Sərdar Rəfi Yanehsari

Sərdar Rəfi Yanehsari (1856-1930) – Astrabadın, Qorqanın valisi.

Sərdar Rəfi Yanehsari
Digər adı	Məhəmmədbağır xan Lütfəli xan oğlu Yanehsari
Doğum tarixi	1856
Doğum yeri	Behşəhr, İran
Vəfat tarixi	1930
Vəfat yeri	Tehran, İran
Fəaliyyəti	siyasətçi

Həyatı

Məhəmmədbağır xan ibn Lütfəli xan bin Məhəmmədbağır xan bin Mehdi xan bin Məhəmmədtağı xan bin Kərbalayı Məhəmmədqulu xan bin Sadıq sultan Qorqanın, Həzarcəribin maliklərindən, sahibmənsəblərindən idi. Əsliyyəti Firuzkuhdan Həzarcəribə gəlmədirlər.

Məhəmmədbağır xan Sərdar Rəfi Yanehsari kimi tanınırdı. Siyasətçi idi. Orduda xidmət etmişdi. O, Məhəmmədəli şah Qacarın dövründə Qorqanın, Şahrudun və Bəstamın hakimi, iki dəfə isə Asrtabadın hakiminin müavini olmuşdu.

Sərdar Rəfi ulu babası Sadıq sultan Ağaməhəmməd şah Qovanlı-Qacarın müasiri idi.

Sərdar Rəfi Yanehsari 1930-cu ildə vəfat edib.

Mənbə

• Ənvər Çingizoğlu, Məşrutə ensiklopediyası, Bakı, 2011. 624 səh.