Vikipediya

Sütəmurdov

Sütəmurdov — Azərbaycan Respublikasının Lənkəran rayonunun inzibati ərazi vahidində kənd. Xəzər dənizinin sahilində yerləşən bir kənddir. Sütəmurdov kəndi əsasən kənd təsərrüfatı ilə məşğul olan əhalisi ilə tanınır. Burada əsasən çayçılıq, tərəvəzçilik və sitrus meyvə yetişdirilməsi kimi sahələr inkişaf etmişdir. Kəndin ətrafı təbii gözəllikləri və yaşıllıqları ilə diqqət çəkir. Kənddə həmçinin tarixən bir çox mədəni və tarixi abidələr də mövcuddur.[1] Kənd Azərbaycan Respublikası Ali Sovetinin 7 fevral 1991-ci il tarixli, 54-XII saylı Qərarı ilə Lənkəran rayonunun Sütəmurdov kəndi Gərmətük kənd Sovetindən ayrılaraq, bu kənd mərkəz olmaqla Sütəmurdov kənd Soveti yaradılmışdır. 1999-cu ildə isə Sütəmurdov kənd Soveti ləğv olunmuş və yerinə Sütəmurdov Bələdiyyəsi və Sütəmurdov kənd icra nümayəndəliyi təsis edilmişdir.

Sütəmurdov
38°44′34″ şm. e. 48°51′41″ ş. u.
Ölkə
Tarixi və coğrafiyası
Saat qurşağı
Əhalisi
Əhalisi
  • 3.770 nəf.
Xəritəni göstər/gizlə
Sütəmurdov xəritədə
Sütəmurdov
Sütəmurdov
Vikianbarın loqosu Vikianbarda əlaqəli mediafayllar

Əhalisi və tanınmış şəxsləri

redaktə

Sütəmurdov kəndinin əhalisi təxminən 3,770 nəfərdir. Əhalinin əsas hissəsi azərbaycanlılardan və talışlardan ibarətdir.

Tanınmış şəxsləri

redaktə

Ümumi məlumat

redaktə

İqtisadiyyatı

Sütəmurdov kəndi hallabonqun Azərbaycanda əkildiyi ilk kənddir.[2] Sütəmurdov kəndinin ərazisində ümumi sitrus bağının sahəsi 80 hektardan çoxdur ki, bunun 10 hektarında təxminən 4 minədək hallabonq ağacı əkilmişdir.[2][3]

Gəzməli və görməli yerləri

  1. Sütəmurdov körpüsü — Lənkəran şəhərində 100 ilə yaxın yaşı olan Sütəmurdov körpüsündən bu gün də intensiv istifadə olunur. Bir vaxtlar alman mütəxəssisləri tərəfindən inşa olunmuş bu körpünün əsas özəlliklərindən biri onun beton deyil, tamamilə dəmir konstruksiyalardan inşa olunmasıdır. Körpü Lənkəran şəhəri ilə Sütəmurdov kəndini birləşdirir və həm piyadalar, həm də avtomobillər üçün nəzərdə tutulmuşdur. Körpüdən günəşin batışını və Talış dağlarının əsrarəngiz mənzərəsini izləmək mümkündür.[4]
  2. Sütəmurdov Məscidi — Lənkəran şəhərinin tarixi baxımdan ən qədim dini tikilisidir. XVIII əsrin əvvəllərində kənd sakini Hacı Novruzəli adlı bir imkanlı şəxs - tacir öz şəxsi vəsaiti hesabına tikdirib.[5]
  3. Xəzər Lənkəran Mərkəzi Stadionu — Xəzər Lənkəran FK-na məxsus stadion. Stadion azarkeşlər tərəfindən "Fırtınalar meydanı" adlandırılır.[6]
  4. Sütəmurdov çimərlikləri — Xəzər dənizinin sahilində yay fəslində fəaliyyət göstərən çimərliklər kompleksi. Çimərliklər pullu və pulsuz olmaqla fəaliyyət göstərir. Çimərliklərdə otellər, kafelər və restoranlar da mövcuddur.[7]
  5. Palıdlı Sahil İstirahət Mərkəzi — geniş və yaşıl parkları ilə ziyarətçilərə təbiətlə iç-içə dincəlmə imkanı təqdim edir. İdman mərkəzləri, müxtəlif idman növləri ilə məşğul olmaq istəyənlər üçün müasir və tam təchiz olunmuş şərait yaradır. Mərkəzdə həmçinin, açıq hava fitness sahələri və yürüş yolları da mövcuddur, bu da ziyarətçilərə sağlam və aktiv istirahət etməyə imkan verir.[8]
  6. Dörd Fəsil Restoranı — Lənkəranda yerləşən və yerli mətbəxin ləziz təamlarını təqdim edən tanınmış bir məkandır. Restoran, hər fəsilə uyğun dizayn edilmiş interyerə malikdir və ziyarətçilərə unikal bir atmosfer təqdim edir. Burada təzə və yerli məhsullarla hazırlanan ənənəvi Azərbaycan yeməklərinin dadını çıxarmaq mümkündür, bu da Dörd Fəsil Restoranını həm yerli sakinlər, həm də turistlər üçün cəlbedici bir məkan edir.[9]

İstinadlar

redaktə
  1. ↑ www.anl.az https://www.anl.az/down/meqale/yeni_az/2018/dekabr/621834.htm (#bare_url_missing_title). İstifadə tarixi: 2024-07-01.
  2. ↑ 1 2 Hallabonq / Dekopon - Dünyada cəmi 5 ölkədə, o cümlədən Azərbaycanda əkilən meyvə — YouTube  (az.)
  3. ↑ Aqronom: Əkin yeri yaxşı olarsa, hallabonq ağacından ildə 3-4 dəfə məhsul götürmək mümkündür VİDEO Arxivləşdirilib 2020-05-07 at the Wayback Machine. azertag.az, 28.11.2018  (az.)
  4. ↑ "Almanlar tərəfindən inşa olunan Lənkəranın Sütəmurdov körpüsü". Cənublu (az.). 2022-01-04. İstifadə tarixi: 2024-07-02.
  5. ↑ "XVIII əsrin yadigarı olan Sütəmurdov məscidi - VİDEO". Milli.Az (az.). 2013-03-26. İstifadə tarixi: 2024-07-02.
  6. ↑ "Navigator.az". navigator.az (az.). İstifadə tarixi: 2024-07-02.
  7. ↑ "Bu rayonların çimərlikləri ilə bağlı qadağa qüvvədə qaldı". BolgeXeber.Com -Bölgələrdən xəbəriniz olsun! (az.). İstifadə tarixi: 2024-07-02.
  8. ↑ "Palıdlı Sahil sanator kurort mərkəzi hoteller istirahet merkezleri". TURLAR.AZ (ingilis). İstifadə tarixi: 2024-07-03.
  9. ↑ "Lənkəran "Dörd Fəsil" restoranı - MENYU - QİYMƏTLƏR". seyyah.az (ingilis). İstifadə tarixi: 2024-07-03.

Həmçinin bax

redaktə
   Lənkəran rayonu ilə əlaqədar bu məqalə qaralama halındadır. Məqaləni redaktə edərək Vikipediyanı zənginləşdirin.
Mənbə — "https://az.wikipedia.org/w/index.php?title=Sütəmurdov&oldid=7686054"