Vikipediya

Səbuhi Əhmədov

İkinci Qarabağ müharibəsi iştirakçısı

Səbuhi Fuad oğlu Əhmədov (21 dekabr 1996, Bakı – 12 sentyabr 2022, Kəlbəcər rayonu) — Azərbaycan Silahlı Qüvvələrinin giziri, İkinci Qarabağ müharibəsi iştirakçısı. 2022-ci il sentyabrın 12-dən 13-nə keçən gecə Ermənistan Silahlı Qüvvələrinin Kəlbəcər rayonu istiqamətində Azərbaycan Ordusuna qarşı törətdiyi təxribat nəticəsində şəhid olmuşdur.

Səbuhi Əhmədov
Şəxsi məlumatlar
Doğum tarixi 21 dekabr 1996(1996-12-21)
Doğum yeri
Vəfat tarixi 12 sentyabr 2022(2022-09-12) (25 yaşında)
Vəfat yeri
Dəfn yeri
Vətəndaşlığı Azərbaycan Azərbaycan
Təhsili
Hərbi fəaliyyəti
Mənsubiyyəti Azərbaycan Azərbaycan Ordusu
Qoşun növü Azərbaycan Quru Qoşunları
Xidmət illəri 2020—2022
Rütbəsi Gizir
Döyüşlər İkinci Qarabağ müharibəsi
 • Madagizin azad edilməsi
 • Zəngilanın azad edilməsi
 • Füzulinin azad edilməsi
Azərbaycan–Ermənistan sərhəd toqquşması (2022)
Təltifləri "Azərbaycan Bayrağı" ordeni "Vətən uğrunda" medalı "Cəsur döyüşçü" medalı
"Vətən müharibəsi iştirakçısı" medalı

Həyatı

redaktə

Səbuhi Əhmədov 21 dekabr 1996-cı ildə Şəki şəhərində Fuad Əhmədovun ailəsində anadan olub.[1][2] Kiçik yaşlarından valideyn qayğısından məhrum olduğu üçün "SOS Uşaq Kəndləri"nin sakini olmuşdur.[3] Azərbaycanın o zamankı prezidenti Heydər Əliyevin qarşısında Azərbaycan himni oxuyub.[4] 2002–2013-cü illərdə Bakı şəhər 269 saylı tam orta məktəbdə orta təhsil almışdır. Orta təhsilini aldıqdan sonra Bakı Qida Sənayesi Kollecində təhsil almışdır.[5] Subay idi.

Dəfni

redaktə

Səbuhi Əhmədovun vida mərasimi ilə bağlı sosial şəbəkələrdə yayılan görüntülər müzakirəyə səbəb oldu. Şəhidin tabutunun gətirildiyi evin həyətində tabutun başlı-başına buraxılmasına görə Nəsimi Rayon İcra Hakimiyyəti və Xətai rayon icra hakimiyyəti tənqid edildi. İcra hakimiyyətləri məsələyə münasibət bildirdi. [6] 14 sentyabr 2022-ci ildə nəşi II Şəhidlər Xiyabanında dəfn edilmişdi.[7] Dəfndə böyük izdiham oldu. Hacı Şahin Həsənli dəfndə iştirak etmişdi. [8]

Hərbi xidməti

redaktə

Səbuhi Əhmədov Səfərbərlik və Hərbi Xidmətə Çağırış üzrə Dövlət Xidməti tərəfindən hərbi xidmətə çağırılmış, çağırışa əsasən əvvəlcə, Azərbaycan Silahlı Qüvvələrinin sıralarında müddətli həqiqi hərbi xidmət etmişdir. Hərbi xidmətini başa vurduqdan sonra bir müddət mülki fəaliyyət göstərmişdir. Sonra Quru Qoşunlarının "müddətdən artıq həqiqi hərbi xidmət kursları"na yazılmış və kursları bitirərək müddətdən artıq həqiqi hərbi xidmət qulluqçusu olmuşdur. Hərbi xidməti zamanı Müdafiə Nazirliyinin rəhbərliyi tərəfindən bir çox fəxri fərman və təşəkkürnamələrlə təltif edilmişdir. "Gizirlik kursu"nu bitirərək "gizir" rütbəsi alan Səbuhi Əhmədov Şəkidə yerləşən "N" saylı hərbi hissədə xidmətini davam etdirmişdir.

