Səidə Dadaşova

Səidə Rafael qızı Dadaşova (26.07.1979) — Azərbaycan Respublikasının incəsənət xadimi, müxtəlif incəsənət müsabiqələrinin qalibi və laureatı.

Səidə Dadaşova
Ümumi məlumatlar
Doğum adı	Dadaşova Səidə Rafael qızı
Ləqəbi	Səidə
Doğum tarixi	26 iyul 1979
Milliyyəti	azərbaycanlı
Atası	Rafael Dadaşov
Anası	Sədaqət Dadaşova
Musiqiçi məlumatları
Fəaliyyəti	Müğənni, aktrisa
Fəaliyyət illəri	1994-cü ildən günümüzədək
Janr	Estrada
Əlaqələri	Elmira Rəhimova, Yaşar Səfərov
Təhsili	Bülbül adına Orta İxtisas Musiqi Məktəbi
Mükafatları	Qızıl Açar Müsabiqəsi(1996) Gülüstan Sarayında "Qran-Pri"

Həyatı və karyerası

Səidə Dadaşova 27 iyul 1979-cu ildə Bakı şəhərində anadan olub. 3 övladdırlar və Səidə xanım ailənin sonbeşiyidir.

Orta təhsilini Bakı şəhəri 5 nömrəli tam orta məktəbində almış, daha sonra Bakı şəhəri Bülbül adına Orta İxtisas Musiqi Məktəbinin "fortepiano" sinfini bitirmişdir.

Səidə Dadaşovanın musiqi karyerası 1994-cü ildə başlandı. 1994–1998-ci illərdə Fikrət Əmirov adına Mahnı və Rəqs Ansamblının solisti kimi fəaliyyət göstərmiş və bu illərdən etibarən böyük səhnəyə addımladı. Müəllimləri Azərbaycan Respublikasının xalq artisti Elmira Rəhimova və Azərbaycan SSR əməkdar artisti Yaşar Səfərov olub.

1996-cı ildə hələ yeniyetmə olarkən, 17 yaşında o, Azərbaycan Dövlət Televiziyasında keçirilən "Qızıl Açar" müsabiqəsində iştirak etmiş və bədii şuranın qərarı ilə qalib seçilmişdir.

Fəaliyyətinin sonrakı illərində, Novruz Aslan kimi tanınan millət vəkili Novruzəli Aslanovun təşəbbüsü ilə sözləri atası, mərhum xalq artisti Rafael Dadaşovun, musiqisi elə Novruzəli Aslanova məxsus olan 10 mahnı ifa etmişdir.

2000-ci illərdə

İlk kaset albomu olan "Səni Necə Tapım" isə 2000-ci ildə "Şahin-R" studiyasında səsləndirilmişdir. Faəliyyətinin növbəti illərində də silsilə mahnılar ifa etmiş, onlardan bəziləri dövrünün hitinə çevrilmiş, səs salmış və beləcə sənətçiyə daha da populyarılq gətirmişdir.

Dövlət Gülüstan Sarayında təşkil edilən incəsənət "Qran-Pri" mükafatının laureatı olmaqla bərabər müxtəlif uğurlara da imza atmışdır. Dəfələrlə dövlət və özəl təşkilatlardan diplom mükafatları ilə təltif edilmişdir. Hazırda da rəsmi dövlət tədbirlərində incəsənət fəaliyyətini davam etdirir və müxtəlif tədbirlərdə çıxışlar edir.

2010–2020-ci illərdə

2017-ci ildə Xalq TV-nin təşkil etdiyi "Xalq TV-nin Dostu" mükafatına layiq görülüb. N saylı Hərbi Hissənin ictimai-siyasi həyatında fəal iştirakına görə Fəxri Fərman ilə təltif olunmuşdur. Faytonçu Nazim, Fərhad Mehrəliyev, Ramil Sədalı və s. müğənnilər ilə duetləri mövcuddur. Ənənəvi üsulla yanaşı sosial medianın inkişafı fonunda sənətçi hazırda sosial şəbəkələrdə də olduqca fəaldır və yeni parçalarını YouTube, Spotify kimi onlayn platformalar üzərindən yayımlayır.

Ailəsi

Azərbaycan sənət dünyasında adını qızıl hərflərlə yazdıran ailələrdən, soylardan biri də Dadaşovlardır. Səidə xanım bu ailənin ən gənc nümayəndələrindən biridir.

Belə ki, onun atası Azərbaycanın görkəmli teatr və kino aktyoru, Akademik Milli Dram Teatrının aparıcı səhnə ustası, Azərbaycan Respublikasının xalq artisti (2006) və "Şöhrət" ordeni laureatlı (2019) mərhum Rafael Dadaşovdur. Ata xətti ilə babası Azərbaycan teatr və kino aktyoru, Azərbaycan SSR xalq artisti (1974), Azərbaycan SSR Dövlət mükafatı laureatı (1986) olmuş mərhum Məlik Dadaşovdur. Nənəsi isə, Cəlil Məmmədquluzadə adına Naxçıvan Dövlət Musiqili Dram Teatrının aparıcı aktrisası olmuş, Azərbaycan SSR xalq artisti (1982) və "Şöhrət" ordeni laureatlı (1996) Sofiya Hüseynovadır.

Anası isə məşhur Sevil vokal-instrumental ansamblının ilk solistlərindən olmuş aktrisa Sədaqət Dadaşovadır. Xalası Azərbaycan Respublikasının xalq artisti Brilliant Dadaşovadır.

Səidə xanımın hər iki babası — Süleyman və Məlik Dadaşovlar həm də qardaşdır. Ana xətti ilə nənəsi Qızxanım Həsən qızı Dadaşova ölkəmizin ilk qadın qarmon ustalarından olmuşdur.

Səidə Dadaşova ailəlidir və bir oğlu var.

Albomları

Albomun ön və arxa fonu, 2000-ci il

Tarix	Ad
2000	Səni necə tapım?!…(Novruz Aslanın mahnıları)

Klipləri

Say	Ad
01	Səni necə tapım?!
02	Gecələri
03	Dağlar oğlu
04	Sarı köynək
05	Darıxdım
06	Qədəh
07	Zalım
08	Ömrüm günüm
09	Sonuna Kadar ft. Xəzər Süleymani
10	Əlvida və Nida
11	Neylərsən
12	Məsti xumar
13	Xdojnik
14	Alo-Alo
15	Gəl
16	Azəri Xanımlar
17	Qırmızı Alma
18	Ağ qadın
19	Darıxdım
20	Tək səni…
21	Onsuz dəli
22	Dəli kimiyəm
23	Hələ gec deyil ft. Faytonçu Nazim (2003)
24	O mən idim ft. Fərhad Mehrəliyev (2013)
25	Kaş səni görməyəydim ft. Ramil Sədalı (2018)
26	Şənlik nəğməsi
27	Yadigar sənə qala
28	Getmə-Getmə
29	Mən istərəm

Filmoqrafiya

• Qonşular (film, 2006) teleserialı — Səidə (Münasibətin həyat yoldaşı) rolunda

Sosial media hesabları

• Rəsmi YouTube kanalı — [1]
• Rəsmi İnstagram hesabı — [2]
• Rəsmi Tiktok səhifəsi — [3]
• Rəsmi Facebook profili — [4]

Xarici keçidlər

• Səidə Dadaşova – "Gecələri". Youtube.com ("Gecələri" mahnısına 2023-cü ildə çəkilən videoklip)