Linkoln, Nebraska, ABŞ
Partiya	ABŞ Respublikaçılar Partiyası
Təhsili	Yel Universiteti, Viskonsin-Medison Universiteti
Fəaliyyəti	siyasətçi, avtobioqraf[d], iş adamı, tacir
Atası	Riçard Herbert Çeyni
Anası	Marcori Loreyn Diki
Həyat yoldaşı	Linn Çeyni
Uşaqları	qızları: Elizabet, Meri
Dini	metodizm
Elmi fəaliyyəti
Elm sahəsi	siyasət, kommersiya
Vikianbarda əlaqəli mediafayllar

Bəzi politoloqlar Dik Çeynini Amerika siyasəti tarixində ən nüfuzlu vitse-prezident adlandırırlar. Dik Çeyni mühafizəkar düşərgəsində radikal qərarları dəstəkləyən qrupa aid edilir. O, Donald Ramsfeldlə bərabər İraq müharibəsinin əsas təşəbbüskarlarınan biri sayılır.

Dik Çeyni Pentaqona ilk dəfə ata Buşun hakimiyyəti dövründə gəlib. 1991-ci ildə Küveytin azad edilməsi üçün həyata keçirilən Səhrada tufan əməliyyatı zamanı ABŞ-nin Müdafiə naziri məhz o idi.

Siyasi fəaliyyəti

1974-cü ildə Çeyni prezident Ford administrasiyasında aparat rəhbəri təyin ediləndə o, bu vəzifəni tutan ən gənc şəxs olmuşdu. Dik Çeyni iş dünyasının və o cümlədən neft sənayesinin liderləri ilə yaxın əlaqələrdə təqsirləndirilir. O, öz nüfuzuna baxmayaraq vitse-prezidentlik dövründə cəmi bir neçə dəfə ictimai nitqlə çıxış edib. Çeyni daha çox əlaqələr qurmaq və səhnə arxası diplomatiyada məharətinə görə tanınır.