Sədəf Çaxmaq
Bu, tənha məqalədir, çünki hansısa məqalədən bu məqaləyə verilmiş keçid yoxdur. |
Sədəf Çaxmaq (türk. Sedef Çakmak; 9 iyun 1982) — Türkiyə siyasətçisi, LGBT fəalı. Çaxmaq Türkiyədə açıq şəkildə LGBT kimliyi ilə vəzifəyə gəlmiş ilk siyasətçidir. O, lezbiyandır.[1]
| Sədəf Çaxmaq | |
|---|---|
| türk. Sedef Çakmak | |
 | |
| Şəxsi məlumatlar | |
| Doğum tarixi | 9 iyun 1982 (42 yaş) |
| Milliyyəti | türk |
| Partiya | |
| Təhsili | |
| İxtisası | sosiologiya |
| Fəaliyyəti | LGBT fəalı |
 Vikianbarda əlaqəli mediafayllar | |
Həyatı
redaktəSədəf Çaxmaq 9 iyun 1982-ci ildə anadan olmuşdur. O, 2015-ci ildən bəri Cümhuriyyət Xalq Partiyasının İstanbul Başakşəhər bələdiyyəsi rayon məclis üzvüdür. Çaxmaq Türkiyədə açıq şəkildə LGBT kimliyi ilə vəzifəyə gəlmiş ilk siyasətçidir.
Sədəf Çaxmaq Qalatasaray Universitetinin Sosiologiya Fakültəsindən bakalavr dərəcəsi ilə məzun olmuşdur.[2] O, universitet illərində mülki cəmiyyət təşkilatlarında işləməyə başlamışdır. 2004-cü ildən bəri LGBT fəalı olaraq fəaliyyət göstərir. Sədəf Çaxmaq Lambdaistanbul təşkilatında qoşulduğu bir layihə ilə başlayan fəallıq həyatına Sosial Siyasət, Cinsiyyət Kimliyi və Cinsi Oriyentasiyalar Təşkilatında (SPoD) dəvam etmişdir.[3] Çaxmaq SPoD təşkilatının qurucu üzvlərindən biridir və idarə heyətində işləyir.
Sədəf Çaxmaq 2014-cü ili mart ayında keçirilən yerli seçkilərdə Beşiktaş rayonunda CHP adına bələdiyyə məclis üzvü namizədi olaraq kampaniya irəli sürmüş və birinci sıra ehtiyat namizəd olmuşdur. O, məclis üzvü Ayça Ağpəkin millət vəkili namizədliyi səbəbiylə istefa verməsindən sonra ehtiyatdan əsl siyahıya keçərək bələdiyyə məclisi üzvü olmuşdur.
Sədəf Çaxmaq 2017-ci ilin oktyabr ayında Avropa Sosialistlər Partiyası nəzdində LGBT platformaları üçün nəzərdə tutulmuş Rainbow Rose şəbəkəsi sədri olmuşdur.[4]
İstinadlar
redaktə- ↑ Yücəl, Dəniz. "Istanbul: Gay Pride - Der lesbische Marsch durch die Institutionen". www.welt.de (alman). DIE WELT. 28 iyun 2015. 24 mart 2019 tarixində arxivləşdirilib. İstifadə tarixi: 23 may 2019.
- ↑ "LGBTI Activist Sedef Çakmak is now a Municipal Assembly Member". lgbtinewsturkey.com (ingilis). LGBTI NEWS TURKEY. 2 mart 2015. 24 mart 2019 tarixində arxivləşdirilib. İstifadə tarixi: 23 may 2019.
- ↑ "Sedef Cakmak - Global Philanthropy Forum". philanthropyforum.org (ingilis). Global Philanthropy Forum. 24 mart 2019 tarixində arxivləşdirilib. İstifadə tarixi: 23 may 2019.
- ↑ "Bianet: Sedef Çakmak is elected as the Chair of Rainbow Rose". lgbtinewsturkey.com (ingilis). LGBTI NEWS TURKEY. 30 oktyabr 2017. 24 mart 2019 tarixində arxivləşdirilib. İstifadə tarixi: 23 may 2019.