Azərbaycan Ordusunun giziri olan Səbuhi Əhmədov 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi və Azərbaycanın ərazi bütövlüyünün bərpa olunması üçün başlanan Vətən müharibəsində iştirak etmişdir. Suqovuşanın, Zəngilanın və Füzulinin azadlığı uğrunda gedən döyüşlərdə vuruşmuşdur. Qarşısına qoyulan vəzifələri icra edərkən Suqovuşan qəsəbəsi istiqamətində ayaqlarından qəlpə yarası almış, 7 gün xəstəxanada müalicə olunduqdan sonra müharibədə iştirakını davam etdirmişdir. Zəngilan istiqamətində hərbçi yoldaşını xilas edərkən əli zədələnmişdir. Ağdərə istiqamətində keçirilən hərbi əməliyyatlarda da iştirak edən Səbuhi Əhmədov əməliyyatlar zamanı baş nahiyəsindən qəlpə yarası almışdır.[9]

Azərbaycan ərazilərinin işğaldan azad olunması zamanı döyüş tapşırıqlarını uğurla yerinə yetirdiyinə, düşmənin əsas qruplaşmalarının məhv edilməsi ilə qoşunların döyüş qabiliyyətinin qorunub saxlanılmasında fərqləndiyinə görə Azərbaycan Prezidenti İlham Əliyevin 18.12.2020-ci il tarixli Sərəncamına əsasən Adəm Əliyev ölümündən sonra "Cəsur döyüşçü" medalı ilə təltif edildi.[10]

Vətən müharibəsində iştirakına görə Səbuhi Əhmədov baş nazir Əli Əsədov tərəfindən "Vətən müharibəsi iştirakçısı" medalı ilə təltif edildi.[11]

Səbuhi Əhmədov müharibə bitdikdən sonra hərbi xidmətini davam etdirmişdir.

2022-ci il sentyabrın 12-si gecə və 13-ü səhər saatlarında Ermənistan silahlı qüvvələri tərəfindən Azərbaycan–Ermənistan dövlət sərhədinin Daşkəsən, Kəlbəcər, Laçın və Zəngilan istiqamətlərində genişmiqyaslı təxribat törədilmişdir. Təxribat nəticəsində Azərbaycan–Ermənistan sərhədində sərhəd toqquşması baş vermişdir. Döyüşlərdə Quru Qoşunlarının giziri olaraq iştirak edən Səbuhi Əhmədov 13 sentyabr 2022-ci ildə Kəlbəcər rayonu istiqamətində döyüş tapşırığını yerinə yetirərkən şəhid olmuşdur.

Azərbaycan Respublikasının ərazi bütövlüyünün bərpa edilməsi uğrunda gedən döyüş əməliyyatlarında iştirak edərək igidlik və mərdlik göstərmiş, hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirərək şəhid olmuş Səbuhi Əhmədov Azərbaycan Prezidenti İlham Əliyevin 05.11.2022-ci il tarixli Sərəncamına əsasən ölümündən sonra "Azərbaycan Bayrağı" ordeni və "Vətən uğrunda" medalı ilə təltif edilmişdir.[12]

Xatirəsi

redaktə
  • 2022-cilin noyabrında azərbaycanlı iş adamı Mübariz Mənsimov gəmilərdən birinə Şəhid Səbuhi Əhmədovun adını verəcəyini bildirib.[13]
  • 2023-cü ilin mayında Bakının Xətai rayonunda yerləşən "Abidə" küçəsinin adı dəyişdirilərək şəhid Səbuhi Əhmədovun adı verilib.[14]
  • 2023-cü ildə yazıçı Mahir Şəkərovun Səbuhi Məmmədova həsr etdiyi "Uşaq evindən Fəxri xiyabana" adlı kitabı nəşr olundu.[15]

