Sakunosuke Oda
Sakunosuke Oda (織田 作之助, Oda Sakunosuke?, 26 oktyabr 1913[1][2], Osaka[1] – 10 yanvar 1947[1][2], Tokio[d][1]) – Yaponiya romançısı. Osaka şəhərini və İkinci Dünya müharibəsindən sonrakı Yaponiyanı təsvir edən əsərlər yazmışdır. Osamu Dazainin dostu olmuşdur.
| Sakunosuke Oda | |
|---|---|
| yap. 織田作之助 | |
 | |
| Doğum tarixi | 26 oktyabr 1913[1][2] |
| Doğum yeri | |
| Vəfat tarixi | 10 yanvar 1947[1][2] (33 yaşında) |
| Vəfat yeri | |
| Vəfat səbəbi | vərəm |
| Təhsili | |
| Fəaliyyəti | roman yazıçısı, yazıçı, ssenarist |
 Sakunosuke Oda Vikimənbədə | |
 Vikianbarda əlaqəli mediafayllar | |
İlk illəri
redaktəSakunosuke Oda 1913-cü ildə Yaponiyanın Osaka şəhərində doğulmuşdur. Ailəsi balıq alveri ilə məşğul olurdu.[3] Kiotoda yerləşən Üçüncü liseydə təhsil alsa da,[4] məzun ola bilməmişdir.[5]
Yaradıcılığı
redaktəOda 1937-ci ildə Kiotoya köçmüş,[3] Stendal və İhara Saykakudan təsirlənərək nostalji romanları yazmağa başlamışdır. Osaka şəhərinin gündəlik həyatını və insanlarını əks etdirən əsərlər ortaya çıxarmışdır. 1939-cu ildə yazdığı "Zakuşu" hekayəsinə görə Akutaqava mükafatına namizəd göstərilmişdir. 1940-cı ildə yazdığı və uğur qazanmış "Cütlüyün yaxşı uğuru" (Meoto zenzay) əsərinin adı Osakada yerləşən bir şirniyyatdan dükkanından gəlir. Əsər məsuliyyətsiz, israfrçı bir ərə baxmayaraq evlilikləri davam edən bir cütlükdən bəhs edir.[6]
İkinci Dünya müharibəsindən sonra kifayət qədər populyar yazıçı olmuş, Osamu Dazai və Anqo Sakaquçi kimi yazıçılarla qruplaşaraq Burayha məktəbinin nümayəndəsi olmuşdur.[6] Lakin o, avtobioqrafik romanlara qarşı olmuşdur.[5] "İqlim" (Seso, 1946) hekayəsində ABŞ-nin Yaponiyadakı işğal dövrünün ilk aylarını təsvir etmişdir. Radio tamaşaları üçün ssenarilər yazmış, jurnalların birinə film ssenarisini göndərmişdir. Həmin ssenari əsasında "Qayıtmış kişi" (Kaetta Kitta Ooko, 1944) filmi çəkilmişdir. 1947-ci ildə Tokioda ağciyər iltihabı nəticəsində ölmüş və Osakada dəfn olunmuşdur. Dostu və həmkarı Osamu Dazai onun dəfnindən sonra yazdığı mədhiyyədə Odanın tənqidçilərini yazıçının qəfil ölümündə günahlandırmışdır.[6]
Odanın digər əsərlərinə "On iki il" (Nicusay, 1941), "Gənclik paradoksu" (Seyşun no qyakusetsu, 1941), "Mənim şəhərim" (Vaqamaçi, 1942), "At yarışı" (Keyba, 1946) daxildir.[3] Mən-roman janrından müstəqillikdən bəhs edən "Kanosey no bunqaku" (1946) essesini yazmışdır. "Doyo fuci" (1946–1947) romanı öldüyü üçün tamamlanmamış qalmışdır.[4]
Xatirəsi
redaktə1963-cü ildə Osakanın Hozen məbədi yaxınlığında Odanın abidəsi qoyulmuşdur. "Cütlüyün yaxşı uğuru" əsərində hadisələrin bir qismi bu məbəd ətrafında baş verir.[6]
1983-cü ildə yazıçının anadan olmasının 70 illiyi münasibətilə Sakunosuke Oda mükafatı təsis olunmuşdur. Bu mükafat hər il yeni bir yazıçı tərəfindən yazılmış ən yaxşı işə görə təqdim olunur.[6]
İstinadlar
redaktə- ↑ 1 2 3 4 5 6 7 8 Deutsche Nationalbibliothek Record #1028979088 // Ümumi tənzimləmə nəzarəti (GND) (alm.). 2012—2016.
- ↑ 1 2 3 4 Sakunosuke Oda // Find a Grave (ing.). 1996.
- ↑ 1 2 3 Frédéric. səh. 735
- ↑ 1 2 Kodansha Encyclopedia of Japan. səh. 65
- ↑ 1 2 The Japan Biographical Encyclopedia & Who's Who. səh. 1109
- ↑ 1 2 3 4 5 "Oda Sakunosuke - Japanese author". Japan 101 (ingiliscə). 26 noyabr 2010 tarixində arxivləşdirilib. İstifadə tarixi: 13 iyul 2024.
Ədəbiyyat
redaktə- Kodansha Encyclopedia of Japan (ingiliscə). VI cild (Niju–Saka). Tokio: Kodansha. 1983. ISBN 0-87011-626-6. İstifadə tarixi: 13 iyun 2024.
- The Japan Biographical Encyclopedia & Who's Who (ingiliscə) (II). Tokio: Rengo Press. 1961. səh. 1109. İstifadə tarixi: 13 iyul 2024.
- Frédéric, Louis. Japan Encyclopedia (ingiliscə). Harvard University Press. 2002. ISBN 9780674017535. İstifadə tarixi: 2024.