Sürəyya Qacar
Sürəyya xanım Sədrəddin Mirzə qızı Qovanlı-Qacar (1 may 1910, Şuşa, Yelizavetpol quberniyası – 27 iyul 1992, Bakı) — Azərbaycan müğənnisi, Azərbaycan SSR (1954) və Ermənistan SSR xalq artisti.
| Sürəyya Qacar | |
|---|---|
| Sürəyya xanım Sədrəddin Mirzə qızı Qovanlı-Qacar | |
 | |
| Ümumi məlumatlar | |
| Doğum tarixi | 1 may 1910 |
| Doğum yeri | |
| Vəfat tarixi | 27 iyul 1992 (82 yaşında) |
| Vəfat yeri | |
| Vətəndaşlığı | |
| Atası | Sədrəddin Mirzə Qacar |
| Anası | Günəş xanım Tağızadə |
| Musiqiçi məlumatları | |
| Fəaliyyəti | müğənni, opera müğənnisi |
| Səs tembri | mezzo-soprano |
| Mükafatları |
   |
HəyatıRedaktə
Sədrəddin mirzə Qovanlı-Qacar qızı.1 may 1910-cu ildə Şuşa şəhərində anadan olmuşdu. Ailə təlim-tərbiyəsi almışdı. 1927 ildə Bakı Pedaqoji Texnikumunu bitirmişdi. 1927-39-cu illərdə Azərbaycan Opera və Balet Teatrının solisti olmuş, burada Leyli, Əsli, Gülnaz, Asya ("Leyli və Məcnun", "Əsli və Kərəm", "O olmasın, bu olsun", "Arşın mal alan", Ü. Hacıbəyli), Şahsənəm ("Aşıq Qərib", Z. Hacıbəyli) partiyalarında çıxış etmişdir. 1940-cı ildən Azərbaycan Dövlət Filarmoniyasında solist (fasilələrlə), 1968 ildən vokal üzrə məsləhətçi-müəllim işləmişdi. Repertuarında Azərbaycan xalq mahnıları, muğamlar, eləcə də xarici ölkə xalqlarının və bəstəkarlarının mahnıları əsas yer tutmuşdu. O, 27 iyul 1992-ci ildə vəfat edib.
MükafatlarıRedaktə
Sürəyya xanım Qacar Azərbaycan SSR xalq artisti fəxri adını almış, iki dəfə "Şərəf Nişanı" ordeni ilə təltif edilmişdi.
MənbəRedaktə
- Ənvər Çingizoğlu, Qacarlar və Qacar kəndi, Bakı, "Şuşa", 2008, 334 səh.