Rodriqo Hernandez
Rodriqo Hernandez Kaskante və ya qısaca Rodri (22 iyun 1996, Madrid) — İngiltərə Premyer Liqası klubu "Mançester Siti"də və İspaniya milli futbol komandasında çıxış edən futbolçu.
| Rodriqo Hernandez | |
|---|---|
| isp. Rodri | |
.jpg) | |
| Ümumi məlumatlar | |
| Doğum tarixi | 22 iyun 1996 (28 yaş) |
| Doğum yeri | |
| Vətəndaşlığı | |
| Boyu | 191 |
| Çəkisi | 82 kq |
| Mövqeyi | Müdafiəyə meyilli yarım müdafiəçi |
| Əsas ayağı | Sağ |
| Klub haqqında məlumat | |
| Klub | |
| Nömrəsi | 16 |
 Vikianbarda əlaqəli mediafayllar | |
Peşəkar karyerasına Vilyarealda başlayan Rodri daha sonra "Atletiko Madrid" klubuna qoşulur. La Liqada keçirdiyi 4 mövsümdən sonra 2019-cu il iyulun 4-də "Mançester Siti" komandasına transfer olur. O, "şəhərlilərin" ardıcıl 3 dəfə (2020–21, 2021–22, 2022–23) İngiltərə Premyer Liqası çempionu olmalarına kömək edir. Rodri, eyni zamanda 2022–23 mövsümündə "Mançester Siti"nin ilk treblini etməsində böyük əməyi olan futbolçulardandır. Belə ki, Rodri UEFA Çempionlar Liqası finalında "İnter"ə qarşı matçın yeganə qolunu vuraraq və turnirin ən yaxşı oyunçusu seçilmişdir.
İspaniya millisində ilk debütünü 2018-ci ildə edən Rodri, millinin yığmasında 2023-cü ildə Millətlər Liqasının qalibi və eyni zamanda turnirin ən yaxşı oyunçusu olmuşdur.
Rodri 2024-cü ilin oktyabrında mövsüm boyu göstərdiyi diqqəlayiq performansa görə Qızıl top mükafatına layiq görülmüş[1][2] və mükafatı 1960-cı ildə almış Luis Suarezdən sonra bu uğura imza atan ikinci ispan kişi futbolçu olmuşdur.[1] O, həmçinin mükafatı qazanan ilk "Mançester Siti" oyunçusudur.[3]
İstedadlı yarımmüdafiəçi peşəkar səviyyədə çıxış etməyə davam edir. 2024-cü ildə İspaniya millisinin məşqçilər korpusu cəsarətlə onu Avro-2024-ün heyətinə daxil etdi. La Roja bütün qrup mərhələsində İtaliya, Albaniya və Xorvatiyadan olan rəqiblərini rahatlıqla üstələdi, qapını təmiz saxlamağı bacardı və müdafiə qabiliyyətini nümayiş etdirdi. Həyəcanlı 16-cı turda onlar turnirin gözlənilməz tünd atı, Gürcüstanla qarşılaşdılar və inandırıcı 4-1 hesabı ilə qalib gəldilər. Həmin görüşdə həlledici qola imza atan Rodri haqlı olaraq fərqlənən futbolçu kimi qeyd olunurdu[4].
Oyun tərzi
redaktəRodri ötürmə dəqiqliyi və qüvvətli zərbələri ilə seçilən dayaq yarım müdafiəçisidir. Hündürboylu olması və fiziki gücündən dolayı hava mübarizələrində olduqca üstün futbolçudur. Eyni zamanda yarım müdafiəçi olmasına baxmayaraq ortalama ötürmə dəqiqliyi 91–92%-dir.
Rodri Mançester Sitinin heyətində uzaqdan qüvvətli zərbələri ilə də tanınır. Sürət baxımından yavaş olsa da, rəqib komandanın hücumçularını dayandırmaqda kifayət qədər güclüdür. Rodri bəzən oyun tərzinə görə Serxio Busketsə də bənzədilir. Dayaq yarım müdafiəçisi mövqeyi ilə birlikdə, bəzən mərkəz müdafiəçi kimi də oynaya bilir. Bunu 2022 Dünya Çempionatında Luis Enrikenin idarə etdiyi İspaniya millisinin oyunlarında da görürük.
Nailiyyətləri
redaktəAtletiko Madrid
- UEFA Super Kuboku: 2018
Mançester Siti
- Premyer Liqa: 2020–21, 2021–22, 2022–23
- İngiltərə Federasiya Kuboku: 2022–23
- İngiltərə Liqa Kuboku: 2019–20, 2020–21
- İngiltərə Milli Futbol Superkuboku: 2019
- UEFA Çempionlar Liqası: 2022–23
İspaniya U19
- UEFA 19 yaşlılardan ibarət Avropa Çempionatı: 2015
İspaniya milli yığmasında
- UEFA Millətlər Liqası: 2022–23
Fərdi mükafatları
- UEFA Çempionlar Liqası mövsümün heyəti: 2022–23
- UEFA Çempionlar Liqası mövsümün ən yaxşı futbolçusu: 2022–23
- Premyer Liqa ayın ən yaxşı qolu: 2021-ci ilin noyabrı
- UEFA Millətlər Liqası mövsümün ən yaxşı futbolçusu: 2023
- Qızıl top: 2024
İstinadlar
redaktə- ↑ 1 2 "Ballon d'Or 2024: Manchester City and Spain midfielder Rodri wins first award". BBC Sport (ingilis). 2024-10-28. İstifadə tarixi: 2024-10-29.
- ↑ UEFA.com. "Rodri wins 2024 Men's Ballon d'Or | Ballon d'Or 2024/25". UEFA.com (ingilis). 2024-10-28. İstifadə tarixi: 2024-10-29.
- ↑ "Rodrigo becomes first City player to win Ballon d'Or". OneFootball (ingilis). 2024-10-30. İstifadə tarixi: 2024-10-30.
- ↑ "Rodri - tərcümeyi-halı, şəxsi həyatı, foto, xəbərlər, yarımmüdafiəçi, Mançester Siti, İspaniya, büt, din, statistika 2024". 13.11. 2024. İstifadə tarixi: 03. 12.2024.