Təltifləri

redaktə

Qalmaqal

redaktə

2022-ci ilin sentyabrında Sənan Əhmədov ölümündən əvvəl qardaşı Səbuhi Əhmədovun ordudakı xidmət yerini dəyişib “Komando” hərbi briqadasında xidmətə qəbul edilməsi üçün 6 min manat rüşvət tələb olunması və bankdan kredit götürərək ödəməsi iddiası ilə gündəmə gəldi.[18]

İddialarla bağlı Müdafiə Nazirliyi Sənan Əhmədovla sentyabrın 15-də Müdafiə Nazirliyində görüş təşkil edib. Həmin gün Sənan Əhmədovun daha əvvəlki rüşvət açıqlamasını təkzib edən yeni bir videosu yayıldı. Müdafiə Nazirliyi həmin video ilə bağlı açıqlama yayaraq sosial şəbəkələrdə paylaşılan məlum foto və video görüntülərin Müdafiə Nazirliyi ilə heç bir əlaqəsi olmadığın bildirib.[19]

Sənan Əhmədovun videoda səsləndirdiyi fikirlərlə bağlı Azərbaycanın Baş prokurorluq orqanları tərəfindən araşdırma aparıldı.[20]

Həmin ilin oktyabrında şəhid qardaşının banklara olan kredit borcu “YAŞAT” Fondu tərəfindən tam bağlandı.[21]

İstinadlar

redaktə
  1. ↑ Azərbaycanın Müdafiə Nazirliyi. "2022-ci il sentyabrın 12-dən etibarən Ermənistan Silahlı Qüvvələrinin törətdiyi genişmiqyaslı təxribatların qarşısının alınması zamanı şəhid olan hərbi qulluqçuların siyahısı" (PDF). www.mod.gov.az (ingilis). 2022-09-17. 2022-09-17 tarixində arxivləşdirilib (PDF). İstifadə tarixi: 17.09.2022.
  2. ↑ "Səbuhi Əhmədov". www.shaki.info (az.). 14.09.2022. 2023-01-30 tarixində arxivləşdirilib. İstifadə tarixi: 30.01.2023.
  3. ↑ Report.az xəbər saytı. "Şəhidimiz Səbuhi Əhmədov Uşaq evində böyüyübmüş". www.oxu.az (az.). 2022-09-14. 2023-01-30 tarixində arxivləşdirilib. İstifadə tarixi: 30.01.2023.
  4. ↑ "Uşaq evində böyüyən Səbuhinin Heydər Əliyevlə Videosu". 2022-09-15 tarixində arxivləşdirilib. İstifadə tarixi: 2024-09-22.
  5. ↑ "Səbuhi Əhmədov". www.unudulmazlar.az (az.). 2023-01-30 tarixində arxivləşdirilib. İstifadə tarixi: 30.01.2023.
  6. ↑ "Şəhid Səbuhi Əhmədovla bağlı diqqətsizliyə görə qınanılan icra hakimiyyətlərindən açıqlama - VİDEO". Pravda.az. 2024-09-22 tarixində arxivləşdirilib. İstifadə tarixi: 2024-09-22.
  7. ↑ "Şəhid Səbuhi Əhmədov İkinci Fəxri xiyabanda dəfn edilib - YENİLƏNİB". www.report.az (az.). 14.09.2022. 2023-01-30 tarixində arxivləşdirilib. İstifadə tarixi: 30.01.2023.
  8. ↑ "Şəhid Səbuhi Əhmədov son mənzilə yola salındı". 2024-09-22 tarixində arxivləşdirilib. İstifadə tarixi: 2024-09-22.
  9. ↑ Nigar Həsənli. "Şəhid Səbuhi Əhmədovun son sözləri... - Fotolar". www.musavat.com (az.). 2022-09-27. 2023-01-30 tarixində arxivləşdirilib. İstifadə tarixi: 30.01.2023.
  10. ↑ Azərbaycan Prezidentinin saytı. "Azərbaycan Silahlı Qüvvələrinin hərbi qulluqçularının "Cəsur döyüşçü" medalı ilə təltif edilməsi haqqında Azərbaycan Prezidentinin 18.12.2020-ci il tarixli Sərəncamı". www.president.az. 18.12.2020. 2021-02-10 tarixində arxivləşdirilib. İstifadə tarixi: 18.12.2020.
  11. ↑ 1 2 "Vətən müharibəsi iştirakçılarının təltif edilməsi haqqında Azərbaycan Respublikası Prezidentinin Sərəncamı". www.president.az (Azərbaycan Prezidentinin rəsmi saytı) ( (az.)). 10.02.2022. 2022-02-10 tarixində arxivləşdirilib. İstifadə tarixi: 10.02.2022.
  12. ↑ Azərbaycan Prezidentinin rəsmi saytı. "Azərbaycan Respublikasının ərazi bütövlüyünün bərpa edilməsi uğrunda gedən döyüş əməliyyatlarında şəhid olmuş Azərbaycan Respublikası Silahlı Qüvvələrinin hərbi qulluqçularının təltif edilməsi haqqında Azərbaycan Respublikası Prezidentinin Sərəncamı". www.president.az (az.). 05.11.2022. Archived from the original on 2022-11-06. İstifadə tarixi: 06.11.2022.
  13. ↑ "Şəhid Səbuhi Əhmədovun adı gəmiyə verilir". publika.az (az.). 2022-11-03. 2022-11-13 tarixində arxivləşdirilib. İstifadə tarixi: 2024-09-24.
  14. ↑ Publika.az. "Bakıda küçəyə şəhid Səbuhi Əhmədovun adı verildi". 2023-05-18 tarixində arxivləşdirilib.
  15. ↑ Şəkərov, Mahir. Kitab evindən Fəxri xiyabana (az.) (1-ci nəşr). Bakı: İbrət Nəşrləri. 2023. 104.
  16. ↑ "Azərbaycan Silahlı Qüvvələrinin hərbi qulluqçularının "Cəsur döyüşçü" medalı ilə təltif edilməsi haqqında Azərbaycan Prezidentinin 18.12.2020-ci il tarixli Sərəncamı". www.e-qanun.az (Normativ hüquqi aktların vahid internet elektron bazası) ( (az.)). 18.12.2020. 2020-12-18 tarixində arxivləşdirilib. İstifadə tarixi: 18.12.2020.
  17. ↑ 1 2 "Azərbaycan Respublikasının ərazi bütövlüyünün bərpa edilməsi uğrunda gedən döyüş əməliyyatlarında şəhid olmuş Azərbaycan Respublikası Silahlı Qüvvələrinin hərbi qulluqçularının təltif edilməsi haqqında Azərbaycan Respublikası Prezidentinin Sərəncamı". www.president.az (Azərbaycan Prezidentinin rəsmi saytı) ( (az.)). 05.11.2022. Archived from the original on 2022-11-09. İstifadə tarixi: 05.11.2022.
  18. ↑ "Şəhid Səbuhinin qardaşı Müdafiə Nazirliyinə çağırıldı — Açıqlama". Qafqazinfo (az.). 2022-09-15. 2024-09-22 tarixində arxivləşdirilib. İstifadə tarixi: 2024-09-22.
  19. ↑ "Müdafiə Nazirliyi də şəhid qardaşının videosu ilə bağlı açıqlama yaydı". Qafqazinfo (az.). 2022-09-16. 2024-09-22 tarixində arxivləşdirilib. İstifadə tarixi: 2024-09-22.
  20. ↑ "Baş Prokurorluq: Sənan Əhmədovun videoları üzrə təqsiri müəyyən ediləcək şəxslər məsuliyyətə cəlb olunacaq". Apa.az (az.). İstifadə tarixi: 2024-09-22.
  21. ↑ ""YAŞAT" Fondu şəhid qardaşının borcunu bağladı". Oxu.az (az.). 2024-09-22 tarixində arxivləşdirilib. İstifadə tarixi: 2024-09-22.

Xarici keçidlər

redaktə
Mənbə — "https://az.wikipedia.org/w/index.php?title=Səbuhi_Əhmədov&oldid=7902068"